Parallels to the Dhammapada Verses - Text with Parallel Listings

Parallels to the Dhammapada Verses
in the Pāḷi Canon and in other MIA Languages

1: Yamakavaggo

1. manopubbaṅgamā dhammā, manoseṭṭhā manomayā,
manasā ce paduṭṭhena bhāsati vā karoti vā,
tato naṁ dukkham-anveti cakkaṁ va vahato padaṁ.

no canonical parallel found
(quoted:) Netti PTS 129
(quoted:) Peṭak PTS 24

Patna 1 [1.1] Jama
Gāndhārī 201 [13.1] Yamaka
Udānavarga 31.23 Citta
Satyasiddhiśāstram pg 206
Mahā-karmavibhaṅga XXV

2. manopubbaṅgamā dhammā, manoseṭṭhā manomayā,
manasā ce pasannena bhāsati vā karoti vā,
tato naṁ sukham-anveti chāyā va anapāyinī.

no canonical parallel found
(quoted:) Netti PTS 133
(quoted:) Peṭak PTS 24, 165

Patna 2 [1.2] Jama
Gāndhārī 202 [13.2] Yamaka
Udānavarga 31.24 Citta
Cittaviśuddhiprakaraṇa vs 10
Mahā-karmavibhaṅga XXV, XXXII

3. “akkocchi maṁ avadhi maṁ ajini maṁ ahāsi me”,
ye ca taṁ upanayhanti veraṁ tesaṁ na sammati.

MN 128. Upakkilesasuttaṁ PTS 3.154
Ja 371. Dīghītikosalajātakaṁ PTS 3.212
Ja 428. Kosambiyajātakaṁ PTS 3.488
Vin Mv PTS 1.349

Patna 5 [1.5] Jama
~~Gāndhārī~~
Udānavarga 14.9 Droha
Kośāmbakavastu II 184

4. “akkocchi maṁ avadhi maṁ ajini maṁ ahāsi me”,
ye taṁ na upanayhanti veraṁ tesūpasammati.

MN 128. Upakkilesasuttaṁ PTS 3.154
Ja 371. Dīghītikosalajātakaṁ PTS 3.212
Ja 428. Kosambiyajātakaṁ PTS 3.488
Vin Mv PTS 1.349

Patna 6 [1.6] Jama
~~Gāndhārī~~
Udānavarga 14.10 Droha
Kośāmbakavastu II 184

5. na hi verena verāni sammantīdha kudācanaṁ,
averena ca sammanti, esa dhammo sanantano.

MN 128. Upakkilesasuttaṁ PTS 3.154
Ja 371. Dīghītikosalajātakaṁ PTS 3.212
Ja 428. Kosambiyajātakaṁ PTS 3.488
Vin Mv PTS 1.349

Patna 253 [14.15] Khānti
~~Gāndhārī~~
Udānavarga 14.11 Droha
Kośāmbakavastu II 184

6. pare ca na vijānanti mayam-ettha yamāmase,
ye ca tattha vijānanti tato sammanti medhagā.

MN 128. Upakkilesasuttaṁ PTS 3.154
Thag Sabhiyattheragāthā PTS 52
Thag Mahākaccāyanattheragāthā PTS 52
Vin Mv PTS 1.349
Ja 428. Kosambiyajātakaṁ PTS 3.488

Patna 254 [14.16] Khānti
~~Gāndhārī~~
~~Udānavarga~~
Kośāmbakavastu II 183

7. subhānupassiṁ viharantaṁ indriyesu asaṁvutaṁ,
bhojanamhi amattaññuṁ, kusītaṁ hīnavīriyaṁ,
taṁ ve pasahati māro vāto rukkhaṁ va dubbalaṁ.

no canonical parallel found

Patna 7 [1.7] Jama
Gāndhārī 217 [13.17] Yamaka
Udānavarga 29.15 Yuga

8. asubhānupassiṁ viharantaṁ indriyesu susaṁvutaṁ,
bhojanamhi ca mattaññuṁ, saddhaṁ āraddhavīriyaṁ,
taṁ ve nappasahati māro vāto selaṁ va pabbataṁ.

no canonical parallel found
(quoted:) Peṭak PTS 64

Patna 8 [1.8] Jama
Gāndhārī 218 [13.18] Yamaka
Udānavarga 29.16 Yuga

9. anikkasāvo kāsāvaṁ yo vatthaṁ paridahessati,
apeto damasaccena na so kāsāvam-arahati.

Thag Phussattheragāthā PTS 88
Ja 221. Kāsāvajātakaṁ PTS 2.198
Ja 514. Chaddantajātakaṁ PTS 5.50

Patna 94 [6.11] Śoka
Gāndhārī 192 [12.11] Thera
Udānavarga 29.7 Yuga

10. yo ca vantakasāvassa sīlesu susamāhito,
upeto damasaccena sa ve kāsāvam-arahati.

Thag Phussattheragāthā PTS 88
Ja 221. Kāsāvajātakaṁ PTS 2.198
Ja 514. Chaddantajātakaṁ PTS 5.50

Patna 95 [6.12] Śoka
Gāndhārī 193 [12.12] Thera
Udānavarga 29.8 Yuga

11. asāre sāramatino sāre cāsāradassino,
te sāraṁ nādhigacchanti micchāsaṅkappagocarā.

no canonical parallel found

Patna 171 [10.15] Mala
Gāndhārī 213 [13.13] Yamaka
Udānavarga 29.3 Yuga

12. sārañ-ca sārato ñatvā asārañ-ca asārato,
te sāraṁ adhigacchanti sammāsaṅkappagocarā.

no canonical parallel found

Patna 172 [10.16] Mala
Gāndhārī 214 [13.14] Yamaka
Udānavarga 29.4 Yuga

13. yathā agāraṁ ducchannaṁ vuṭṭhī samativijjhati,
evaṁ abhāvitaṁ cittaṁ rāgo samativijjhati.

Thag Rādhattheragāthā PTS 19

Patna 351 [19.10] Citta
Gāndhārī 219 [13.19] Yamaka
Udānavarga 31.11 Citta

14. yathā agāraṁ succhannaṁ vuṭṭhī na samativijjhati,
evaṁ subhāvitaṁ cittaṁ rāgo na samativijjhati.

Thag Rādhattheragāthā PTS 19

Patna 352 [19.11] Citta
Gāndhārī 220 [13.20] Yamaka
Udānavarga 31.17 Citta

15. idha socati pecca socati,
pāpakārī ubhayattha socati,
so socati so vihaññati
disvā kammakiliṭṭham-attano.

no canonical parallel found
(quoted:) Peṭak PTS 7

Patna 3 [1.3] Jama
Gāndhārī 205 [13.5] Yamaka
Udānavarga 28.34 Pāpa

16. idha modati pecca modati,
katapuñño ubhayattha modati,
so modati so pamodati
disvā kammavisuddhim-attano.

no canonical parallel found

Patna 4 [1.4] Jama
Gāndhārī 206 [13.6] Yamaka
Udānavarga 28.35 Pāpa

17. idha tappati pecca tappati,
pāpakārī ubhayattha tappati,
“pāpaṁ mĕ katan”-ti tappati,
bhiyyo tappati duggatiṁ gato.

no canonical parallel found

~~Patna~~
~~Gāndhārī~~
~~Udānavarga~~

18. idha nandati pecca nandati,
katapuñño ubhayattha nandati,
“puññaṁ mĕ katan”-ti nandati,
bhiyyo nandati suggatiṁ gato.

no canonical parallel found

~~Patna~~
~~Gāndhārī~~
~~Udānavarga~~

19. bahum-pi ce sahitaṁ bhāsamāno,
na takkaro hoti naro pamatto,
gopo va gāvo gaṇayaṁ paresaṁ,
na bhāgavā sāmaññassa hoti.

no canonical parallel found

Patna 290 [16.13] Vācā
Gāndhārī 190 [12.9] Thera
Udānavarga 4.22 Apramāda

20. appam-pi ce sahitaṁ bhāsamāno,
dhammassa hoti anudhammacārī,
rāgañ-ca dosañ-ca pahāya mohaṁ,
sammappajāno suvimuttacitto,
anupādiyāno idha vā huraṁ vā,
sa bhāgavā sāmaññassa hoti.

no canonical parallel found

Patna 291 [16.14] Vācā
Gāndhārī 191 [12.10] Thera
Udānavarga 4.23 Apramāda

Yamakavaggo paṭhamo.

2: Appamādavaggo

21. appamādo amatapadaṁ, pamādo maccuno padaṁ,
appamattā na mīyanti, ye pamattā yathā matā.

Ja 520. Gandhatindukajātakaṁ PTS 5.99
(partial:) Peṭak PTS 92
(quoted:) Netti PTS 34

Patna 14 [2.1] Apramāda
Gāndhārī 115 [7.6] Apramadu
Udānavarga 4.1 Apramāda
Dharmasamuccaya 6.4
Śarīrārthagāthā vs 16

22. etaṁ visesato ñatvā appamādamhi paṇḍitā,
appamāde pamodanti, ariyānaṁ gocare ratā.

no canonical parallel found
(quoted:) Peṭak PTS 102

Patna 15 [2.2] Apramāda
Gāndhārī 116 [7.7] Apramadu
Udānavarga 4.2 Apramāda

23. te jhāyino sātatikā, niccaṁ daḷhaparakkamā,
phusanti dhīrā nibbānaṁ, yogakkhemaṁ anuttaraṁ.

no canonical parallel found

Patna 16 [2.3] Apramāda
~~Gāndhārī~~
Udānavarga 4.3 Apramāda

24. uṭṭhānavato satīmato,
sucikammassa nisammakārino,
saññatassa ca dhammajīvino,
appamattassa yasobhivaḍḍhati.

no canonical parallel found

Patna 28 [2.15] Apramāda
Gāndhārī 112 [7.3] Apramadu
Udānavarga 4.6 Apramāda

25. uṭṭhānenappamādena saṁyamena damena ca,
dīpaṁ kayirātha medhāvī, yaṁ ogho nābhikīrati.

no canonical parallel found

Patna 29 [2.16] Apramāda
Gāndhārī 111 [7.2] Apramadu
Udānavarga 4.5 Apramāda

26. pamādam-anuyuñjanti bālā dummedhino janā,
appamādañ-ca medhāvī dhanaṁ seṭṭhaṁ va rakkhati.

MN 86 Aṅgulimālasuttaṁ PTS 2.105
SN 1.36 Saddhāsuttaṁ PTS 1.25
Thag Aṅgulimālattheragāthā PTS 82

Patna 17 [2.4] Apramāda
Gāndhārī 117 [7.8] Apramadu
Udānavarga 4.10 Apramāda

27. mā pamādam-anuyuñjetha mā kāmaratisanthavaṁ,
appamatto hi jhāyanto pappoti vipulāṁ sukhaṁ.

MN 86 Aṅgulimālasuttaṁ PTS 2.105
SN 1.36 Saddhāsuttaṁ PTS 1.25
Thag Aṅgulimālattheragāthā PTS 82

~~Patna~~
Gāndhārī 129 [7.20] Apramadu
Gāndhārī 134 [7.25] Apramaduvaga
Udānavarga 4.12 Apramāda

28. pamādaṁ appamādena yadā nudati paṇḍito,
paññāpāsādam-āruyha, asoko sokiniṁ pajaṁ,
pabbataṭṭho va bhummaṭṭhe dhīro bāle avekkhati.

no canonical parallel found
(quoted:) Mil Pabbataṅgapañho PTS 387

Patna 19 [2.6] Apramāda
Gāndhārī 119 [7.10] Apramadu
Udānavarga 4.4 Apramāda

29. appamatto pamattesu, suttesu bahujāgaro,
abalassaṁ va sīghasso hitvā yāti sumedhaso.

no canonical parallel found

Patna 18 [2.5] Apramāda
Gāndhārī 118 [7.9] Apramadu
Udānavarga 19.4 Aśva

30. appamādena maghavā devānaṁ seṭṭhataṁ gato,
appamādaṁ pasaṁsanti, pamādo garahito sadā.

no canonical parallel found

~~Patna~~
Gāndhārī 120 [7.11] Apramadu
Udānavarga 4.24 Apramāda
Dharmasamuccaya 6.41

31. appamādarato bhikkhu, pamāde bhayadassivā,
saṁyojanaṁ aṇuṁ-thūlaṁ ḍahaṁ aggīva gacchati.

no canonical parallel found

Patna 23 [2.10] Apramāda
Gāndhārī 74 [2.24] Bhikhu
Udānavarga 4.29 Apramāda

32. appamādarato bhikkhu, pamāde bhayadassivā,
abhabbo parihānāya, nibbānasseva santike.

AN 4.37 Aparihāniyasuttaṁ PTS 2.40
(partial:) AN 6.32 Paṭhama-aparihānasuttaṁ PTS 3.331
(partial:) AN 6.33 Dutiya-aparihānasuttaṁ PTS 3.331
(partial:) AN 7.32 Appamādagāravasuttaṁ PTS 4.28
(partial:) AN 7.33 Hirīgāravasuttaṁ PTS 4.29
(partial:) AN 7.34 Paṭhamasovacassatāsuttaṁ PTS 4.29
(quoted:) Mil Cittakadharakummaṅgapañho PTS 408

Patna 22 [2.9] Apramāda
Gāndhārī 73 [2.23] Bhikhu
Udānavarga 4.32 Apramāda

Appamādavaggo dutiyo.

3: Cittavaggo

33. phandanaṁ capalaṁ cittaṁ dūrakkhaṁ dunnivārayaṁ,
ujuṁ karoti medhāvī usukāro va tejanaṁ.

no canonical parallel found

Patna 342 [19.1] Citta
(partial:) Gāndhārī 136 [8.2] Cita
Udānavarga 31.8 Citta

34. vārijo va thale khitto oka-m-okata ubbhato,
pariphandatidaṁ cittaṁ māradheyyaṁ pahātave.

no canonical parallel found

Patna 343 [19.2] Citta
(partial:) Gāndhārī 137b [8.?] Citavaga
Udānavarga 31.2 Citta

35. dunniggahassa lahuno yatthakāmanipātino,
cittassa damatho sādhu, cittaṁ dantaṁ sukhāvahaṁ.

no canonical parallel found

Patna 345 [19.4] Citta
~~Gāndhārī~~
Udānavarga 31.1 Citta
Dharmasamuccaya 11.31
Śarīrārthagāthā vs 35
Bodhicaryāvatārapañjika pg 52
Abhidharmakośabhāṣyam pg 27
Abhidharmakośavyākhyā pg 74
Prajñākaramati pg 51

36. sududdasaṁ sunipuṇaṁ yatthakāmanipātinaṁ,
cittaṁ rakkhetha medhāvī, cittaṁ guttaṁ sukhāvahaṁ.

no canonical parallel found

Patna 346 [19.5] Citta
~~Gāndhārī~~
~~Udānavarga~~

37. dūraṅgamaṁ ekacaraṁ asarīraṁ guhāsayaṁ,
ye cittaṁ saññam-essanti mokkhanti mārabandhanā.

no canonical parallel found

Patna 344 [19.3] Citta
(partial:) Gāndhārī 137a [8.?] Citavaga
Udānavarga 31.8A Citta
Abhidharmadīpa pg 120
Śarīrārthagāthā vs 38
Satyasiddhiśāstram pg 130

38. anavaṭṭhitacittassa saddhammaṁ avijānato,
pariplavapasādassa paññā na paripūrati.

no canonical parallel found

Patna 335 [18.9] Dadantī
(partial:) Gāndhārī 137c [8.?] Citavaga
Udānavarga 31.28 Citta

39. anavassutacittassa ananvāhatacetaso,
puññapāpapahīnassa natthi jāgarato bhayaṁ.

no canonical parallel found

Patna 347 [19.6] Citta
(partial:) Gāndhārī 137d [8.?] Citavaga
Udānavarga 28.6 Pāpa

40. kumbhūpamaṁ kāyam-imaṁ viditvā,
nagarūpamaṁ cittam-idaṁ ṭhapetvā,
yodhetha māraṁ paññāvudhena,
jitañ-ca rakkhe anivesano siyā.

no canonical parallel found
(quoted:) Peṭak PTS 14

Patna 350 [19.9] Citta
(partial:) Gāndhārī 138b. [8.?] Cita
Udānavarga 31.35 Citta

41. aciraṁ vatayaṁ kāyo paṭhaviṁ adhisessati,
chuddho apetaviññāṇo niratthaṁ va kaliṅgaraṁ.

no canonical parallel found

Patna 349 [19.8] Citta
Gāndhārī 153 [10.19] Jara
Udānavarga 1.35 Anitya
Suvarṇavarṇāvadāna vs 4

42. diso disaṁ yantaṁ kayirā verī vā pana verinaṁ
micchāpaṇihitaṁ cittaṁ pāpiyo naṁ tato kare.

