Mahāparinibbānasuttaṁ (DN 16)

[Pañcamabhāṇavāraṁ]

[38: Mallā Bhagavato Vandanā]

“Gaccha tvaṁ Ānanda Kusināraṁ BJT: Kusinārāṁ, printing error; Thai, PTS: Kusinārāyaṁ; the syntax in these phrases usually takes the accusative. pavisitvā, Kosinārakānaṁ Mallānaṁ ārocehi: ‘Ajja kho Vāseṭṭhā Thai: Vāsiṭṭha, throughout. rattiyā pacchime yāme Tathāgatassa Parinibbānaṁ bhavissati, abhikkamatha PTS: abhikkhamatha, throughout, but the correct form is without the aspirate. Vāseṭṭhā, abhikkamatha Vāseṭṭhā, mā pacchā vippaṭisārino ahuvattha: [684]

“Amhākañ-ca no gāmakkhette Tathāgatassa Parinibbānaṁ ahosi, na mayaṁ labhimhā pacchime kāle Tathāgataṁ dassanāyā” ’.” ti [685]

“Evaṁ Bhante,” ti kho āyasmā Ānando Bhagavato paṭissutvā, nivāsetvā pattacīvaram-ādāya attadutiyo Thai: adutiyo, which reverses the meaning here: without a companion. Kusināraṁ Thai, PTS: Kusinārāyaṁ. pāvisi. Tena kho pana samayena Kosinārakā Mallā Santhāgāre Thai: Saṇṭhāgāre; ChS: Sandhāgāre, and similarly throughout. sannipatitā honti kenacid-eva karaṇīyena. Atha kho āyasmā Ānando yena Kosinārakānaṁ Mallānaṁ Santhāgāraṁ tenupasaṅkami, upasaṅkamitvā Kosinārakānaṁ Mallānaṁ ārocesi: [686]

“Ajja kho Vāseṭṭhā rattiyā pacchime yāme Tathāgatassa Parinibbānaṁ bhavissati, abhikkamatha Vāseṭṭhā, abhikkamatha Vāseṭṭhā, mā pacchā vippaṭisārino ahuvattha: ‘Amhākañ-ca no gāmakkhette Tathāgatassa Parinibbānaṁ ahosi, na mayaṁ labhimhā pacchime kāle Tathāgataṁ Thai: Tathāgatassa; the syntax in these phrases usually takes the accusative. dassanāyā’.” ti [687]

Idam-āyasmato Ānandassa sutvā, Mallā ca Mallaputtā ca Mallasuṇisā ca Mallapajāpatiyo ca aghāvino dummanā cetodukkhasamappitā. [688]

Appekacce kese pakiriya kandanti, bāhā paggayha kandanti, chinnapātaṁ papatanti, BJT: patanti, here. āvaṭṭanti vivaṭṭanti: “Atikhippaṁ Bhagavā parinibbāyissati, atikhippaṁ Sugato parinibbāyissati, atikhippaṁ Cakkhumā loke antaradhāyissatī!” ti [689]

Atha kho Mallā ca Mallaputtā ca Mallasuṇisā ca Mallapajāpatiyo ca, aghāvino dummanā cetodukkhasamappitā, yena Upavattanaṁ Mallānaṁ Sālavanaṁ, yen' Āyasmā Ānando tenupasaṅkamiṁsu. Atha kho āyasmato Ānandassa etad-ahosi: [690]

“Sace kho ahaṁ Kosinārake Malle ekam-ekaṁ Bhagavantaṁ vandāpessāmi BJT: vandāpessāmiṁ, printing error. avandito ca PTS omits ca. Bhagavā Kosinārakehi Mallehi bhavissati athāyaṁ ratti vibhāyissati. Yannūnāhaṁ Kosinārake Malle kulaparivattaso kulaparivattaso ṭhapetvā, Bhagavantaṁ vandāpeyyaṁ: ‘Itthannāmo Bhante Mallo saputto sabhariyo sapariso sāmacco Bhagavato pāde sirasā vandatī’?” ti [691]

Atha kho āyasmā Ānando Kosinārake Malle kulaparivattaso kulaparivattaso ṭhapetvā Bhagavantaṁ vandāpesi: [692]

“Itthannāmo Bhante Mallo saputto sabhariyo sapariso sāmacco Bhagavato pāde sirasā vandatī.” ti Atha kho āyasmā Ānando, etena upāyena, paṭhameneva yāmena, Kosinārake Malle Bhagavantaṁ vandāpesi. [693]

last updated: June 2008