SN 5.9 Selāsuttaṁ

download

170. Evaṁ me sutaṁ:
ekaṁ samayaṁ Bhagavā Sāvatthiyaṁ viharati Jetavane Anāthapiṇḍikassa ārāme.

Atha kho Selā bhikkhunī, pubbaṇhasamayaṁ nivāsetvā, pattacīvaram-ādāya, Sāvatthiṁ piṇḍāya pāvisi. Sāvatthiyaṁ piṇḍāya caritvā, pacchābhattaṁ piṇḍapātapaṭikkantā, yena Andhavanaṁ tenupasaṅkami divāvihārāya, Andhavanaṁ ajjhogahetvā, aññatarasmiṁ rukkhamūle divāvihāraṁ nisīdi.

Atha kho Māro Pāpimā Selāya bhikkhuniyā bhayaṁ chambhitattaṁ lomahaṁsaṁ uppādetukāmo, samādhimhā cāvetukāmo, yena Selā bhikkhunī tenupasaṅkami, upasaṅkamitvā Selaṁ All texts: uppādetukāmo ... pe ... Selaṁ; the ellipsis would have been filled in by the recitor.01 bhikkhuniṁ gāthāya ajjhabhāsi:

−⏑−⏑¦⏑−−−¦¦⏑⏑−−¦⏑−⏑−
“Kenidaṁ pakataṁ bimbaṁ, kva nu Thai: kvaci; here and in the next two lines.02 bimbassa kārako,

⏑⏑−−¦⏑−−−¦¦⏑⏑−−¦⏑−⏑−
Kva nu bimbaṁ samuppannaṁ, kva nu bimbaṁ nirujjhatī?” ti

Atha kho Selāya bhikkhuniyā etad-ahosi: “Ko nu khvāyaṁ manusso vā amanusso vā gāthaṁ bhāsatī?” ti Atha kho Selāya bhikkhuniyā etad-ahosi: “Māro kho ayaṁ Pāpimā mama bhayaṁ chambhitattaṁ lomahaṁsaṁ uppādetukāmo, samādhimhā cāvetukāmo, gāthaṁ bhāsatī.” ti

Atha kho Selā bhikkhunī: Māro ayaṁ Pāpimā iti viditvā, Māraṁ Pāpimantaṁ gāthāhi paccabhāsi:

⏑⏑−−⏑¦⏑−−−¦¦⏑⏑−⏑⏑¦⏑−⏑−
“Na-y-idaṁ attakataṁ bimbaṁ, na-y-idaṁ parakataṁ aghaṁ, Thai: Na-y-idaṁ pakataṁ bimbaṁ, na-y-idaṁ pakataṁ aghaṁ.03

−−⏑−¦⏑−−−¦¦−⏑−−¦⏑−⏑−
Hetuṁ paṭicca sambhūtaṁ, hetubhaṅgā nirujjhati.

⏑−−⏑¦⏑−−−¦¦−−−−¦⏑−⏑−
Yathā Thai: Yathā pi, which is unmetrical.04 aññataraṁ bījaṁ khette vuttaṁ virūhati

⏑⏑−⏑−¦⏑−−−¦¦⏑−−⏑¦⏑−⏑−
Pathavīrasañ-ca āgamma ChS: cāgamma; no doubt trying to make an eight-syllable line, but taking resolution at the first produces an acceptable line.05 sinehañ-ca tad-ūbhayaṁ, Long ū- is m.c. here.06

−−−−¦⏑−⏑−¦¦⏑⏑−⏑¦⏑−⏑− Anuṭṭubha
Evaṁ khandhā ca dhātuyo cha ca PTS: cha cca?07 āyatanā ime,

−−⏑−¦⏑−−−¦¦−⏑−−¦⏑−⏑−
Hetuṁ paṭicca sambhūtā, hetubhaṅgā nirujjhare.” ti

Atha kho Māro Pāpimā: “Jānāti maṁ Selā bhikkhunī!” ti dukkhī dummano tatthevantaradhāyī ti.