Ud 33 Gopālakasuttaṁ PTS 39

~~Patna~~
~~Gāndhārī~~
Udānavarga 31.9 Citta

43. na taṁ mātā pitā kayirā aññe vā pi ca ñātakā
sammāpaṇihitaṁ cittaṁ seyyaso naṁ tato kare.

no canonical parallel found

~~Patna~~
~~Gāndhārī~~
Udānavarga 31.10 Citta

Cittavaggo tatiyo.

4: Pupphavaggo

44. kŏ imaṁ paṭhaviṁ vicessati
yamalokañ-ca imaṁ sadevakaṁ?
ko dhammapadaṁ sudesitaṁ,
kusalo puppham-iva ppacessati?

no canonical parallel found

Patna 131 [8.11] Puṣpa
Gāndhārī 301 [18.12] [Puṣpa]
Udānavarga 18.1 Puṣpa

45. sekho paṭhaviṁ vicessati
yamalokañ-ca imaṁ sadevakaṁ.
sekho dhammapadaṁ sudesitaṁ,
kusalo puppham-iva ppacessati.

no canonical parallel found

Patna 132 [8.12] Puṣpa
Gāndhārī 302 [18.13] [Puṣpa]
Udānavarga 18.2 Puṣpa

46. pheṇūpamaṁ kāyam-imaṁ viditvā,
marīcidhammaṁ abhisambudhāno,
chetvāna mārassa papupphakāni,
adassanaṁ maccurājassa gacche.

no canonical parallel found

Patna 134 [8.14] Puṣpa
Gāndhārī 300 [18.11] [Puṣpa]
Udānavarga 18.18 Puṣpa

47. pupphāni heva pacinantaṁ byāsattamanasaṁ naraṁ,
suttaṁ gāmaṁ mahogho va maccu ādāya gacchati.

no canonical parallel found

Patna 128 [8.8] Puṣpa
Gāndhārī 294 [18.5] [Puṣpa]
Udānavarga 18.14 Puṣpa
Mahābhārata 12.169.17

48. pupphāni heva pacinantaṁ byāsattamanasaṁ naraṁ,
atittaṁ yeva kāmesu antako kurute vasaṁ.

no canonical parallel found

Patna 129 [8.9] Puṣpa
~~Gāndhārī~~
Udānavarga 18.15 Puṣpa

49. yathā pi bhamaro pupphaṁ vaṇṇagandhaṁ aheṭhayaṁ
paḷeti rasam-ādāya, evaṁ gāme munī care.

Netti PTS 184

Patna 127 [8.7] Puṣpa
Gāndhārī 292 [18.3] [Puṣpa]
Udānavarga 18.8 Puṣpa
Prātimokṣasūtram (Mā-L), concl. vs 5
Prātimokṣasūtram (Mā), concl. vs 5

50. na paresaṁ vilomāni, na paresaṁ katākataṁ,
attano va avekkheyya katāni akatāni ca.

no canonical parallel found

Patna 309 [17.4] Ātta
Gāndhārī 271 [16.13] [Prakiṇakavaga?]
Udānavarga 18.9 Puṣpa
Prātimokṣasūtram (Mā-L), concl. vs 6
Prātimokṣasūtram (Mā), concl. vs 6

51. yathā pi ruciraṁ pupphaṁ vaṇṇavantaṁ agandhakaṁ,
evaṁ subhāsitā vācā aphalā hoti akubbato.

Thag Subhūtattheragāthā PTS 37

Patna 125 [8.5] Puṣpa
Gāndhārī 290 [18.1] [Puṣpa]
Udānavarga 18.6 Puṣpa

52. yathā pi ruciraṁ pupphaṁ vaṇṇavantaṁ sagandhakaṁ,
evaṁ subhāsitā vācā saphalā hoti pakubbato.

Thag Subhūtattheragāthā PTS 37

Patna 126 [8.6] Puṣpa
Gāndhārī 291 [18.2] [Puṣpa]
Udānavarga 18.7 Puṣpa

53. yathā pi puppharāsimhā kayirā mālāguṇe bahū,
evaṁ jātena maccena kattabbaṁ kusalaṁ bahuṁ.

no canonical parallel found

Patna 130 [8.10] Puṣpa
Gāndhārī 293 [18.4] [Puṣpa]
Udānavarga 18.10 Puṣpa

54. na pupphagandho paṭivātam-eti,
na candanaṁ tagaramallikā vā,
satañ-ca gandho paṭivātam-eti,
sabbā disā sappuriso pavāyati.

AN 3.80 Gandhajātasuttaṁ PTS 1.226
(quoted:) Mil Anumānapañho PTS 333

Patna 121 [8.1] Puṣpa
Gāndhārī 295 [18.6] [Puṣpa]
Udānavarga 6.16 Śīla

55. candanaṁ tagaraṁ vā pi, uppalaṁ atha vassikī,
etesaṁ gandhajātānaṁ sīlagandho anuttaro.

no canonical parallel found
(quoted:) Mil Anumānapañho PTS 333

Patna 122 [8.2] Puṣpa
(partial:) Gāndhārī 296 [18.7] [Puṣpa]
Udānavarga 6.17 Śīla

56. appamatto ayaṁ gandho yāyaṁ tagaracandanī,
yo ca sīlavataṁ gandho vāti devesu uttamo.

no canonical parallel found
(quoted:) Mil Anumānapañho PTS 333

Patna 123 [8.3] Puṣpa
~~Gāndhārī~~
Udānavarga 6.18 Śīla

57. tesaṁ sampannasīlānaṁ appamādavihārinaṁ
sammad-aññāvimuttānaṁ, māro maggaṁ na vindati.

no canonical parallel found

Patna 124 [8.4] Puṣpa
Gāndhārī 297 [18.8] [Puṣpa]
Udānavarga 6.19 Śīla

58. yathā saṅkāradhānasmiṁ ujjhitasmiṁ mahāpathe,
padumaṁ tattha jāyetha sucigandhaṁ manoramaṁ.

no canonical parallel found

Patna 135 [8.15] Puṣpa
Gāndhārī 303 [18.14] [Puṣpa]
Udānavarga 18.12 Puṣpa

59. evaṁ saṅkārabhūtesu andhabhūte puthujjane,
atirocati paññāya sammāsambuddhasāvako.

no canonical parallel found

Patna 136 [8.16] Puṣpa
Gāndhārī 304 [18.15] [Puṣpa]
Udānavarga 18.13 Puṣpa

Pupphavaggo catuttho.

5: Bālavaggo

60. dīghā jāgarato ratti, dīghaṁ santassa yojanaṁ,
dīgho bālānaṁ saṁsāro saddhammaṁ avijānataṁ.

no canonical parallel found

Patna 185 [11.12] Bāla
~~Gāndhārī~~
Udānavarga 1.19 Anitya
Mahā-karmavibhaṅga XVI

61. carañ-ce nādhigaccheyya seyyaṁ sadisam-attano,
ekacariyaṁ daḷhaṁ kayirā, natthi bāle sahāyatā.

no canonical parallel found

~~Patna~~
~~Gāndhārī~~
Udānavarga 14.15 Droha
Kośāmbakavastu II 185

62. “puttā matthi dhanam-matthi” iti bālo vihaññati,
attā hi attano natthi kuto puttā, kuto dhanaṁ?

no canonical parallel found

~~Patna~~
~~Gāndhārī~~
Udānavarga 1.20 Anitya

63. yo bālo maññati bālyaṁ, paṇḍito vā pi tena so,
bālo ca paṇḍitamānī sa ve bālo ti vuccati.

no canonical parallel found

Patna 184 [11.11] Bāla
~~Gāndhārī~~
Udānavarga 25.22 Mitra
Divyāvadāna pg 490

64. yāvajīvam-pi ce bālo paṇḍitaṁ payirupāsati
na so dhammaṁ vijānāti, dabbī sūparasaṁ yathā.

no canonical parallel found

Patna 191 [11.18] Bāla
Gāndhārī 233 [14.10] [Paṇida]
Udānavarga 25.13 Mitra
Mahābhārata 10.5.2

65. muhuttam-api ce viññū paṇḍitaṁ payirupāsati
khippaṁ dhammaṁ vijānāti, jivhā sūparasaṁ yathā.

no canonical parallel found

Patna 192 [11.19] Bāla
Gāndhārī 234 [14.11] [Paṇida]
Udānavarga 25.14 Mitra
Mahābhārata 10.5.2

66. caranti bālā dummedhā amitteneva attanā,
karontā pāpakaṁ kammaṁ yaṁ hoti kaṭukapphalaṁ.

SN 2.103 Khemasuttaṁ PTS 1.57
(quoted:) Netti PTS 131

Patna 174 [11.1] Bāla
~~Gāndhārī~~
Udānavarga 9.13 Karma
Ekottarāgama-Fragmente 18.333

67. na taṁ kammaṁ kataṁ sādhu yaṁ katvā anutappati,
yassa assumukho rodaṁ vipākaṁ paṭisevati.

SN 2.103 Khemasuttaṁ PTS 1.57
(quoted:) Netti PTS 132

Patna 175 [11.2] Bāla
~~Gāndhārī~~
Udānavarga 9.14 Karma
Ekottarāgama-Fragmente 18.334

68. tañ-ca kammaṁ kataṁ sādhu yaṁ katvā nānutappati,
yassa patīto sumano vipākaṁ paṭisevati.

SN 2.103 Khemasuttaṁ PTS 1.57

Patna 176 [11.3] Bāla
~~Gāndhārī~~
Udānavarga 9.15 Karma
Ekottarāgama-Fragmente 18.335

69. madhuvā maññati bālo, yāva pāpaṁ na paccati,
yadā ca paccati pāpaṁ, atha bālo dukkhaṁ nigacchati.

no canonical parallel found
(partial:) SN 3.126 Dutiyasaṅgāmasuttaṁ PTS 1.85

~~Patna~~
~~Gāndhārī~~
Udānavarga 28.18 Pāpa

70. māse māse kusaggena bālo bhuñjetha bhojanaṁ,
na so saṅkhātadhammānaṁ kalaṁ agghati soḷasiṁ.

no canonical parallel found

Patna 388 [21.13] Sahasra
~~Gāndhārī~~
Udānavarga 24.17 Peyāla
Mahāvastu iii. pg 435 Sahasra
Isibhāsiyāiṁ 41.13
Uttarādhyayanasūtraṁ 9.44

71. na hi pāpaṁ kataṁ kammaṁ sajju khīraṁ va muccati,
ḍahantaṁ bālam-anveti bhasmacchanno va pāvako.

no canonical parallel found
(quoted:) Netti PTS 161
(quoted:) Peṭak PTS 48

Patna 107 [7.12] Kalyāṇī
~~Gāndhārī~~
Udānavarga 9.17 Karma

72. yāvad-eva anatthāya ñattaṁ bālassa jāyati,
hanti bālassa sukkaṁsaṁ muddham-assa vipātayaṁ.

no canonical parallel found

Patna 177 [11.4] Bāla
~~Gāndhārī~~
Udānavarga 13.2 Satkāra

73. asataṁ bhāvanam-iccheyya, purekkhārañ-ca bhikkhusu,
āvāsesu ca issariyaṁ, pūjā parakulesu ca.

no canonical parallel found

Patna 178 [11.5] Bāla
~~Gāndhārī~~
Udānavarga 13.3 Satkāra

74. “mameva kata’ maññantu gihī pabbajitā ubho,
mameva ativasā assu kiccākiccesu kismici”,
iti bālassa saṅkappo icchā māno ca vaḍḍhati.

no canonical parallel found

Patna 179-180 [11.6-7] Bāla
~~Gāndhārī~~
Udānavarga 13.4-5 Satkāra

75. aññā hi lābhūpanisā, aññā nibbānagāminī,
evam-etaṁ abhiññāya bhikkhu buddhassa sāvako
sakkāraṁ nābhinandeyya, vivekam-anubrūhaye.

no canonical parallel found

Patna 180-1 [11.7-8] Bāla
~~Gāndhārī~~
Udānavarga 13.5-6 Satkāra

Bālavaggo pañcamo.

6: Paṇḍitavaggo

76. nidhīnaṁ va pavattāraṁ yaṁ passe vajjadassinaṁ,
niggayhavādiṁ medhāviṁ tādisaṁ paṇḍitaṁ bhaje,
tādisaṁ bhajamānassa seyyo hoti na pāpiyo.

Thag Sāriputtattheragāthā PTS 89
(quoted:) MNidd PTS 2.503

Patna 206 [12.12] Attha
Gāndhārī 231 [14.8] [Paṇida]
Udānavarga 28.7 Pāpa

77. ovadeyyānusāseyya, asabbhā ca nivāraye,
sataṁ hi so piyo hoti, asataṁ hoti appiyo.

Thag Sāriputtattheragāthā PTS 89
(quoted:) MNidd PTS 2.503

Patna 207 [12.13] Attha
Gāndhārī 230 [14.7] [Paṇida]
Udānavarga 5.26 Priya

78. na bhaje pāpake mitte, na bhaje purisādhame,
bhajetha mitte kalyāṇe, bhajetha purisuttame.

no canonical parallel found

Patna 205 [12.11] Attha
~~Gāndhārī~~
Udānavarga 25.3 Mitra

79. dhammapīti sukhaṁ seti, vippasannena cetasā,
ariyappavedite dhamme sadā ramati paṇḍito.

no canonical parallel found

Patna 348 [19.7] Citta
Gāndhārī 224 [14.1] [Paṇida]
Udānavarga 30.13 Sukha

80. udakaṁ hi nayanti nettikā,
usukārā namayanti tejanaṁ,
dāruṁ namayanti tacchakā,
attānaṁ damayanti paṇḍitā.

= Dhp 145
MN 86 Aṅgulimālasuttaṁ PTS 2.105
Thag Kulattheragāthā PTS 4
Thag Aṅgulimālattheragāthā PTS 82

~~Patna~~
~~Gāndhārī~~
Udānavarga 17.10 Udaka

81. selo yathā ekaghano vātena na samīrati,
evaṁ nindāpasaṁsāsu na samiñjanti paṇḍitā.

no canonical parallel found
(partial:) Thag Soṇakoḷivisattheragāthā PTS 66
(quoted:) Mil Pabbataṅgapañho PTS 386

Patna 93 [6.10] Śoka
Gāndhārī 239 [14.16] [Paṇida]
Udānavarga 29.49 Yuga

82. yathā pi rahado gambhīro vippasanno anāvilo,
evaṁ dhammāni sutvāna vippasīdanti paṇḍitā.

no canonical parallel found

Patna 275 [15.15] Āsava
Gāndhārī 225 [14.2] [Paṇida]
Udānavarga 17.11 Udaka

83. sabbattha ve sappurisā vajanti,
na kāmakāmā lapayanti santo,
sukhena phuṭṭhā atha vā dukhena,
noccāvacaṁ paṇḍitā dassayanti.

no canonical parallel found

Patna 80 [5.16] Attha
Gāndhārī 226 [14.3] [Paṇida]
Udānavarga 30.52 Sukha

84. na attahetu na parassa hetu,
na puttam-icche na dhanaṁ na raṭṭhaṁ,
na iccheyya adhammena samiddhim-attano,
sa sīlavā paññavā dhammiko siyā.

no canonical parallel found

Patna 326 [17.21] Ātta
Gāndhārī 324 [20.3] [Śilavaga?]
~~Udānavarga~~

85. appakā te manussesu ye janā pāragāmino,
athāyaṁ itarā pajā tīram-evānudhāvati.

SN 45.34 Pāraṅgamasuttaṁ PTS 5.24
AN 10.117 Saṅgāravasuttaṁ PTS 5.232
AN 10.118 Orimatīrasuttaṁ PTS 5.233
AN 10.169 Saṅgāravasuttaṁ PTS 5.253
AN 10.170 Orimatīrasuttaṁ PTS 5.254

Patna 261 [15.1] Āsava
~~Gāndhārī~~
Udānavarga 29.33 Yuga

86. ye ca kho sammad-akkhāte dhamme dhammānuvattino
te janā pāram-essanti, maccudheyyaṁ suduttaraṁ.

SN 45.34 Pāraṅgamasuttaṁ PTS 5.24
AN 10.117 Saṅgāravasuttaṁ PTS 5.232

Patna 262 [15.2] Āsava
~~Gāndhārī~~
Udānavarga 29.34 Yuga

87. kaṇhaṁ dhammaṁ vippahāya sukkaṁ bhāvetha paṇḍito,
okā anokaṁ āgamma viveke yattha dūramaṁ.

