Mahāparinibbānasuttaṁ (DN 16)

[Paṭhamabhāṇavāraṁ]

[5: Apare Satta Saṅgha-Aparihāniyā Dhammā (15-21)] cf. AN Bk. 7.25.

Apare pi vo bhikkhave satta aparihāniye dhamme desessāmi, taṁ suṇātha sādhukaṁ manasikarotha bhāsissāmī ti.” [63]

“Evaṁ Bhante,” ti kho te bhikkhū Bhagavato paccassosuṁ, Bhagavā etad-avoca: [64]

1. “Yāvakīvañ-ca bhikkhave bhikkhū saddhā bhavissanti, vuḍḍhi yeva bhikkhave bhikkhūnaṁ pāṭikaṅkhā no parihāni. PTS greatly abbreviates here (without indicating a peyyāla passage), reading: Yāvakīvañ-ca bhikkhave bhikkhū saddhā bhavissanti, hirimanā bhavissanti, ottāpī bhavissanti, bahussutā bhavissanti, āraddhaviriyā bhavissanti, upaṭṭhitasatī bhavissanti, paññāvanto bhavissanti, vuddhi yeva... etc. PTS regularly abbreviates in this way, further instances are not always noted except when the peyyāla is not indicated. [65]

2. Yāvakīvañ-ca bhikkhave bhikkhū hirimanā BJT: hirimana, printing error. bhavissanti, vuḍḍhi yeva bhikkhave bhikkhūnaṁ pāṭikaṅkhā no parihāni. [66]

3. Yāvakīvañ-ca bhikkhave bhikkhū ottappī PTS: ottapī. bhavissanti, vuḍḍhi yeva bhikkhave bhikkhūnaṁ pāṭikaṅkhā no parihāni. [67]

4. Yāvakīvañ-ca bhikkhave bhikkhū bahussutā bhavissanti, vuḍḍhi yeva bhikkhave bhikkhūnaṁ pāṭikaṅkhā no parihāni. [68]

5. Yāvakīvañ-ca bhikkhave bhikkhū āraddhaviriyā bhavissanti, vuḍḍhi yeva bhikkhave bhikkhūnaṁ pāṭikaṅkhā no parihāni. [69]

6. Yāvakīvañ-ca bhikkhave bhikkhū upaṭṭhitassatī BJT, PTS: upaṭṭhitasatī. In the text I have accepted gemination. bhavissanti, vuḍḍhi yeva bhikkhave bhikkhūnaṁ pāṭikaṅkhā no parihāni. [70]

7. Yāvakīvañ-ca bhikkhave bhikkhū paññavanto PTS: paññāvanto. bhavissanti, vuḍḍhi yeva bhikkhave bhikkhūnaṁ pāṭikaṅkhā no parihāni. [71]

Yāvakīvañ-ca bhikkhave ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti, vuḍḍhi yeva bhikkhave bhikkhūnaṁ pāṭikaṅkhā no parihāni. [72]

last updated: June 2008