Mahāparinibbānasuttaṁ (DN 16)

[Paṭhamabhāṇavāraṁ]

[4: Apare Satta Saṅgha-Aparihāniyā Dhammā (8-14)] cf. AN Bk. 7.24. I believe this and the next four sections are additions. See the Introduction.

Apare pi vo PTS: Apare pi kho, throughout; vo is the indeclineable pronoun. bhikkhave satta aparihāniye dhamme desessāmi, taṁ suṇātha sādhukaṁ manasikarotha bhāsissāmī ti.” [53]

“Evaṁ Bhante,” ti kho te bhikkhū PTS: bhikkhu, printing error. Bhagavato paccassosuṁ, Bhagavā etad-avoca: [54]

1. “Yāvakīvañ-ca bhikkhave bhikkhū na kammārāmā bhavissanti, na kammaratā na kammārāmataṁ anuyuttā, vuḍḍhi yeva bhikkhave bhikkhūnaṁ pāṭikaṅkhā no parihāni. [55]

2. Yāvakīvañ-ca bhikkhave bhikkhū na bhassārāmā bhavissanti, na bhassaratā, na bhassārāmataṁ anuyuttā, vuḍḍhi yeva bhikkhave bhikkhūnaṁ pāṭikaṅkhā no parihāni. [56]

3. Yāvakīvañ-ca bhikkhave bhikkhū na niddārāmā bhavissanti na niddāratā na niddārāmataṁ anuyuttā, vuḍḍhi yeva bhikkhave bhikkhūnaṁ pāṭikaṅkhā no parihāni. [57]

4. Yāvakīvañ-ca bhikkhave bhikkhū PTS: bhikkhu, printing error. na saṅgaṇikārāmā bhavissanti na saṅgaṇikāratā ChS: saṅgaṇikaratā, printing error. na saṅgaṇikārāmataṁ anuyuttā, vuḍḍhi yeva bhikkhave bhikkhūnaṁ pāṭikaṅkhā no parihāni. [58]

5. Yāvakīvañ-ca bhikkhave bhikkhū na pāpicchā bhavissanti, na pāpikānaṁ icchānaṁ vasaṁ gatā, vuḍḍhi yeva bhikkhave bhikkhūnaṁ pāṭikaṅkhā no parihāni. [59]

6. Yāvakīvañ-ca bhikkhave bhikkhū na pāpamittā bhavissanti, na pāpasahāyā na pāpasampavaṅkā, Thai: pāpasampavaṅkarā. vuḍḍhi yeva bhikkhave bhikkhūnaṁ pāṭikaṅkhā no parihāni. [60]

7. Yāvakīvañ-ca bhikkhave bhikkhū na oramattakena visesādhigamena antarā vosānaṁ āpajjissanti, vuḍḍhi yeva bhikkhave bhikkhūnaṁ pāṭikaṅkhā no parihāni. [61]

Yāvakīvañ-ca bhikkhave ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti, vuḍḍhi yeva bhikkhave bhikkhūnaṁ pāṭikaṅkhā no parihāni. [62]

last updated: June 2008