SN 45.34 Pāraṅgamasuttaṁ PTS 5.24
AN 10.118 Orimatīrasuttaṁ PTS 5.254

Patna 263 [15.3] Āsava
~~Gāndhārī~~
Udānavarga 16.14 Prakirṇaka

88. tatrābhiratim-iccheyya hitvā kāme akiñcano,
pariyodapeyya attānaṁ cittaklesehi paṇḍito.

SN 45.34 Pāraṅgamasuttaṁ PTS 5.24
AN 10.169 Saṅgāravasuttaṁ PTS 5.253

Patna 264 [15.4] Āsava
~~Gāndhārī~~
(partial:) Udānavarga 16.14 Prakirṇaka

89. yesaṁ sambodhi-aṅgesu sammā cittaṁ subhāvitaṁ,
ādānapaṭinissagge anupādāya ye ratā,
khīṇāsavā jutimanto te loke parinibbutā.

SN 45.34 Pāraṅgamasuttaṁ PTS 5.24
AN 10.170 Orimatīrasuttaṁ PTS 5.254

Patna 265 [15.5] Āsava
~~Gāndhārī~~
Udānavarga 31.39 Citta

Paṇḍitavaggo chaṭṭho.

7: Arahantavaggo

90. gataddhino visokassa vippamuttassa sabbadhi,
sabbaganthappahīnassa pariḷāho na vijjati.

no canonical parallel found

Patna 86 [6.3] Śoka
~~Gāndhārī~~
Udānavarga 29.35 Yuga

91. uyyuñjanti satīmanto, na nikete ramanti te,
haṁsā va pallalaṁ hitvā okam-okaṁ jahanti te.

no canonical parallel found

Patna 231 [13.16] Śaraṇa
~~Gāndhārī~~
Udānavarga 17.1 Udaka

92. yesaṁ sannicayo natthi, ye pariññātabhojanā,
suññato animitto ca vimokkho yesa’ gocaro,
ākāse va sakuntānaṁ gati tesaṁ durannayā.

no canonical parallel found

Patna 87 [6.4] Śoka
Patna 270 [15.10] Āsava
~~Gāndhārī~~
Udānavarga 29.26 Yuga

93. yassāsavā parikkhīṇā āhāre ca anissito,
suññato animitto ca vimokkho yassa gocaro,
ākāse va sakuntānaṁ padaṁ tassa durannayaṁ.

Thag Vijayattheragāthā PTS 14

Patna 270 [15.10] Āsava
~~Gāndhārī~~
Udānavarga 29.29 Yuga

94. yassindriyāni samathaṁ gatāni,
assā yathā sārathinā sudantā,
pahīnamānassa anāsavassa,
devā pi tassa pihayanti tādino.

no canonical parallel found
(partial:) Thag Brahmālittheragāthā PTS 26
(quoted:) Netti PTS 162
(quoted:) Peṭak PTS 48

Patna 89 [6.6] Śoka
~~Gāndhārī~~
Udānavarga 19.3 Aśva

95. paṭhavisamo no virujjhati,
indakhīlūpamŏ tādi subbato,
rahado va apetakaddamo,
saṁsārā na bhavanti tādino.

no canonical parallel found

~~Patna~~
~~Gāndhārī~~
~~Udānavarga~~

96. santaṁ tassa manaṁ hoti, santā vācā ca kamma ca,
sammad-aññāvimuttassa, upasantassa tādino.

no canonical parallel found
(partial:) SN 7.188 Akkosasuttaṁ PTS 1.162
(partial:) Thag Brahmadattattheragāthā PTS 47

Patna 88 [6.5] Śoka
~~Gāndhārī~~
Udānavarga 31.45 Citta

97. assaddho akataññū ca sandhicchedo ca yo naro,
hatāvakāso vantāso sa ve uttamaporiso.

no canonical parallel found
(quoted:) MNidd PTS 237

Patna 333 [18.7] Dadantī
~~Gāndhārī~~
Udānavarga 29.23 Yuga

98. gāme vā yadi vāraññe, ninne vā yadi vā thale,
yattharahanto viharanti taṁ bhūmiṁ rāmaṇeyyakaṁ.

SN 11.261 Rāmaṇeyyakasuttaṁ PTS 1.233
Thag Sāriputtattheragāthā PTS 89
(partial:) Ja 355. Ghaṭajātakaṁ PTS 3.169

Patna 245 [14.7] Khānti
~~Gāndhārī~~
Udānavarga 29.18 Yuga

99. ramaṇīyāni araññāni, yattha na ramatī jano,
vītarāgā ramissanti, na te kāmagavesino.

Thag Sāriputtattheragāthā PTS 89

Patna 155 [9.19] Tahna
~~Gāndhārī~~
Udānavarga 29.17 Yuga

Arahantavaggo sattamo.

8: Sahassavaggo

100. sahassam-api ce vācā anatthapadasaṁhitā,
ekaṁ atthapadaṁ seyyo yaṁ sutvā upasammati.

no canonical parallel found

Patna 376 [21.1] Sahasra
Gāndhārī 306 [19.2] [Sahasa]
Udānavarga 24.1 Peyāla
Mahāvastu iii. pg 434 Sahasra

101. sahassam-api ce gāthā anatthapadasaṁhitā,
ekaṁ gāthāpadaṁ seyyo yaṁ sutvā upasammati.

Ap. Bāhiyattheraapadānaṁ PTS 2.478

~~Patna~~
Gāndhārī 308 [19.4] [Sahasa]
~~Udānavarga~~
Mahāvastu iii. pg 434 Sahasra

102. yo ce gāthāsataṁ bhāse anatthapadasaṁhitā
ekaṁ dhammapadaṁ seyyo yaṁ sutvā upasammati.

no canonical parallel found

Patna 377 [21.2] Sahasra
Gāndhārī 309 [19.5] [Sahasa]
Udānavarga 24.2 Peyāla

103. yo sahassaṁ sahassena saṅgāme mānuse jine,
ekañ-ca jeyya attānaṁ sa ve saṅgāmajuttamo.

no canonical parallel found

Patna 378 [21.3] Sahasra
Gāndhārī 305 [19.1] [Sahasa]
Udānavarga 23.3 Ātma
Mahāvastu iii. pg 434 Sahasra
Uttarādhyayanasūtraṁ 9.34

104. attā have jitaṁ seyyo yā cāyaṁ itarā pajā
attadantassa posassa, niccaṁ saññatacārino.

no canonical parallel found

Patna 319 [17.14] Ātta
~~Gāndhārī~~
Udānavarga 23.4 Ātma

105. neva devo na gandhabbo, na māro saha brahmunā,
jitaṁ apajitaṁ kayirā tathārūpassa jantuno.

no canonical parallel found

Patna 320 [17.15] Ātta
~~Gāndhārī~~
Udānavarga 23.5 Ātma

106. māse māse sahassena yo yajetha sataṁ samaṁ,
ekañ-ca bhāvitattānaṁ muhuttam-api pūjaye,
sā yeva pūjanā seyyo yañ-ce vassasataṁ hutaṁ.

no canonical parallel found

Patna 379 [21.4] Sahasra
Gāndhārī 310 [19.6] [Sahasa]
Gāndhārī 320 [19.16] [Sahasa]
~~Udānavarga~~
Mahāvastu iii. pg 434 Sahasra
Nibandhana pg. 254

107. yo ca vassasataṁ jantu aggiṁ paricare vane,
ekañ-ca bhāvitattānaṁ muhuttam-api pūjaye,
sā yeva pūjanā seyyo yañ-ce vassasataṁ hutaṁ.

no canonical parallel found

Patna 380 [21.5] Sahasra
Gāndhārī 319-20 [19.15-16] [Sahasa]
Udānavarga 24.16 Peyāla
Mahāvastu iii. pg 435 Sahasra

108. yaṁ kiñci yiṭṭhaṁ ca hutaṁ ca loke,
saṁvaccharaṁ yajetha puññapekkho,
sabbam-pi taṁ na catubhāgam-eti,
abhivādanā ujjugatesu seyyo.

no canonical parallel found

Patna 381 [21.6] Sahasra
Gāndhārī 321 [19.17] [Sahasa]
Udānavarga 24.30 Peyāla
Mahāvastu iii. pg 435 6 Sahasra

109. abhivādanasīlissa niccaṁ vaddhāpacāyino,
cattāro dhammā vaḍḍhanti: āyu vaṇṇo sukhaṁ balaṁ.

no canonical parallel found

~~Patna~~
Gāndhārī 172 [11.11] Suha
~~Udānavarga~~
Mahābhārata 5.39.60
Manusmti 2.121
Mahāsubhāṣitasaṁgraha 2336

110. yo ca vassasataṁ jīve dussīlo asamāhito,
ekāhaṁ jīvitaṁ seyyo sīlavantassa jhāyino.

no canonical parallel found

Patna 390 [21.15] Sahasra
~~Gāndhārī~~
Udānavarga 24.3 Peyāla
Mahāvastu iii. pg 436 Sahasra

111. yo ca vassasataṁ jīve duppañño asamāhito,
ekāhaṁ jīvitaṁ seyyo paññavantassa jhāyino.

no canonical parallel found

Patna 391 [21.16] Sahasra
~~Gāndhārī~~
Udānavarga 24.4 Peyāla

112. yo ca vassasataṁ jīve kusīto hīnavīriyo,
ekāhaṁ jīvitaṁ seyyo viriyam-ārabhato daḷhaṁ.

Ap. Soṇātheriyāpadānaṁ PTS 2.578

Patna 392 [21.17] Sahasra
Gāndhārī 316 [19.12] [Sahasa]
Udānavarga 24.5 Peyāla
Mahāvastu iii. pg 436 Sahasra

113. yo ca vassasataṁ jīve apassaṁ udayabbayaṁ,
ekāhaṁ jīvitaṁ seyyo passato udayabbayaṁ.

Ap. Kisāgotamītherīapadānaṁ PTS 2.566

Patna 393 [21.18] Sahasra
Gāndhārī 317 [19.13] [Sahasa]
Udānavarga 24.6 Peyāla
Mahāvastu iii. 436 Sahasra

114. yo ca vassasataṁ jīve apassaṁ amataṁ padaṁ,
ekāhaṁ jīvitaṁ seyyo passato amataṁ padaṁ.

no canonical parallel found

Patna 395 [21.20] Sahasra
~~Gāndhārī~~
Udānavarga 24.15 Peyāla
Mahāvastu iii. 436 Sahasra

115. yo ca vassasataṁ jīve apassaṁ dhammam-uttamaṁ,
ekāhaṁ jīvitaṁ seyyo passato dhammam-uttamaṁ.

no canonical parallel found

Patna 394 [21.19] Sahasra
Gāndhārī 318 [19.14] [Sahasa]
Udānavarga 24.14 Peyāla
Mahāvastu iii. 436 Sahasra

Sahassavaggo aṭṭhamo.

9: Pāpavaggo

116. abhittharetha kalyāṇe, pāpā cittaṁ nivāraye,
dandhaṁ hi karato puññaṁ pāpasmiṁ ramatī mano.

no canonical parallel found

Patna 96 [7.1] Kalyāṇī
~~Gāndhārī~~
Udānavarga 28.23 Pāpa

117. pāpañ-ce puriso kayirā, na taṁ kayirā punappunaṁ,
na tamhi chandaṁ kayirātha, dukkho pāpassa uccayo.

no canonical parallel found

Patna 97 [7.2] Kalyāṇī
Gāndhārī 207 [13.7] Yamaka
Udānavarga 28.21 Pāpa

118. puññañ-ce puriso kayirā, kayirāthetaṁ punappunaṁ,
tamhi chandaṁ kayirātha, sukho puññassa uccayo.

no canonical parallel found

Patna 98 [7.3] Kalyāṇī
Gāndhārī 208 [13.8] Yamaka
Udānavarga 28.22 Pāpa

119. pāpo pi passati bhadraṁ yāva pāpaṁ na paccati,
yadā ca paccati pāpaṁ atha pāpo pāpāni passati.

no canonical parallel found

Patna 102 [7.7] Kalyāṇī
~~Gāndhārī~~
Udānavarga 28.19 Pāpa
Satyasiddhiśāstram pg 250

120. bhadro pi passati pāpaṁ yāva bhadraṁ na paccati,
yadā ca paccati bhadraṁ atha bhadro bhadrāni passati.

no canonical parallel found

Patna 103 [7.8] Kalyāṇī
~~Gāndhārī~~
Udānavarga 28.20 Pāpa
Satyasiddhiśāstram pg 250

121. māppamaññetha pāpassa “na maṁ taṁ āgamissati”.
udabindunipātena udakumbho pi pūrati,
pūrati bālo pāpassa, thokathokam-pi ācinaṁ.

no canonical parallel found

Patna 193 [11.20] Bāla
Gāndhārī 209 [13.9] Yamaka
Udānavarga 17.5 Udaka

122. māppamaññetha puññassa “na maṁ taṁ āgamissati”.
udabindunipātena udakumbho pi pūrati,
dhīro pūrati puññassa, thokathokam-pi ācinaṁ.

no canonical parallel found

Patna 194 [11.21] Bāla
Gāndhārī 210 [13.10] Yamaka
Udānavarga 17.6 Udaka

123. vāṇijo va bhayaṁ maggaṁ appasattho mahaddhano,
visaṁ jīvitukāmo va, pāpāni parivajjaye.

no canonical parallel found

Patna 116 [7.21] Kalyāṇī
~~Gāndhārī~~
Udānavarga 28.14 Pāpa

124. pāṇimhi ce vaṇo nāssa hareyya pāṇinā visaṁ,
nābbaṇaṁ visam-anveti, natthi pāpaṁ akubbato.

no canonical parallel found

Patna 106 [7.11] Kalyāṇī
~~Gāndhārī~~
Udānavarga 28.15 Pāpa

125. yo appaduṭṭhassa narassa dussati,
suddhassa posassa anaṅgaṇassa,
tam-eva bālaṁ pacceti pāpaṁ
sukhumo rajo paṭivātaṁ va khitto.

SN 1.22 Phusatisuttaṁ PTS 1.13
Sn 3.10 Kokālikasuttaṁ PTS 127
Ja 367. Sāḷiyajātakaṁ PTS 3.203

Patna 115 [7.20] Kalyāṇī
~~Gāndhārī~~
Udānavarga 28.9 Pāpa

126. gabbham-ekepapajjanti nirayaṁ pāpakammino,
saggaṁ sugatino yanti parinibbanti anāsavā.

no canonical parallel found

Patna 274 [15.14] Āsava
~~Gāndhārī~~
~~Udānavarga~~

127. na antalikkhe, na samuddamajjhe,
na pabbatānaṁ vivaraṁ pavissa,
na vijjatī so jagatippadeso
yatthaṭṭhito mucceyya pāpakammā.

no canonical parallel found

~~Patna~~
~~Gāndhārī~~
Udānavarga 9.5 Karma
Saṅghabhedavastu II 168
Divyāvadāna pg 561
Garuḍapurāṇaṁ 1.113.20

128. na antalikkhe, na samuddamajjhe,
na pabbatānaṁ vivaraṁ pavissa,
na vijjatī so jagatippadeso
yatthaṭṭhitaṁ nappasahetha maccu.

no canonical parallel found
(quoted:) Mil Maccupāsamuttipañho PTS 150

~~Patna~~
~~Gāndhārī~~
Udānavarga 1.25 Anitya
Divyāvadāna pg 561

Pāpavaggo navamo.

10: Daṇḍavaggo

129. sabbe tasanti daṇḍassa, sabbe bhāyanti maccuno,
attānaṁ upamaṁ katvā, na haneyya na ghātaye.

no canonical parallel found
(partial:) Sn 3.11 Nālakasuttaṁ PTS 137
(partial quotation:) Mil Maccubhāyanābhāyanapañho PTS 145

Patna 202 [12.8] Daṇḍa
~~Gāndhārī~~
Udānavarga 5.19 Priya

130. sabbe tasanti daṇḍassa, sabbesaṁ jīvitaṁ piyaṁ,
attānaṁ upamaṁ katvā, na haneyya na ghātaye.

no canonical parallel found
(partial:) Sn 3.11 Nālakasuttaṁ PTS 137

Patna 202 [12.8] Daṇḍa
~~Gāndhārī~~
Udānavarga 5.19 Priya

131. sukhakāmāni bhūtāni yo daṇḍena vihiṁsati,
attano sukham-esāno pecca so na labhate sukhaṁ.

Ud 2.3 Daṇḍasuttaṁ PTS 12
(quoted:) Netti PTS 33, 130, 134

Patna 203 [12.9] Daṇḍa
~~Gāndhārī~~
Udānavarga 30.3 Sukha
Mahābhārata 13.114.5
Manusmti 5.45

132. sukhakāmāni bhūtāni yo daṇḍena na hiṁsati,
attano sukham-esāno pecca so labhate sukhaṁ.

Ud 2.3 Daṇḍasuttaṁ PTS 12

Patna 204 [12.10] Daṇḍa
~~Gāndhārī~~
Udānavarga 30.4 Sukha

133. māvoca pharusaṁ kañci, vuttā paṭivadeyyu’ taṁ,
dukkhā hi sārambhakathā, paṭidaṇḍā phuseyyu’ taṁ.

no canonical parallel found

Patna 197 [12.3] Daṇḍa
~~Gāndhārī~~
Udānavarga 26.3 Nirvāṇa

134. sace neresi attānaṁ, kaṁso upahato yathā,
esa pattosi nibbānaṁ, sārambho te na vijjati.

no canonical parallel found

Patna 198-9 [12.4-5] Daṇḍa
~~Gāndhārī~~
Udānavarga 26.5 Nirvāṇa

135. yathā daṇḍena gopālo gāvo pāceti gocaraṁ,
evaṁ jarā ca maccu ca āyuṁ pācenti pāṇinaṁ.

no canonical parallel found

Patna 200 [12.6] Daṇḍa
~~Gāndhārī~~
Udānavarga 1.17 Anitya

136. atha pāpāni kammāni karaṁ bālo na bujjhati,
sehi kammehi dummedho aggidaḍḍho va tappati.

no canonical parallel found
(partial:) Thag Heraññakānittheragāthā PTS 20

~~Patna~~
~~Gāndhārī~~
Udānavarga 9.12 Karma

137. yo daṇḍena adaṇḍesu appaduṭṭhesu dussati
dasannam-aññataraṁ ṭhānaṁ khippam-eva nigacchati:

no canonical parallel found

~~Patna~~
~~Gāndhārī~~
Udānavarga 28.26 Pāpa

138. vedanaṁ pharusaṁ jāniṁ, sarīrassa ca bhedanaṁ,
garukaṁ vā pi ābādhaṁ, cittakkhepaṁ va pāpuṇe,

no canonical parallel found

~~Patna~~
~~Gāndhārī~~
Udānavarga 28.28 Pāpa

139. rājato vā upasaggaṁ, abbhakkhānaṁ va dāruṇaṁ,
parikkhayaṁ va ñātīnaṁ, bhogānaṁ va pabhaṅguraṁ.

no canonical parallel found

~~Patna~~
~~Gāndhārī~~
Udānavarga 28.27 Pāpa

140. atha vāssa agārāni, aggi ḍahati pāvako.
kāyassa bhedā duppañño nirayaṁ so upapajjati.

no canonical parallel found
(partial:) AN 5.174 Verasuttaṁ PTS 3.205
(partial:) Iti 30 Tapanīyasuttaṁ PTS 25

~~Patna~~
(partial:) Gāndhārī 211 [13.11] Yamaka
Udānavarga 28.29 Pāpa

141. na naggacariyā na jaṭā na paṅkā,
nānāsakā thaṇḍilasāyikā vā,
rājo ca jallaṁ ukkuṭikappadhānaṁ,
sodhenti maccaṁ avitiṇṇakaṅkhaṁ.

cf. Ja 528. Mahābodhijātakaṁ PTS 5.242

Patna 195 [12.1] Daṇḍa
~~Gāndhārī~~
Udānavarga 33.1 Brāhmaṇa
Mahāvastu iii. 412
Divyāvadāna pg 339
Pravrajyāvastu III 257

142. alaṅkato ce pi samaṁ careyya,
santo danto niyato brahmacārī,
sabbesu bhūtesu nidhāya daṇḍaṁ,
so brāhmaṇo so samaṇo sa bhikkhu.

no canonical parallel found

Patna 196 [12.2] Daṇḍa
Gāndhārī 80 [2.30] Bhikhu
Udānavarga 33.2 Brāhmaṇa
Mahāvastu iii. 412
Divyāvadāna pg 339
Pravrajyāvastu III 257
Saṅghabhedavastu I 143

143. hirīnisedho puriso koci lokasmi’ vijjati,
yo nindaṁ appabodhati asso bhadro kasām-iva.

SN 1.18 Hirīsuttaṁ PTS 1.7

~~Patna~~
~~Gāndhārī~~
(partial:) Udānavarga 19.5 Aśv

144. asso yathā bhadro kasāniviṭṭho
ātāpino saṁvegino bhavātha.
saddhāya sīlena ca vīriyena ca,
samādhinā dhammavinicchayena ca,
sampannavijjācaraṇā patissatā,
pahassatha dukkham-idaṁ anappakaṁ.

no canonical parallel found

Patna 329 [18.3] Dadantī
~~Gāndhārī~~
Udānavarga 19.2 Aśva

145. udakaṁ hi nayanti nettikā,
usukārā namayanti tejanaṁ,
dāruṁ namayanti tacchakā,
attānaṁ damayanti subbatā.

= Dhp 80
MN 86 Aṅgulimālasuttaṁ PTS 2.105
Thag Kulattheragāthā PTS 4
Thag Aṅgulimālattheragāthā PTS 82

~~Patna~~
~~Gāndhārī~~
Udānavarga 17.10 Udaka

Daṇḍavaggo dasamo.

11: Jarāvaggo

146. ko nu hāso kim-ānando niccaṁ pajjalite sati?
andhakārena onaddhā padīpaṁ na gavesatha?

no canonical parallel found

Patna 233 [13.18] Śaraṇa
Gāndhārī 143 [10.?] Jara
Udānavarga 1.4 Anitya
Mahāvastu iii. pg 376

147. passa cittakataṁ bimbaṁ arukāyaṁ samussitaṁ
āturaṁ bahusaṅkappaṁ yassa natthi dhuvaṁ ṭhiti.

MN 82 Raṭṭhapālasuttaṁ PTS 2.64
Thag Raṭṭhapālattheragāthā PTS 75

~~Patna~~
~~Gāndhārī~~
Udānavarga 27.20 Paśya

148. parijiṇṇam-idaṁ rūpaṁ roganīḷaṁ pabhaṅguraṁ,
bhijjati pūtisandeho maraṇantaṁ hi jīvitaṁ.

no canonical parallel found

Patna 259 [14.21] Khānti
Gāndhārī 142 [10.?] Jara
Udānavarga 1.34 Anitya
Suvarṇavarṇāvadāna vs 3

149. yānimāni apatthāni alāpūneva sārade,
kāpotakāni aṭṭhīni tāni disvāna kā rati?

no canonical parallel found

~~Patna~~
Gāndhārī 154-5 [10.?] Jara
Udānavarga 1.5 Anitya
Divyāvadāna pg 561

150. aṭṭhīnaṁ nagaraṁ kataṁ
maṁsalohitalepanaṁ,
yattha jarā ca maccu ca
māno makkho ca ohito.

no canonical parallel found

~~Patna~~
Gāndhārī 284 [17.11] [Kodha]
Udānavarga 16.23 Prakirṇaka

151. jīranti ve rājarathā sucittā,
atho sarīram-pi jaraṁ upeti.
satañ-ca dhammo na jaraṁ upeti,
santo have sabbhi pavedayanti.

SN 3.114 Jarāmaraṇasuttaṁ PTS 1.71
Ja 537. Mahāsutasomajātakaṁ (2x) PTS 5.483

~~Patna~~
Gāndhārī 160 [10.?] Jara
Udānavarga 1.28 Anitya

152. appassutāyaṁ puriso balivaddo va jīrati,
maṁsāni tassa vaḍḍhanti, paññā tassa na vaḍḍhati.

Thag Ānandattheragāthā PTS 92

Patna 209 [12.15] Daṇḍa
~~Gāndhārī~~
~~Udānavarga~~

153. anekajātisaṁsāraṁ sandhāvissaṁ anibbisaṁ
gahakārakaṁ gavesanto: dukkhā jāti punappunaṁ.

no canonical parallel found
(partial:) Thag Meṇḍasirattheragāthā PTS 12
(partial:) Thag Sivakattheragāthā PTS 24
cf. Thig Guttātherīgāthā PTS 139

~~Patna~~
~~Gāndhārī~~
Udānavarga 31.6 Citta

154. gahakāraka diṭṭhosi! puna gehaṁ na kāhasi:
sabbā te phāsukā bhaggā, gahakūṭaṁ visaṅkhitaṁ,
visaṅkhāragataṁ cittaṁ, taṇhānaṁ khayam-ajjhagā.

no canonical parallel found
(partial:) Thag Sivakattheragāthā PTS 24

~~Patna~~
~~Gāndhārī~~
Udānavarga 31.7 Citta

155. acaritvā brahmacariyaṁ aladdhā yobbane dhanaṁ
jiṇṇakoñcā va jhāyanti khīṇamacche va pallale.

no canonical parallel found
(quoted:) Peṭak PTS 7

Patna 229 [13.14] Śaraṇa
~~Gāndhārī~~
Udānavarga 17.3 Udaka

156. acaritvā brahmacariyaṁ aladdhā yobbane dhanaṁ
senti cāpātikhittā va purāṇāni anutthunaṁ.

no canonical parallel found

Patna 230 [13.15] Śaraṇa
(partial:) Gāndhāri 139b Jara
Udānavarga 17.4 Udaka

Jarāvaggo ekādasamo.

12: Attavaggo

157. attānañ-ce piyaṁ jaññā rakkheyya naṁ surakkhitaṁ
tiṇṇam-aññataraṁ yāmaṁ paṭijaggeyya paṇḍito.

no canonical parallel found

Patna 312 [17.7] Ātta
~~Gāndhārī~~
Udānavarga 5.15 Priya

158. attānam-eva paṭhamaṁ patirūpe nivesaye,
athaññam-anusāseyya na kilisseyya paṇḍito.

no canonical parallel found

Patna 318 [17.13] Ātta
~~Gāndhārī~~
Udānavarga 23.8 Ātma

159. attānañ-ce tathā kayirā yathaññam-anusāsati,
sudanto vata dametha, attā hi kira duddamo.

no canonical parallel found

Patna 321 [17.16] Ātta
~~Gāndhārī~~
Udānavarga 23.11 Ātma

160. attā hi attano nātho ko hi nātho paro siyā?
attanā va sudantena nāthaṁ labhati dullabhaṁ.

no canonical parallel found

Patna 321 [17.16] Ātta
Udānavarga 23.11 Ātma

161. attanā va kataṁ pāpaṁ attajaṁ attasambhavaṁ,
abhimatthati dummedhaṁ vajiraṁ vasmamayaṁ maṇiṁ.

no canonical parallel found
(quoted:) Netti PTS 184

Patna 307 [17.2] Ātta
~~Gāndhārī~~
(partial:) Udānavarga 28.12 Pāpa

162. yassa accantadussīlyaṁ māluvā sālam-ivotataṁ
karoti so tathattānaṁ yathā naṁ icchatī diso.

no canonical parallel found
(quoted:) Netti PTS 183

Patna 306 [17.1] Ātta
Gāndhārī 330 [20.9] [Śilavaga?]
Udānavarga 11.10 Śramaṇa

163. sukarāni asādhūni attano ahitāni ca,
yaṁ ve hitañ-ca sādhuñ-ca taṁ ve paramadukkaraṁ.

no canonical parallel found

Patna 167 [10.11] Mala
Gāndhārī 264 [16.6] [Prakiṇakavaga?]
Udānavarga 28.16 Pāpa

164. yo sāsanaṁ arahataṁ ariyānaṁ dhammajīvinaṁ,
paṭikkosati dummedho diṭṭhiṁ nissāya pāpikaṁ,
phalāni kaṭṭhakasseva attaghaññāya phallati.

no canonical parallel found

Patna 315 [17.10] Ātta
Gāndhārī 258 [15.16] [Bahoṣuda]
Udānavarga 8.7 Vāca
Āyuḥparyantasūtram vs 49

165. attanā va kataṁ pāpaṁ, attanā saṅkilissati,
attanā akataṁ pāpaṁ, attanā va visujjhati,
suddhī asuddhī paccattaṁ, nāñño aññaṁ visodhaye.

no canonical parallel found
(quoted:) MNidd PTS 1.32
(quoted:) CNidd comm. to 33
(quoted:) Kv. PTS 525

Patna 308 [17.3] Ātta
~~Gāndhārī~~
Udānavarga 28.11-12 Pāpa

166. atta-d-atthaṁ paratthena bahunā pi na hāpaye,
atta-d-attham-abhiññāya sa-d-atthapasuto siyā.

no canonical parallel found

Patna 325 [17.20] Ātta
Gāndhārī 265 [16.7] [Prakiṇakavaga?]
Udānavarga 23.10 Ātma

Attavaggo dvādasamo.

13: Lokavaggo

167. hīnaṁ dhammaṁ na seveyya, pamādena na saṁvase,
micchādiṭṭhiṁ na seveyya, na siyā lokavaḍḍhano.

no canonical parallel found

Patna 31 [2.18] Apramāda
Gāndhārī 121 [7.12] Apramadu
Udānavarga 4.8 Apramāda
Ekottarāgama-Fragmente 17.531

168. uttiṭṭhe nappamajjeyya, dhammaṁ sucaritaṁ care,
dhammacārī sukhaṁ seti asmiṁ loke paramhi ca.

no canonical parallel found
(partial:) Ap. Yasodharātherī-apadānaṁ PTS 2.590
(partial:) Ja 384. Dhammadhajajātakaṁ PTS 3.268

Patna 27 [2.14] Apramāda
Gāndhārī 110 [7.1] Apramadu
Udānavarga 4.35 Apramāda

169. dhammaṁ care sucaritaṁ, na naṁ duccaritaṁ care,
dhammacārī sukhaṁ seti asmiṁ loke paramhi ca.

Ap. Yasodharātherī-apadānaṁ PTS 2.590
Ap. Yasodharāpamukha-aṭṭhārasabhikkhunīsahassa-apadānaṁ PTS 2.596
(partial:) Ja 384. Dhammadhajajātakaṁ PTS 3.268

Patna 224 [13.9] Śaraṇa
Gāndhārī 328 [20.7] [Śilavaga?]
Udānavarga 30.5 Sukha
Avadānaśataka 1 220

170. yathā bubbulakaṁ passe, yathā passe marīcikaṁ,
evaṁ lokaṁ avekkhantaṁ maccurājā na passati.

no canonical parallel found
(partial:) Sn 5.15 Mogharājamāṇavapucchā PTS 217
(partial:) Ap. Mogharājatthera-apadānaṁ PTS 2.488
(quoted:) MNidd PTS 2.438
(quoted:) Kv PTS 64
(partial quotation:) CNidd comm. to 88

Patna 258 [14.20] Khānti
~~Gāndhārī~~
Udānavarga 27.15 Paśya

171. etha passathimaṁ lokaṁ cittaṁ rājarathūpamaṁ
yattha bālā visīdanti, natthi saṅgo vijānataṁ.

no canonical parallel found

~~Patna~~
~~Gāndhārī~~
Udānavarga 27.17 Paśya

172. yo ca pubbe pamajjitvā pacchā so nappamajjati,
sŏ imaṁ lokaṁ pabhāseti abbhā mutto va candimā.

MN 86 Aṅgulimālasuttaṁ PTS 2.104
Thag Aṅgulimālattheragāthā PTS 81
(partial:) Thag Mahākappinattheragāthā PTS 58

Patna 20 [2.7] Apramāda
Gāndhārī 122 [7.13] Apramadu
Udānavarga 16.5 Prakirṇaka

173. yassa pāpaṁ kataṁ kammaṁ kusalena pithīyati,
sŏ imaṁ lokaṁ pabhāseti abbhā mutto va candimā.

MN 86 Aṅgulimālasuttaṁ PTS 2.104
Thag Aṅgulimālattheragāthā PTS 81
(partial:) Thag Mahākappinattheragāthā PTS 58

~~Patna~~
~~Gāndhārī~~
Udānavarga 16.9 Prakirṇaka

174. andhabhūto ayaṁ loko, tanukettha vipassati,
sakunto jālamutto va appo saggāya gacchati.

no canonical parallel found

~~Patna~~
~~Gāndhārī~~
Udānavarga 27.5 Paśya

175. haṁsādiccapathe yanti, ākāse yanti iddhiyā,
nīyanti dhīrā lokamhā jetvā māraṁ savāhanaṁ.

no canonical parallel found

Patna 232 [13.17] Śaraṇa
~~Gāndhārī~~
Udānavarga 17.2 Udaka

176. ekaṁ dhammaṁ atītassa musāvādissa jantuno
vitiṇṇaparalokassa natthi pāpaṁ akāriyaṁ.

Iti Musāvādasuttaṁ PTS 18

Patna 297 [16.20] Vācā
~~Gāndhārī~~
Udānavarga 9.1 Karma

177. na ve kadariyā devalokaṁ vajanti,
bālā have nappasaṁsanti dānaṁ,
dhīro ca dānaṁ anumodamāno,
teneva so hoti sukhī parattha.

no canonical parallel found

Patna 293 [16.16] Vācā
~~Gāndhārī~~
Udānavarga 10.2 Śraddhā

178. pathavyā ekarajjena saggassa gamanena vā
sabbalokādhipaccena sotāpattiphalaṁ varaṁ.

no canonical parallel found

Patna 338 [18.12] Dadantī
~~Gāndhārī~~
~~Udānavarga~~

Lokavaggo terasamo.

14: Buddhavaggo

179. yassa jitaṁ nāvajīyati, ¬
jitaṁ assa no yāti koci loke,
tam-buddham-anantagocaraṁ
apadaṁ kena padena nessatha?

no canonical parallel found

Patna 276 [15.16] Āsava
~~Gāndhārī~~
Udānavarga 29.52 Yuga
Mahāvastu iii. pg 91

180. yassa jālinī visattikā,
taṇhā natthi kuhiñci netave,
tam-buddham-anantagocaraṁ
apadaṁ kena padena nessatha?

no canonical parallel found
(partial:) SN 4.143 Supatisuttaṁ PTS 1.107

Patna 277 [15.17] Āsava
~~Gāndhārī~~
Udānavarga 29.53 Yuga
Mahāvastu iii. pg 92

181. ye jhānapasutā dhīrā nekkhammūpasame ratā,
devā pi tesaṁ pihayanti, sambuddhānaṁ satīmataṁ.

no canonical parallel found

Patna 244 [14.6] Khānti
~~Gāndhārī~~
Udānavarga 21.9 Tathāgata

182. kiccho manussapaṭilābho, kicchaṁ macchāna’ jīvitaṁ,
kicchaṁ saddhammasavanaṁ, kiccho buddhānam uppādo.

no canonical parallel found

Patna 334 [18.8] Dadantī
Gāndhārī 263 [16.5] [Prakiṇakavaga?]
~~Udānavarga~~

183. sabbapāpassa akaraṇaṁ, kusalassa upasampadā,
sacittapariyodapanaṁ - etaṁ buddhāna’ sāsanaṁ.

DN 15 Mahāpadānasuttaṁ PTS 2.49
(quoted:) Netti PTS 43, 81, 171, 186
(quoted:) Peṭak PTS 54

Patna 357 [19.16] Citta
~~Gāndhārī~~
Udānavarga 28.1 Pāpa
Mahāvastu iii. pg 420
Śarīrārthagāthā vs 34
Bhikṣuṇī Vinaya pg 69 & 99
Prātimokṣasūtram (Mā-L), concl. vs 4
Prātimokṣasūtram (Sū), concl. vs 7
Prātimokṣasūtram (Mā), concl. vs 4

184. khantī paramaṁ tapo titikkhā,
nibbānaṁ paramaṁ vadanti buddhā.
na hi pabbajito parūpaghātī,
samaṇo hoti paraṁ viheṭhayanto.

DN 15 Mahāpadānasuttaṁ PTS 2.49

Patna 239 [14.1] Khānti
~~Gāndhārī~~
Udānavarga 26.2 Nirvāṇa
Mahāvadānasūtra pg 157
Prātimokṣasūtram (Mūl), concl. vs 1
Prātimokṣasūtram (Sū), concl. vs 1
Prātimokṣasūtram (Mā), concl. vs 1
Prātimokṣasūtram (Mā-L), concl. vs 1

185. anupavādo anupaghāto, pātimokkhe ca saṁvaro,
mattaññutā ca bhattasmiṁ, pantañ-ca sayanāsanaṁ,
adhicitte ca āyogo - etaṁ buddhāna’ sāsanaṁ.

DN 15 Mahāpadānasuttaṁ PTS 2.49-50
Ud 4.6 Meghiyasuttaṁ PTS 43

~~Patna~~
~~Gāndhārī~~
Udānavarga 31.50 Citta
Prātimokṣasūtram (Mā-L), concl. vs 2
Prātimokṣasūtram (Mā), concl. vs 2
Prātimokṣasūtram (Mūl), concl. vs 3

186. na kahāpaṇavassena titti kāmesu vijjati,
“appassādā dukhā kāmā” iti viññāya paṇḍito,

Ja 258. Mandhātujātakaṁ PTS 2.313

Patna 145 [9.9] Tahna
~~Gāndhārī~~
Udānavarga 2.17 Kāma
Bhaiṣajyavastu I 96
Divyāvadāna pg 224

187. api dibbesu kāmesu ratiṁ so nādhigacchati.
taṇhakkhayarato hoti sammāsambuddhasāvako.

Ja 258. Mandhātujātakaṁ PTS 2.313

Patna 146 [9.10] Tahna
~~Gāndhārī~~
Udānavarga 2.18 Kāma
Bhaiṣajyavastu I 96
Divyāvadāna pg 224

188. bahuṁ ve saraṇaṁ yanti, pabbatāni vanāni ca,
ārāmarukkhacetyāni, manussā bhayatajjitā.

no canonical parallel found

Patna 216 [13.1] Śaraṇa
~~Gāndhārī~~
Udānavarga 27.31 Paśya
Śaraṇagamanadeśanā vs 5
Divyāvadāna pg 164
Yogalehrbuch 167R 5
Śrīghanācārasaṁgrahaṭīkā pg 5
Abhidharmadīpa pg 163
Abhidharmakośabhāṣyam pg 217

189. netaṁ kho saraṇaṁ khemaṁ, netaṁ saraṇam-uttamaṁ,
netaṁ saraṇam-āgamma sabbadukkhā pamuccati.

no canonical parallel found

Patna 217 [13.2] Śaraṇa
~~Gāndhārī~~
Udānavarga 27.32 Paśya
Śaraṇagamanadeśanā vs 6
Divyāvadāna pg 164
Yogalehrbuch 167R 6
Abhidharmadīpa pg 163
Abhidharmakośabhāṣyam pg 217

190. yo ca buddhañ-ca dhammañ-ca saṅghañ-ca saraṇaṁ gato,
cattāri ariyasaccāni sammappaññāya passati:

no canonical parallel found (?)

Patna 218 [13.3] Śaraṇa
~~Gāndhārī~~
Udānavarga 27.33 Paśya
Śaraṇagamanadeśanā vs 7
Divyāvadāna pg 164
Yogalehrbuch 167R 6-167R 1
Abhidharmadīpa pg 163
Abhidharmakośabhāṣyam pg 217

191. dukkhaṁ dukkhasamuppādaṁ dukkhassa ca atikkamaṁ,
ariyañ-caṭṭhaṅgikaṁ maggaṁ dukkhūpasamagāminaṁ.

SN 14.133 Puggalasuttaṁ PTS 2.185
Iti Aṭṭhipuñjasuttaṁ PTS 17
Thag Vaṅgīsattheragāthā PTS 112
Thig Cālātherīgāthā PTS 141
Netti PTS 143

~~Patna~~
~~Gāndhārī~~
Udānavarga 27.34 Paśya
Śaraṇagamanadeśanā vs 8
Divyāvadāna pg 164
Abhidharmadīpa pg 163
Abhidharmakośabhāṣyam pg 217

192. etaṁ kho saraṇaṁ khemaṁ, etaṁ saraṇam-uttamaṁ,
etaṁ saraṇam-āgamma sabbadukkhā pamuccati.

no canonical parallel found

Patna 219 [13.4] Śaraṇa
~~Gāndhārī~~
Udānavarga 27.35 Paśya
Śaraṇagamanadeśanā vs 9
Divyāvadāna pg 164
Yogalehrbuch 167R 6-167R 1
Abhidharmadīpa pg 163
Abhidharmakośabhāṣyam pg 217

193. dullabho purisājañño, na so sabbattha jāyati,
yattha so jāyatī dhīro taṁ kulaṁ sukham-edhati.

no canonical parallel found

Patna 79 [5.15] Attha
Gāndhārī 173 [11.12] Suha
Udānavarga 30.27 Sukha
Mahāvastu iii. pg 109

194. sukho buddhānam-uppādo, sukhā saddhammadesanā,
sukhā saṅghassa sāmaggī, samaggānaṁ tapo sukho.

no canonical parallel found

Patna 68 [5.4] Attha
~~Gāndhārī~~
Udānavarga 30.22 Sukha
Prātimokṣasūtram (Mūl) vs 9
Abhidharmakośabhāṣyam pg 7

195. pūjārahe pūjayato, buddhe yadi va sāvake,
papañcasamatikkante, tiṇṇasokapariddave.

Ap Sudhāpiṇḍiyatthera-apadānaṁ PTS 1.133

~~Patna~~
~~Gāndhārī~~
~~Udānavarga~~

196. te tādise pūjayato, nibbute akutobhaye,
na sakkā puññaṁ saṅkhātuṁ imettam-api kenaci.

Ap Sudhāpiṇḍiyatthera-apadānaṁ PTS 1.133

~~Patna~~
~~Gāndhārī~~
~~Udānavarga~~

Buddhavaggo cuddasamo.

Paṭhamakabhāṇavāraṁ.

15: Sukhavaggo

197. susukhaṁ vata jīvāma verinesu averino,
verinesu manussesu viharāma averino.

no canonical parallel found

Patna 255 [14.17] Khānti
Gāndhārī 166 [11.5] Suha
Udānavarga 30.47 Sukha

198. susukhaṁ vata jīvāma āturesu anāturā,
āturesu manussesu viharāma anāturā.

no canonical parallel found

~~Patna~~
~~Gāndhārī~~
Udānavarga 30.45 Sukha

199. susukhaṁ vata jīvāma ussukesu anussukā
ussukesu manussesu viharāma anussukā.

no canonical parallel found

Patna 256 [14.18] Khānti
Gāndhārī 165 [11.4] Suha
Udānavarga 30.43 Sukha

200. susukhaṁ vata jīvāma yesaṁ no natthi kiñcanaṁ,
pītibhakkhā bhavissāma devā ābhassarā yathā.

SN 4.154 Piṇḍasuttaṁ PTS 1.114
Ja 539. Mahājanakajātakaṁ PTS 6.55

Patna 257 [14.19] Khānti
Gāndhārī 168 [11.7] Suha
Udānavarga 30.49 Sukha
Mahābhārata 12.268.4
Uttarādhyayanasūtraṁ 9.14

201. jayaṁ veraṁ pasavati dukkhaṁ seti parājito,
upasanto sukhaṁ seti hitvā jayaparājayaṁ.

SN 3.125 Paṭhamasaṅgāmasuttaṁ PTS 1.83

Patna 81 [5.17] Attha
Gāndhārī 180 [11.19] Suha
Udānavarga 30.1 Sukha
Mahābhārata 5.70.59
Avadānaśataka 1 pg 57

202. natthi rāgasamo aggi, natthi dosasamo kali,
natthi khandhasamā dukkhā, natthi santiparaṁ sukhaṁ.

no canonical parallel found

~~Patna~~
~~Gāndhārī~~
~~Udānavarga~~

203. jighacchā paramā rogā, saṅkhāraparamā dukhā,
etaṁ ñatvā yathābhūtaṁ nibbānaṁ paramaṁ sukhaṁ.

no canonical parallel found

Patna 75 [5.11] Attha
Gāndhārī 163 [11.2] Suha
Udānavarga 26.7 Nirvāṇa

204. ārogyaparamā lābhā, santuṭṭhiparamaṁ dhanaṁ,
vissāsaparamā ñātī, nibbānaṁ paramaṁ sukhaṁ.

MN 75 Māgaṇḍiyasuttaṁ PTS 1.508-510

Patna 76 [5.12] Attha
Gāndhārī 162 [11.1] Suha
Udānavarga 26.6 Nirvāṇa

205. pavivekarasaṁ pitvā, rasaṁ upasamassa ca,
niddaro hoti nippāpo, dhammapītirasaṁ pivaṁ.

Sn 2.3 Hirisuttaṁ PTS 46
Ja 363. Hirijātakaṁ PTS 3.196

~~Patna~~
~~Gāndhārī~~
Udānavarga 28.5 Pāpa

206. sāhu dassanam-ariyānaṁ, sannivāso sadā sukho,
adassanena bālānaṁ niccam-eva sukhī siyā.

no canonical parallel found

Patna 69 [5.5] Attha
Gāndhārī 175 [11.14] Suha
Udānavarga 30.25 Sukha
Prātimokṣasūtram (Mūl) vs 10

207. bālasaṅgatacārī hi dīgham-addhāna’ socati,
dukkho bālehi saṁvāso amitteneva sabbadā.
dhīro ca sukhasaṁvāso ñātīnaṁ va samāgamo.

no canonical parallel found

Patna 70 [5.6] Attha
Gāndhārī 176 [11.15] Suha
Udānavarga 30.26 Sukha

tasmā hi,
208. dhīrañ-ca paññañ-ca bahussutañ-ca,
dhorayhasīlaṁ vatavantam-ariyaṁ,
taṁ tādisaṁ sappurisaṁ sumedhaṁ,
bhajetha nakkhattapathaṁ va candimā.

no canonical parallel found

Patna 71 [5.7] Attha
Gāndhārī 177 [11.16] Suha
~~Udānavarga~~

Sukhavaggo paṇṇarasamo.

16: Piyavaggo

209. ayoge yuñjam-attānaṁ, yogasmiñ-ca ayojayaṁ,
atthaṁ hitvā piyaggāhī, pihetattānuyoginaṁ.

no canonical parallel found

Patna 173 [10.17] Daṇḍa
Gāndhārī 266 [16.8] [Prakiṇakavaga?]
Udānavarga 5.9 Priya

210. mā piyehi samāgañchī appiyehi kudācanaṁ,
piyānaṁ adassanaṁ dukkhaṁ, appiyānañ-ca dassanaṁ.

no canonical parallel found

Patna 73 [5.9] Attha
~~Gāndhārī~~
Udānavarga 5.5 Priya

211. tasmā piyaṁ na kayirātha, piyāpāyo hi pāpako,
ganthā tesaṁ na vijjanti yesaṁ natthi piyāppiyaṁ.

no canonical parallel found

Patna 74 [5.10] Attha
~~Gāndhārī~~
Udānavarga 5.8 Priya

212. piyato jāyatī soko, piyato jāyatī bhayaṁ,
piyato vippamuttassa natthi soko kuto bhayaṁ.

no canonical parallel found

Patna 72 [5.8] Attha
~~Gāndhārī~~
Udānavarga 5.1 Priya
Dvāviṁśatyavadānakathā 23.21
Avadānaśataka 1 pg 191

213. pemato jāyatī soko, pemato jāyatī bhayaṁ,
pemato vippamuttassa natthi soko kuto bhayaṁ.

no canonical parallel found

~~Patna~~
~~Gāndhārī~~
~~Udānavarga~~

214. ratiyā jāyatī soko, ratiyā jāyatī bhayaṁ,
ratiyā vippamuttassa natthi soko kuto bhayaṁ.

no canonical parallel found

~~Patna~~
~~Gāndhārī~~
Udānavarga 2.3 Kāma

215. kāmato jāyatī soko, kāmato jāyatī bhayaṁ,
kāmato vippamuttassa natthi soko kuto bhayaṁ.

no canonical parallel found

~~Patna~~
~~Gāndhārī~~
Udānavarga 2.2 Kāma

216. taṇhāya jāyatī soko, taṇhāya jāyatī bhayaṁ,
taṇhāya vippamuttassa natthi soko kuto bhayaṁ.

no canonical parallel found

~~Patna~~
~~Gāndhārī~~
~~Udānavarga~~

217. sīladassanasampannaṁ, dhammaṭṭhaṁ saccavedinaṁ
attano kamma kubbānaṁ, taṁ jano kurute piyaṁ.

no canonical parallel found

(partial:) Patna 294 [16.17] Vācā
(partial:) Gāndhārī 322 [20.1] [Śilavaga?]
(partial:) Udānavarga 5.24 Priya
(partial:) Śarīrārthagāthā vs 18

218. chandajāto anakkhāte, manasā ca phuṭo siyā,
kāmesu ca appaṭibaddhacitto, uddhaṁsoto ti vuccati.

no canonical parallel found

~~Patna~~
~~Gāndhārī~~
Udānavarga 2.9 Kāma

219. cirappavāsiṁ purisaṁ dūrato sotthim-āgataṁ,
ñātimittā suhajjā ca abhinandanti āgataṁ.

Vv Revatīvimānavatthu PTS 77

~~Patna~~
~~Gāndhārī~~
Udānavarga 5.20 Priya

220. tatheva katapuññam-pi asmā lokā paraṁ gataṁ,
puññāni paṭigaṇhanti piyaṁ ñātīva āgataṁ.

Vv Revatīvimānavatthu PTS 78

~~Patna~~
~~Gāndhārī~~
Udānavarga 5.21 Priya

Piyavaggo soḷasamo.

17: Kodhavaggo

221. kodhaṁ jahe vippajaheyya mānaṁ
saṁyojanaṁ sabbam-atikkameyya
taṁ nāmarūpasmiṁ asajjamānaṁ
akiñcanaṁ nānupatanti dukkhā.

SN 1.34 Nasantisuttaṁ PTS 1.23
SN 1.36 Saddhāsuttaṁ PTS 1.25

Patna 238 [13.23] Śaraṇa
Gāndhārī 274 [17.1] [Kodha]
Udānavarga 20.1 Krodha

222. yo ve uppatitaṁ kodhaṁ rathaṁ bhantaṁ va dhāraye,
tam-ahaṁ sārathiṁ brūmi rasmiggāho itaro jano.

no canonical parallel found

~~Patna~~
Gāndhārī 275 [17.2] [Kodha]
Udānavarga 20.22 Krodha

223. akkodhena jine kodhaṁ, asādhuṁ sādhunā jine,
jine kadariyaṁ dānena, saccena alikavādinaṁ.

Ja 151. Rājovādajātakaṁ PTS 2.4

~~Patna~~
Gāndhārī 280 [17.7] [Kodha]
Udānavarga 20.19 Krodha
Mahābhārata 5.39.58
Mahāsubhāṣitasaṅgraha vs 127

224. saccaṁ bhaṇe na kujjheyya, dajjāppasmim-pi yācito,
etehi tīhi ṭhānehi gacche devāna’ santike.

no canonical parallel found

Patna 292 [16.15] Vācā
Gāndhārī 281 [17.8] [Kodha]
Udānavarga 20.16 Krodha

225. ahiṁsakā ye munayo, niccaṁ kāyena saṁvutā,
te yanti accutaṁ ṭhānaṁ, yattha gantvā na socare.

no canonical parallel found

Patna 240 [14.2] Khānti
~~Gāndhārī~~
Udānavarga 7.7 Sucarita

226. sadā jāgaramānānaṁ ahorattānusikkhinaṁ,
nibbānaṁ adhimuttānaṁ, atthaṁ gacchanti āsavā.

no canonical parallel found

Patna 269 [15.9] Āsava
~~Gāndhārī~~
Udānavarga 15.8 Smti

227. porāṇam-etaṁ atula netaṁ ajjatanām-iva,
nindanti tuṇhim-āsīnaṁ, nindanti bahubhāṇinaṁ,
mitabhāṇinam-pi nindanti, natthi loke anindito.

no canonical parallel found

Patna 283 [16.6] Vācā
Gāndhārī 237 [14.14] [Paṇida]
Udānavarga 29.45 Yuga

228. na cāhu na ca bhavissati na cetarahi vijjati
ekantaṁ nindito poso ekantaṁ vā pasaṁsito.

no canonical parallel found
(partial:) Ud 6.3 Paccavekkhaṇasuttaṁ PTS 66

Patna 284 [16.7] Vācā
Gāndhārī 240 [14.17] [Paṇida]
Udānavarga 29.46 Yuga

229. yañ-ce viññū pasaṁsanti, anuvicca suve suve,
acchiddavuttiṁ medhāviṁ, paññāsīlasamāhitaṁ,

no canonical parallel found

Patna 286 [16.9] Vācā
Gāndhārī 241 [14.18] [Paṇida]
Udānavarga 29.47-48 Yuga

230. nekkhaṁ jambonadasseva, ko taṁ ninditum-arahati?
devā pi naṁ pasaṁsanti, brahmunā pi pasaṁsito.

AN 4.6 Appassutasuttaṁ PTS 2.7
AN 4.28 Ariyavaṁsasuttaṁ PTS 2.29
AN 5.42 Sappurisasuttaṁ PTS 3.47
Ud 7.6 Taṇhāsaṅkhayasuttaṁ PTS 77

Patna 287 [16.10] Vācā
Gāndhārī 242 [14.19] [Paṇida]
Udānavarga 22.11 Tathāgata

231. kāyappakopaṁ rakkheyya, kāyena saṁvuto siyā,
kāyaduccaritaṁ hitvā kāyena sucaritaṁ care.

no canonical parallel found

Patna 279 [16.2] Vācā
~~Gāndhārī~~
Udānavarga 7.1 Sucarita

232. vacīpakopaṁ rakkheyya, vācāya saṁvuto siyā,
vacīduccaritaṁ hitvā vācāya sucaritaṁ care.

no canonical parallel found

Patna 280 [16.3] Vācā
~~Gāndhārī~~
Udānavarga 7.2 Sucarita

233. manopakopaṁ rakkheyya, manasā saṁvuto siyā,
manoduccaritaṁ hitvā manasā sucaritaṁ care.

Peṭak PTS 70

Patna 281 [16.4] Vācā
~~Gāndhārī~~
Udānavarga 7.3 Sucarita

234. kāyena saṁvutā dhīrā, atho vācāya saṁvutā,
manasā saṁvutā dhīrā, te ve suparisaṁvutā.

no canonical parallel found

Patna 282 [16.5] Vācā
Gāndhārī 51 [2.1] Bhikhu
Udānavarga 7.10 Sucarita

Kodhavaggo sattarasamo.

18: Malavaggo

235. paṇḍupalāso va dānisi,
yamapurisā pi ca taṁ upaṭṭhitā,
uyyogamukhe ca tiṭṭhasi,
pātheyyam-pi ca te na vijjati.

no canonical parallel found

Patna 161 [10.5] Mala
~~Gāndhārī~~
~~Udānavarga~~

236. so karohi dīpam-attano,
khippaṁ vāyama paṇḍito bhava,
niddhantamalo anaṅgaṇo,
dibbaṁ ariyabhūmim-ehisi.

no canonical parallel found

Patna 162 [10.6] Mala
~~Gāndhārī~~
~~Udānavarga~~

237. upanītavayo ca dānisi,
sampayātosi yamassa santike,
vāso pi ca te natthi antarā,
pātheyyam-pi ca te na vijjati.

no canonical parallel found

~~Patna~~
~~Gāndhārī~~
~~Udānavarga~~

238. so karohi dīpam-attano,
khippaṁ vāyama paṇḍito bhava,
niddhantamalo anaṅgaṇo,
na punaṁ jātijaraṁ upehisi.

no canonical parallel found

~~Patna~~
~~Gāndhārī~~
(partial:) Udānavarga 16.3 Prakirṇaka

239. anupubbena medhāvī thokathokaṁ khaṇe khaṇe,
kammāro rajatasseva niddhame malam-attano.

no canonical parallel found
(quoted:) Kv PTS 108, 219

Patna 163 [10.7] Mala
~~Gāndhārī~~
Udānavarga 2.10 Kāma

240. ayasā va malaṁ samuṭṭhitaṁ,
taduṭṭhāya tam-eva khādati,
evaṁ atidhonacārinaṁ
sakakammāni nayanti duggatiṁ.

no canonical parallel found
(quoted:) Netti PTS 129
(quoted:) Peṭak PTS 8, 49

Patna 160 [10.4] Mala
~~Gāndhārī~~
Udānavarga 9.19 Karma

241. asajjhāyamalā mantā, anuṭṭhānamalā gharā,
malaṁ vaṇṇassa kosajjaṁ, pamādo rakkhato malaṁ.

AN 8.15 Malasuttaṁ PTS 4.195

Patna 157 [10.1] Mala
~~Gāndhārī~~
~~Udānavarga~~

242. malitthiyā duccaritaṁ, maccheraṁ dadato malaṁ,
malā ve pāpakā dhammā asmiṁ loke paramhi ca.

AN 8.15 Malasuttaṁ PTS 4.195

Patna 158 [10.2] Mala
~~Gāndhārī~~
~~Udānavarga~~

243. tato malā malataraṁ, avijjā paramaṁ malaṁ,
etaṁ malaṁ pahatvāna nimmalā hotha bhikkhavo.

no canonical parallel found
(partial:) AN 8.15 Malasuttaṁ PTS 4.195

Patna 159 [10.3] Mala
~~Gāndhārī~~
~~Udānavarga~~

244. sujīvaṁ ahirikena kākasūrena dhaṁsinā,
pakkhandinā pagabbhena, saṅkiliṭṭhena jīvitaṁ.

no canonical parallel found

Patna 164 [10.8] Mala
Gāndhārī 221 [13.21] Yamaka
Udānavarga 27.3 Paśya
Jātakamālā 16.2

245. hirīmatā ca dujjīvaṁ, niccaṁ sucigavesinā,
alīnenāpagabbhena, suddhājīvena passatā.

no canonical parallel found

Patna 165 [10.9] Mala
Gāndhārī 222 [13.22] Yamaka
Udānavarga 27.4 Paśya
Jātakamālā 16.3

246. yo pāṇam-atipāteti, musāvādañ-ca bhāsati,
loke adinnaṁ ādiyati, paradārañ-ca gacchati,

AN 5.174. Verasuttaṁ PTS 3.205
(quoted:) Peṭak PTS 49, 61

~~Patna~~
~~Gāndhārī~~
~~Udānavarga~~

247. surāmerayapānañ-ca yo naro anuyuñjati,
idhevam-eso lokasmiṁ mūlaṁ khanati attano.

no canonical parallel found
(partial:) AN 5.174. Verasuttaṁ PTS 3.205
(partially quoted:) Peṭak PTS 49

~~Patna~~
~~Gāndhārī~~
~~Udānavarga~~

248. evaṁ bho purisa jānāhi pāpadhammā asaññatā.
mā taṁ lobho adhammo ca ciraṁ dukkhāya randhayuṁ.

no canonical parallel found

~~Patna~~
~~Gāndhārī~~
~~Udānavarga~~

249. dadāti ve yathāsaddhaṁ yathāpasādanaṁ jano,
tattha yo maṅku bhavati paresaṁ pānabhojane
na so divā vā rattiṁ vā samādhiṁ adhigacchati.

no canonical parallel found

Patna 327 [18.1] Dadantī
~~Gāndhārī~~
Udānavarga 10.12 Śraddhā

250. yassa cetaṁ samucchinnaṁ mūlaghaccaṁ samūhataṁ,
sa ve divā vā rattiṁ vā samādhiṁ adhigacchati.

no canonical parallel found

Patna 328 [18.2] Dadantī
~~Gāndhārī~~
Udānavarga 10.13 Śraddhā

251. natthi rāgasamo aggi, natthi dosasamo gaho,
natthi mohasamaṁ jālaṁ, natthi taṇhāsamā nadī.

no canonical parallel found

~~Patna~~
~~Gāndhārī~~
Udānavarga 29.37 Yuga

252. sudassaṁ vajjam-aññesaṁ, attano pana duddasaṁ,
paresaṁ hi sŏ vajjāni opunāti yathā bhusaṁ,
attano pana chādeti kaliṁ va kitavā saṭho.

no canonical parallel found
(partial:) Ja 374. Cūḷadhanuggahajātakaṁ PTS 3.219

Patna 166 [10.10] Mala
Gāndhārī 272 [16.14] [Prakiṇakavaga?]
Udānavarga 27.1 Paśya

253. paravajjānupassissa niccaṁ ujjhānasaññino
āsavā tassa vaḍḍhanti, ārā so āsavakkhayā.

no canonical parallel found

Patna 268 [15.8] Āsava
(partial:) Gāndhārī 339 [21.8] [Kicavaga?]
(partial:) Udānavarga 27.2 Paśya

254. ākāse va padaṁ natthi, samaṇo natthi bāhire,
papañcābhiratā pajā, nippapañcā tathāgatā.

no canonical parallel found

~~Patna~~
~~Gāndhārī~~
Udānavarga 29.38 Yuga
Śarīrārthagāthā vs 30

255. ākāse va padaṁ natthi, samaṇo natthi bāhire,
saṅkhārā sassatā natthi, natthi buddhānam-iñjitaṁ.

no canonical parallel found

~~Patna~~
~~Gāndhārī~~
(partial:) Udānavarga 29.38 Yuga
Śarīrārthagāthā vs 30

Malavaggo aṭṭhārasamo.

19: Dhammaṭṭhavaggo

256. na tena hoti dhammaṭṭho yenatthaṁ sahasā naye,
yo ca atthaṁ anatthañ-ca ubho niccheyya paṇḍito,

no canonical parallel found

~~Patna~~
~~Gāndhārī~~
~~Udānavarga~~

257. asāhasena dhammena samena nayatī pare,
dhammassa gutto medhāvī dhammaṭṭho ti pavuccati.

no canonical parallel found

~~Patna~~
~~Gāndhārī~~
~~Udānavarga~~

258. na tena paṇḍito hoti yāvatā bahu bhāsati,
khemī averī abhayo paṇḍito ti pavuccati.

no canonical parallel found

~~Patna~~
~~Gāndhārī~~
~~Udānavarga~~

259. na tāvatā dhammadharo yāvatā bahu bhāsati,
yo ca appam-pi sutvāna dhammaṁ kāyena passati,
sa ve dhammadharo hoti yo dhammaṁ nappamajjati.

no canonical parallel found

Patna 32 [2.19] Apramāda
Gāndhārī 114 [7.5] Apramadu
Udānavarga 4.21 Apramāda

260. na tena thero hoti yenassa palitaṁ siro,
paripakko vayo tassa moghajiṇṇo ti vuccati.

no canonical parallel found

~~Patna~~
Gāndhārī 182 [12.1] Thera
Udānavarga 11.11 Śramaṇa
Kalpanāmaṇḍitikā IDP SHT 21|7
Manusmti 2.156

261. yamhi saccañ-ca dhammo ca ahiṁsā saṁyamo damo,
sa ve vantamalo dhīro thero iti pavuccati.

no canonical parallel found
(partial:) Ja 166. Upasāḷakajātakaṁ PTS 2.56

Patna 289 [16.12] Vācā
~~Gāndhārī~~
~~Udānavarga~~

262. na vākkaraṇamattena vaṇṇapokkharatāya vā
sādhurūpo naro hoti issukī maccharī saṭho.

no canonical parallel found

Patna 288 [16.11] Vācā
Gāndhārī 186 [12.5] Thera
Udānavarga 29.10 Yuga

263. yassa cetaṁ samucchinnaṁ mūlaghaccaṁ samūhataṁ
sa vantadoso medhāvī sādhurūpo ti vuccati.

no canonical parallel found

(partial:) Patna 289 [16.12] Vācā
(partial:) Gāndhārī 187 [12.6] Thera
(partial:) Udānavarga 10.7 Śraddhā

264. na muṇḍakena samaṇo abbato alikaṁ bhaṇaṁ
icchālobhasamāpanno samaṇo kiṁ bhavissati?

no canonical parallel found

Patna 235 [13.20] Śaraṇa
Gāndhārī 188 [12.7] Thera
Udānavarga 11.13 Śramaṇa

265. yo ca sameti pāpāni, aṇuṁ-thūlāni sabbaso,
samitattā hi pāpānaṁ samaṇo ti pavuccati.

no canonical parallel found

Patna 236 [13.21] Śaraṇa
Gāndhārī 1 [1.1] 189 Brammaṇa
Gāndhārī 189 [12.8] Thera
Udānavarga 33.8 Brāhmaṇa

266. na tena bhikkhu hoti yāvatā bhikkhate pare,
vissaṁ dhammaṁ samādāya bhikkhu hoti na tāvatā.

SN 7.206 Bhikkhakasuttaṁ PTS 1.182

~~Patna~~
Gāndhārī 67 [2.17] Bhikhu
Udānavarga 32.18 Bhikṣu
Mahāvastu iii. pg 422

267. yodha puññañ-ca pāpañ-ca bāhetvā brahmacariyavā,
saṅkhāya loke carati, sa ce bhikkhū ti vuccati.

SN 7.206 Bhikkhakasuttaṁ PTS 1.182

~~Patna~~
Gāndhārī 68 [2.18] Bhikhu
Udānavarga 32.19 Bhikṣu
Mahāvastu iii. pg 422

268. na monena munī hoti mūḷharūpo aviddasu,
yo ca tulaṁ va paggayha varam-ādāya paṇḍito,

no canonical parallel found
(quoted:) MNidd PTS 1.58
(quoted:) CNidd comm. to 21

~~Patna~~
~~Gāndhārī~~
~~Udānavarga~~

269. pāpāni parivajjeti, sa munī tena so muni,
yo munāti ubho loke muni tena pavuccati.

no canonical parallel found
(quoted:) MNidd PTS 1.58
(quoted:) CNidd comm. to 21

~~Patna~~
~~Gāndhārī~~
~~Udānavarga~~

270. na tena ariyo hoti yena pāṇāni hiṁsati,
ahiṁsā sabbapāṇānaṁ ariyo ti pavuccati.

no canonical parallel found

~~Patna~~
~~Gāndhārī~~
~~Udānavarga~~

271. na sīlabbatamattena, bāhusaccena vā pana,
atha vā samādhilābhena, vivittasayanena vā,

no canonical parallel found

Patna 271 [15.11] Āsava
Gāndhārī 65 [2.15] Bhikhu
Udānavarga 32.31 Bhikṣu
Mahāvastu iii. pg 422

272. phusāmi nekkhammasukhaṁ, aputhujjanasevitaṁ,
bhikkhu vissāsa’ māpādi appatto āsavakkhayaṁ.

no canonical parallel found

Patna 272 [15.12] Āsava
Gāndhārī 66 [2.16] Bhikhu
Udānavarga 32.32 Bhikṣu
Mahāvastu iii. 422

Dhammaṭṭhavaggo ekūnavīsatimo.

20: Maggavaggo

273. maggānaṭṭhaṅgiko seṭṭho, saccānaṁ caturo padā,
virāgo seṭṭho dhammānaṁ, dipadānañ-ca cakkhumā.

no canonical parallel found
(quoted:) Netti PTS 188
(quoted:) Peṭak PTS 56
(quoted:) Kv PTS 600

Patna 358 [20.1] Māgga
Gāndhārī 109 [6.13] Magu
Udānavarga 12.4 Mārga

274. eso va maggo natthañño dassanassa visuddhiyā,
etaṁ hi tumhe paṭipajjatha, mārassetaṁ pamohanaṁ.

no canonical parallel found
(quoted:) Peṭak PTS 52

Patna 360 [20.3] Māgga
~~Gāndhārī~~
~~Udānavarga~~

275. etaṁ hi tumhe paṭipannā dukkhassantaṁ karissatha,
akkhāto ve mayā maggo aññāya sallasanthanaṁ.

no canonical parallel found

Patna 360-359 [20.3-2] Māgga
~~Gāndhārī~~
(partial:) Udānavarga 12.9 Mārga

276. tumhehi kiccaṁ ātappaṁ akkhātāro tathāgatā,
paṭipannā pamokkhanti jhāyino mārabandhanā.

no canonical parallel found

Patna 359 [20.2] Māgga
~~Gāndhārī~~
Udānavarga 12.9 Mārga
Udānavarga 6.20 Śīla

277. “sabbe saṅkhārā aniccā” ti, yadā paññāya passati,
atha nibbindatī dukkhe - esa maggo visuddhiyā.

Thag Aññāsikoṇḍaññattheragāthā PTS 69
(quoted:) AN 3.137 Uppādāsuttaṁ PTS 1.286
(quoted:) MNidd PTS 1.94 passim
(quoted:) CNidd comm. to 4, passim
(quoted:) Netti PTS 6, 167, passim
(quoted:) Kv PTS 531

Patna 373 [20.16] Māgga
Gāndhārī 106 [6.10] Magu
Udānavarga 12.5 Mārga

278. “sabbe saṅkhārā dukkhā” ti, yadā paññāya passati,
atha nibbindatī dukkhe - esa maggo visuddhiyā.

Thag Aññāsikoṇḍaññattheragāthā PTS 69
(quoted:) AN 3.137 Uppādāsuttaṁ PTS 1.286
(quoted:) MNidd PTS 1.94 passim
(quoted:) comm. to 4, CNidd passim
(quoted:) Netti PTS 6, 167 passim
(quoted:) Kv PTS 531

~~Patna~~
Gāndhārī 107 [6.11] Magu
Udānavarga 12.6 Mārga

279. “sabbe dhammā anattā” ti, yadā paññāya passati,
atha nibbindatī dukkhe - esa maggo visuddhiyā.

Thag Aññāsikoṇḍaññattheragāthā PTS 69
(quoted:) AN 3.137 Uppādāsuttaṁ PTS 1.286
(quoted:) MNidd PTS 1.94 passim
(quoted:) CNidd comm. to 4, passim
(quoted:) Netti PTS 6, 167 passim
(quoted:) Peṭak PTS 44, 52
(quoted:) Kv PTS 531

Patna 374 [20.17] Māgga
Gāndhārī 108 [6.12] Magu
Udānavarga 12.8 Mārga
Satyasiddhiśāstram pg 502

280. uṭṭhānakālamhi anuṭṭhahāno,
yuvā balī ālasiyaṁ upeto,
saṁsannasaṅkappamano kusīto,
paññāya maggaṁ alaso na vindati.

no canonical parallel found

Patna 30 [2.17] Apramāda
Gāndhārī 113 [7.4] Apramadu
Udānavarga 31.32 Citta

281. vācānurakkhī manasā susaṁvuto,
kāyena ca akusalaṁ na kayirā,
ete tayo kammapathe visodhaye,
ārādhaye maggaṁ isippaveditaṁ.

no canonical parallel found
(quoted:) Netti PTS 183
(quoted:) Peṭak PTS 70

Patna 278 [16.1] Vācā
~~Gāndhārī~~
Udānavarga 7.12 Sucarita
Prātimokṣasūtram (Sū), concl. vs 9
Prātimokṣasūtram (Mūl) vs 10

282. yogā ve jāyatī bhūri, ayogā bhūrisaṅkhayo,
etaṁ dvedhāpathaṁ ñatvā bhavāya vibhavāya ca,
tathattānaṁ niveseyya yathā bhūri pavaḍḍhati.

no canonical parallel found

Patna 375 [20.18] Māgga
~~Gāndhārī~~
Udānavarga 29.40 Yuga

283. vanaṁ chindatha mā rukkhaṁ, vanato jāyatī bhayaṁ,
chetvā vanañ-ca vanathañ-ca, nibbanā hotha bhikkhavo.

no canonical parallel found

Patna 361 [20.4] Māgga
(partial:) Gāndhārī 93 [3.3] Tasiṇa
Udānavarga 18.3 Puṣpa

284. yāva hi vanatho na chijjati
aṇumatto pi narassa nārisu
paṭibaddhamano va tāva so,
vaccho khīrapako va mātari.

no canonical parallel found

Patna 362 [20.5] Māgga
(partial:) Gāndhārī 94 [3.4] Tasiṇa
Udānavarga 18.4 Puṣpa

285. ucchinda sineham-attano,
kumudaṁ sāradikaṁ va pāṇinā
santimaggam-eva brūhaya
nibbānaṁ sugatena desitaṁ.

no canonical parallel found
(quoted:) Netti PTS 36

Patna 363 [20.6] Māgga
Gāndhārī 299 [18.10] [Puṣpa]
Udānavarga 18.5 Puṣpa
Uttarādhyayanasūtraṁ 10.28

286. “idha vassaṁ vasissāmi, idha hemantagimhisu”,
iti bālo vicinteti antarāyaṁ na bujjhati.

no canonical parallel found

Patna 364 [20.7] Māgga
(partial:) Gāndhārī 333 [21.2] [Kicavaga?]
Udānavarga 1.38 Anitya

287. taṁ puttapasusammattaṁ byāsattamanasaṁ naraṁ,
suttaṁ gāmaṁ mahogho va maccu ādāya gacchati.

no canonical parallel found

Patna 365 [20.8] Māgga
(partial:) Gāndhārī 334 [21.3] [Kicavaga?]
Udānavarga 1.39 Anitya
Mahābhārata 12.169

288. na santi puttā tāṇāya, na pitā na pi bandhavā,
antakenādhipannassa, natthi ñātisu tāṇatā.

Ap Paṭācārātherī-apadānaṁ PTS 2.559

Patna 366 [20.9] Māgga
Gāndhārī 261 [16.3] [Prakiṇakavaga?]
Udānavarga 1.40 Anitya

289. etam-atthavasaṁ ñatvā, paṇḍito sīlasaṁvuto,
nibbānagamanaṁ maggaṁ khippam-eva visodhaye.

no canonical parallel found

~~Patna~~
~~Gāndhārī~~
Udānavarga 6.15 Śīla

Maggavaggo vīsatimo.

21: Pakiṇṇakavaggo

290. mattāsukhapariccāgā passe ce vipulāṁ sukhaṁ,
caje mattāsukhaṁ dhīro sampassaṁ vipulāṁ sukhaṁ.

no canonical parallel found

Patna 77 [5.13] Attha
Gāndhārī 164 [11.3] Suha
Udānavarga 30.30 Sukha
Ratnāvalī 4.75

291. paradukkhūpadānena attano sukham-icchati,
verasaṁsaggasaṁsaṭṭho verā so na parimuccati.

no canonical parallel found

Patna 117 [7.22] Kalyāṇī
Gāndhārī 179 [11.18] Suha
Udānavarga 30.2 Sukha

292. yaṁ hi kiccaṁ tad-apaviddhaṁ, akiccaṁ pana kayirati,
unnalānaṁ pamattānaṁ tesaṁ vaḍḍhanti āsavā.

Thag Soṇakoḷivisattheragāthā PTS 65
(partial quotation:) Peṭak PTS 205

Patna 266 [15.6] Āsava
(partial:) Gāndhārī 339 [21.8] [Kicavaga?]
Udānavarga 4.19 Apramāda

293. yesañ-ca susamāraddhā niccaṁ kāyagatā sati,
akiccaṁ te na sevanti kicce sātaccakārino,
satānaṁ sampajānānaṁ atthaṁ gacchanti āsavā.

Thag Soṇakoḷivisattheragāthā PTS 65
(partial quotation:) Netti PTS 30
(partial quotation:) Peṭak PTS 90

Patna 267 [15.7] Āsava
(partial:) Gāndhārī 340 [21.9] [Kicavaga?]
Udānavarga 4.20 Apramāda

294. mātaraṁ pitaraṁ hantvā, rājāno dve ca khattiye,
raṭṭhaṁ sānucaraṁ hantvā, anīgho yāti brāhmaṇo.

no canonical parallel found
(quoted:) Netti PTS 165

Patna 47 [3.14] Brāhmaṇa
Gāndhārī 12 [1.12] Brammaṇa
Udānavarga 29.24 Yuga

295. mātaraṁ pitaraṁ hantvā, rājāno dve ca sotthiye,
veyyagghapañcamaṁ hantvā, anīgho yāti brāhmaṇo.

no canonical parallel found

~~Patna~~
~~Gāndhārī~~
Udānavarga 33.62-61 Brāhmaṇa

296. suppabuddhaṁ pabujjhanti sadā gotamasāvakā,
yesaṁ divā ca ratto ca niccaṁ buddhagatā sati.

no canonical parallel found

~~Patna~~
Gāndhārī 100 [6.4] Magu
Udānavarga 15.12 Smti

297. suppabuddhaṁ pabujjhanti sadā gotamasāvakā,
yesaṁ divā ca ratto ca niccaṁ dhammagatā sati.

no canonical parallel found

~~Patna~~
Gāndhārī 101 [6.5] Magu
Udānavarga 15.13 Smti

298. suppabuddhaṁ pabujjhanti sadā gotamasāvakā,
yesaṁ divā ca ratto ca niccaṁ saṅghagatā sati.

no canonical parallel found

~~Patna~~
Gāndhārī 102 [6.6] Magu
Udānavarga 15.14 Smti

299. suppabuddhaṁ pabujjhanti sadā gotamasāvakā,
yesaṁ divā ca ratto ca niccaṁ kāyagatā sati.

no canonical parallel found

Patna 243 [14.5] Khānti
Gāndhārī 103 [6.7] Magu
Udānavarga 15.15 Smti

300. suppabuddhaṁ pabujjhanti sadā gotamasāvakā,
yesaṁ divā ca ratto ca ahiṁsāya rato mano.

no canonical parallel found

Patna 241 [14.3] Khānti
Gāndhārī 104 [6.8] Magu
Udānavarga 15.17 Smti

301. suppabuddhaṁ pabujjhanti sadā gotamasāvakā
yesaṁ divā ca ratto ca bhāvanāya rato mano.

no canonical parallel found
(partial:) Netti PTS 148

Patna 242 [14.4] Khānti
Gāndhārī 105 [6.9] Magu
Udānavarga 15.25 Smti

302. duppabbajjaṁ durabhiramaṁ, durāvāsā gharā dukhā,
dukkhosamānasaṁvāso, dukkhānupatitaddhagū,
tasmā na caddhagū siyā na ca dukkhānupatito siyā.

no canonical parallel found

~~Patna~~
Gāndhārī 262 [16.4] [Prakiṇakavaga?]
Udānavarga 11.8 Śramaṇa

303. saddho sīlena sampanno yasobhogasamappito,
yaṁ yaṁ padesaṁ bhajati tattha tattheva pūjito.

no canonical parallel found

Patna 331 [18.5] Dadantī
Gāndhārī 323 [20.2] [Śilavaga?]
(partial:) Udānavarga 10.8 Śraddhā

304. dūre santo pakāsenti himavanto va pabbato,
asantettha na dissanti rattiṁ khittā yathā sarā.

no canonical parallel found
(quoted:) MNidd PTS 2.448
(quoted:) Netti PTS 11

~~Patna~~
~~Gāndhārī~~
Udānavarga 29.19 Yuga

305. ekāsanaṁ ekaseyyaṁ eko caram-atandito
eko damayam-attānaṁ vanante ramito siyā.

no canonical parallel found

Patna 313 [17.8] Ātta
Gāndhārī 259 [16.1] [Prakiṇakavaga?]
Udānavarga 23.2 Ātma

Pakiṇṇakavaggo ekavīsatimo.

22: Nirayavaggo

306. abhūtavādī nirayaṁ upeti,
yo vāpi katvā na karomī ti cāha,
ubho pi te pecca samā bhavanti,
nihīnakammā manujā parattha.

Ud 4.8 Sundarīsuttaṁ PTS 45
Iti 48 Āpāyikasuttaṁ PTS 42-3
Sn 3.10 Kokālikasuttaṁ PTS 127

Patna 114 [7.19] Kalyāṇī
Gāndhārī 269 [16.11] [Prakiṇakavaga?]
Udānavarga 8.1 Vāca

307. kāsāvakaṇṭhā bahavo pāpadhammā asaññatā,
pāpā pāpehi kammehi nirayaṁ te upapajjare.

Vin Sv PTS 3.90
Iti 48 Āpāyikasuttaṁ PTS 43
Iti 91 Jīvikasuttaṃ PTS 90

Patna 113 [7.18] Kalyāṇī
~~Gāndhārī~~
Udānavarga 11.9 Śramaṇa

308. seyyo ayoguḷo bhutto tatto aggisikhūpamo,
yañ-ce bhuñjeyya dussīlo raṭṭhapiṇḍaṁ asaññato.

Vin Sv PTS 3.90
Iti 48 Āpāyikasuttaṁ PTS 43

Patna 295 [16.18] Vācā
Gāndhārī 331 [20.10] [Śilavaga?]
Udānavarga 9.2 Karma

309. cattāri ṭhānāni naro pamatto
āpajjatī paradārūpasevī,
apuññalābhaṁ na nikāmaseyyaṁ,
nindaṁ tatīyaṁ nirayaṁ catutthaṁ.

no canonical parallel found

Patna 210 [12.16] Daṇḍa
Gāndhārī 270 [16.12] [Prakiṇakavaga?]
Udānavarga 4.14 Apramāda

310. apuññalābho ca gatī ca pāpikā,
bhītassa bhītāya ratī ca thokikā,
rājā ca daṇḍaṁ garukaṁ paṇeti -
tasmā naro paradāraṁ na seve.

no canonical parallel found

Patna 211 [12.17] Daṇḍa
~~Gāndhārī~~
Udānavarga 4.15b Apramāda

311. kuso yathā duggahito hattham-evānukantati,
sāmaññaṁ dupparāmaṭṭhaṁ nirayāyupakaḍḍhati.

SN 2.89 Tāyanasuttaṁ PTS 1.50

Patna 296 [16.19] Vācā
Gāndhārī 215 [13.15] Yamaka
Udānavarga 11.4 Śramaṇa

312. yaṁ kiñci sithilaṁ kammaṁ, saṅkiliṭṭhañ-ca yaṁ vataṁ,
saṅkassaraṁ brahmacariyaṁ, na taṁ hoti mahapphalaṁ.

SN 2.89 Tāyanasuttaṁ PTS 1.49
Thag Sabhiyattheragāthā PTS 33

~~Patna~~
~~Gāndhārī~~
Udānavarga 11.3 Śramaṇa

313. kayirañ-ce kayirāthenaṁ daḷham-enaṁ parakkame,
saṭhilo hi paribbājo bhiyyo ākirate rajaṁ.

SN 2.89 Tāyanasuttaṁ PTS 1.49-50

~~Patna~~
~~Gāndhārī~~
Udānavarga 11.2 Śramaṇa

314. akataṁ dukkataṁ seyyo, pacchā tapati dukkataṁ,
katañ-ca sukataṁ seyyo, yaṁ katvā nānutappati.

SN 2.89 Tāyanasuttaṁ PTS 1.49

Patna 100-1 [7.5-6] Kalyāṇī
Gāndhārī 337 [21.6] [Kicavaga?]
Udānavarga 29.41-42 Yuga

315. nagaraṁ yathā paccantaṁ guttaṁ santarabāhiraṁ,
evaṁ gopetha attānaṁ, khaṇo vo mā upaccagā,
khaṇātītā hi socanti nirayamhi samappitā.

Thag Sāriputtattheragāthā PTS 90
Thag Khadiravaniyarevatattheragāthā PTS 67 (4 lines)
(partial:) AN 8.29 Akkhaṇasuttaṁ PTS 4.228
(partial:) Sn 2.10 Uṭṭhānasuttaṁ PTS 58
(partial:) Thig Aññatarātissātherīgāthā PTS 123

Patna 234 [13.19] Śaraṇa
Gāndhārī 131 [7.22] Apramadu
Udānavarga 5.16-17 Priya

316. alajjitāye lajjanti, lajjitāye na lajjare,
micchādiṭṭhisamādānā, sattā gacchanti duggatiṁ.

no canonical parallel found

Patna 169 [10.13] Mala
Gāndhārī 273 [16.15] [Prakiṇakavaga?]
Udānavarga 16.4 Prakirṇaka
Bhaiṣajyavastu I 220

317. abhaye bhayadassino, bhaye cābhayadassino,
micchādiṭṭhisamādānā, sattā gacchanti duggatiṁ.

no canonical parallel found

Patna 169 [10.13] Mala
Gāndhārī 273 [16.15] [Prakiṇakavaga?]
~~Udānavarga~~
Bhaiṣajyavastu I 220

318. avajje vajjamatino, vajje cāvajjadassino,
micchādiṭṭhisamādānā, sattā gacchanti duggatiṁ.

no canonical parallel found

Patna 170 [10.14] Mala
~~Gāndhārī~~
~~Udānavarga~~

319. vajjañ-ca vajjato ñatvā, avajjañ-ca avajjato,
sammādiṭṭhisamādānā, sattā gacchanti suggatiṁ.

no canonical parallel found

~~Patna~~
~~Gāndhārī~~
~~Udānavarga~~

Nirayavaggo dvāvīsatimo.

23: Nāgavaggo

320. ahaṁ nāgo va saṅgāme cāpāto patitaṁ saraṁ
ativākyaṁ titikkhissaṁ, dussīlo hi bahujjano.

no canonical parallel found

Patna 215 [12.21] Daṇḍa
Gāndhārī 329 [20.8] [Śilavaga?]
Udānavarga 29.21 Yuga

321. dantaṁ nayanti samitiṁ dantaṁ rājābhirūhati,
danto seṭṭho manussesu yotivākyaṁ titikkhati.

no canonical parallel found
(quoted:) MNidd PTS 1.243
(quoted:) CNidd comm. to 18

Patna 90 [6.7] Śoka
~~Gāndhārī~~
Udānavarga 19.6 Aśva

322. varam-assatarā dantā ājānīyā ca sindhavā
kuñjarā ca mahānāgā, attadanto tato varaṁ.

no canonical parallel found
(quoted:) MNidd PTS 1.243
(quoted:) CNidd comm. to 18

Patna 91 [6.8] Śoka
(partial:) Gāndhārī 341 [22.1] [Naga or Asavaga?]
Udānavarga 19.7 Aśva

323. na hi etehi yānehi gaccheyya agataṁ disaṁ,
yathattanā sudantena, danto dantena gacchati.

no canonical parallel found
(quoted:) MNidd PTS 1.243
(quoted:) CNidd comm. to 18

(partial:) Patna 92 [6.9] Śoka
(partial:) Gāndhārī 342 [22.?] [Naga or Asa?]
~~Udānavarga~~

324. dhanapālakŏ nāma kuñjaro
kaṭukappabhedano dunnivārayo,
baddho kabalaṁ na bhuñjati,
sumarati nāgavanassa kuñjaro.

no canonical parallel found

~~Patna~~
~~Gāndhārī~~
~~Udānavarga~~

325. middhī yadā hoti mahagghaso ca,
niddāyitā samparivattasāyī,
mahāvarāho va nivāpapuṭṭho,
punappunaṁ gabbham-upeti mando.

Thag Dāsakattheragāthā PTS 4
(quoted:) Netti PTS 34, 129

~~Patna~~
~~Gāndhārī~~
Udānavarga 29.13 Yuga

326. idaṁ pure cittam-acāri cārikaṁ
yenicchakaṁ yatthakāmaṁ yathāsukhaṁ,
tad-ajjahaṁ niggahessāmi yoniso,
hatthim-pabhinnaṁ viya aṅkusaggaho.

Thag Hatthārohaputtattheragāthā PTS 12
Thag Tālapuṭattheragāthā PTS 101

~~Patna~~
~~Gāndhārī~~
Udānavarga 31.5 Citta

327. appamādaratā hotha sacittam-anurakkhatha,
duggā uddharathattānaṁ paṅke sanno va kuñjaro.

no canonical parallel found
(quoted:) Mil Niyāmakaṅgapañho PTS 379

Patna 24 [2.11] Apramāda
Gāndhārī 132 [7.23] Apramadu
Udānavarga 4.27 & 36 Apramāda

328. sace labhetha nipakaṁ sahāyaṁ
saddhiṁcaraṁ sādhuvihāridhīraṁ,
abhibhuyya sabbāni parissayāni
careyya tenattamano satīmā.

MN 128 Upakkilesasuttaṁ PTS 3.154
Sn Khaggavisāṇasuttaṁ 1.3 PTS 8
Ap Paccekabuddha-apadānaṁ PTS 1.9
Ja 428. Kosambiyajātakaṁ PTS 3.488
Vin Mv PTS 1.350
(quoted:) CNidd comm. to 131

Patna 9 [1.9] Jama
~~Gāndhārī~~
Udānavarga 14.13 Droha
Kośāmbakavastu II 185

329. no ce labhetha nipakaṁ sahāyaṁ
saddhiṁcaraṁ sādhuvihāridhīraṁ,
rājā va raṭṭhaṁ vijitaṁ pahāya
eko care mātaṅgaraññe va nāgo.

MN 128 Upakkilesasuttaṁ PTS 3.154
Sn Khaggavisāṇasuttaṁ 1.3 PTS 8
Ap Paccekabuddha-apadānaṁ PTS 1.9
Ja 428. Kosambiyajātakaṁ PTS 3.488
Vin Mv PTS 1.350
(quoted:) CNidd comm. to 132

Patna 10 [1.10] Jama
~~Gāndhārī~~
Udānavarga 14.14 Droha
Kośāmbakavastu II 185

330. ekassa caritaṁ seyyo natthi bāle sahāyatā,
eko care na ca pāpāni kayirā,
appossukko mātaṅgaraññe va nāgo.

MN 128 Upakkilesasuttaṁ PTS 3.154
Ja 428. Kosambiyajātakaṁ PTS 3.488
Vin Mv PTS 1.350

Patna 11 [1.11] Jama
~~Gāndhārī~~
Udānavarga 14.16ba Droha
Kośāmbakavastu II 185

331. atthamhi jātamhi sukhā sahāyā
tuṭṭhī sukhā yā itarītarena
puññaṁ sukhaṁ jīvitasaṅkhayamhi
sabbassa dukkhassa sukhaṁ pahāṇaṁ.

no canonical parallel found

Patna 65 [5.1] Attha
~~Gāndhārī~~
Udānavarga 30.34 Sukha

332. sukhā matteyyatā loke, atho petteyyatā sukhā,
sukhā sāmaññatā loke, atho brahmaññatā sukhā.

no canonical parallel found

Patna 66 [5.2] Attha
~~Gāndhārī~~
Udānavarga 30.21 Sukha

333. sukhaṁ yāva jarā sīlaṁ, sukhā saddhā patiṭṭhitā,
sukho paññāya paṭilābho, pāpānaṁ akaraṇaṁ sukhaṁ.

no canonical parallel found

Patna 67 & 82 [5.3] Attha
~~Gāndhārī~~
Udānavarga 30.20 Sukha

Nāgavaggo tevīsatimo.

24: Taṇhāvaggo

334. manujassa pamattacārino
taṇhā vaḍḍhati māluvā viya,
so palavatī hurāhuraṁ
phalam-icchaṁ va vanasmi’ vānaro.

Thag Mālukyaputtattheragāthā PTS 43

Patna 137 [9.1] Tahna
(partial:) Gāndhārī 91 [3.3] Tasiṇa
Udānavarga 3.4 Tṣṇā

335. yaṁ esā sahatī jammī taṇhā loke visattikā
sokā tassa pavaḍḍhanti abhivaṭṭhaṁ va bīraṇaṁ.

Thag Mālukyaputtattheragāthā PTS 43

Patna 138 [9.2] Tahna
~~Gāndhārī~~
Udānavarga 3.9 Tṣṇā

336. yo cetaṁ sahatī jammiṁ taṇhaṁ loke duraccayaṁ
sokā tamhā papatanti udabindu va pokkharā.

Thag Mālukyaputtattheragāthā PTS 43

Patna 139 [9.3] Tahna
~~Gāndhārī~~
Udānavarga 3.10 Tṣṇā
Śarīrārthagāthā vs 40.6

337. taṁ vo vadāmi bhaddaṁ vo, yāvantettha samāgatā,
taṇhāya mūlaṁ khaṇatha usīrattho va bīraṇaṁ,
mā vo naḷaṁ va soto va māro bhañji punappunaṁ.

Thag Mālukyaputtattheragāthā PTS 44
(partial:) Pv PTS 28
(partial:) Ja 419. Daḷhadhammajātakaṁ PTS 3.435
(partial:) Ja 475. Phandanajātakaṁ PTS 4.211
(partial:) Ja 516. Mahākapijātakaṁ 2x PTS 5.72

(partial:) Patna 140 [9.4] Tahna
(partial:) Gāndhārī 126 [7.17] Apramadu
(partial:) Udānavarga 3.11 Tṣṇā

338. yathā pi mūle anupaddave daḷhe
chinno pi rukkho punar-eva rūhati,
evam-pi taṇhānusaye anūhate
nibbattatī dukkham-idaṁ punappunaṁ.

no canonical parallel found
(quoted:) Netti PTS 42

Patna 156 [9.20] Tahna
~~Gāndhārī~~
Udānavarga 3.16 Tṣṇā
Satyasiddhiśāstram 350

339. yassa chattiṁsatī sotā manāpassavanā bhusā,
vāhā vahanti duddiṭṭhiṁ saṅkappā rāganissitā.

no canonical parallel found
(partial:) Thag Telakānittheragāthā PTS 74

Patna 237 [13.22] Śaraṇa
~~Gāndhārī~~
~~Udānavarga~~

340. savanti sabbadhī sotā latā ubbhijja tiṭṭhati
tañ-ca disvā lataṁ jātaṁ mūlaṁ paññāya chindatha.

no canonical parallel found
(partial:) Thag Telakānittheragāthā PTS 74

~~Patna~~
~~Gāndhārī~~
~~Udānavarga~~

341. saritāni sinehitāni ca
sŏmanassāni bhavanti jantuno,
te sātasitā sukhesino,
te ve jātijarūpagā narā.

no canonical parallel found

Patna 148 [9.12] Tahna
~~Gāndhārī~~
Udānavarga 3.5 Tṣṇā

342. tasiṇāya purakkhatā pajā
parisappanti saso va bādhito,
saṁyojanasaṅgasattakā
dukkham-upenti punappunaṁ cirāya.

no canonical parallel found

Patna 149 [9.13] Tahna
~~Gāndhārī~~
Udānavarga 3.6 Tṣṇā

343. tasiṇāya purakkhatā pajā
parisappanti saso va bādhito,
tasmā tasiṇaṁ vinodaye
bhikkhu ākaṅkha’ virāgam-attano.

no canonical parallel found

(partial:) Patna 149 [9.13] Tahna
Gāndhārī
(partial:) Udānavarga 3.6 Tṣṇā

344. yo nibbanatho vanādhimutto
vanamutto vanam-eva dhāvati
taṁ puggalam-etha passatha
mutto bandhanam-eva dhāvati.

no canonical parallel found

Patna 151 [9.15] Tahna
(partial:) Gāndhārī 92 [3.2] Tasiṇa
Udānavarga 27.29 Paśya

345. na taṁ daḷhaṁ bandhanam-āhu dhīrā,
yad-āyasaṁ dārujaṁ pabbajañ-ca,
sārattarattā maṇikuṇḍalesu
puttesu dāresu ca yā apekhā,

SN 3.121 Bandhanasuttaṁ PTS 1.77
Ja 201. Bandhanāgārajātakaṁ PTS 2.139
(quoted:) Netti PTS 35, 153
(quoted:) Peṭak PTS 25

Patna 143 [9.7] Tahna
Gāndhārī 169 [11.8] Suha
Udānavarga 2.5 Kāma

346. etaṁ daḷhaṁ bandhanam-āhu dhīrā,
ohārinaṁ sithilaṁ duppamuñcaṁ,
etam-pi chetvāna paribbajanti
anapekkhino kāmasukhaṁ pahāya.

SN 3.121 Bandhanasuttaṁ PTS 1.77
Ja 201. Bandhanāgārajātakaṁ PTS 2.139
(partial:) Thag Isidinnattheragāthā PTS 24
(quoted:) Netti PTS 35, 153
(quoted:) Peṭak PTS 25

Patna 144 [9.8] Tahna
Gāndhārī 170 [11.9] Suha
Udānavarga 2.6 Kāma

347. ye rāgarattānupatanti sotaṁ
sayaṁkataṁ makkaṭako va jālaṁ,
etam-pi chetvāna vajanti dhīrā,
anapekkhino sabbadukkhaṁ pahāya.

Ap Khemātherī-apadānaṁ PTS 2.549

~~Patna~~
Gāndhārī 171 [11.10] Suha
~~Udānavarga~~

348. muñca pure muñca pacchato,
majjhe muñca bhavassa pāragū,
sabbattha vimuttamānaso
na punaṁ jātijaraṁ upehisi.

no canonical parallel found

Patna 150 [9.14] Tahna
Gāndhārī 161 [10.?] Jara
Udānavarga 29.57 Yuga

349. vitakkapamathitassa jantuno
tibbarāgassa subhānupassino
bhiyyo taṇhā pavaḍḍhati,
esa kho daḷhaṁ karoti bandhanaṁ.

no canonical parallel found
(quoted:) Peṭak PTS 60

~~Patna~~
~~Gāndhārī~~
Udānavarga 3.1 Tṣṇā
Śarīrārthagāthā vs 17

350. vitakkupasame ca yo rato
asubhaṁ bhāvayatī sadā sato,
esa kho vyantikāhiti,
esacchecchati mārabandhanaṁ.

no canonical parallel found
(quoted:) Mil PTS 391

~~Patna~~
~~Gāndhārī~~
(partial:) Udānavarga 3.2 Tṣṇā

351. niṭṭhaṁ gato asantāsī, vītataṇho anaṅgaṇo,
acchindi bhavasallāni, antimoyaṁ samussayo.

no canonical parallel found

~~Patna~~
~~Gāndhārī~~
~~Udānavarga~~

352. vītataṇho anādāno, niruttipadakovido,
akkharānaṁ sannipātaṁ jaññā pubbaparāni ca,
sa ve antimasārīro mahāpañño (mahāpuriso) ti vuccati.

no canonical parallel found

Patna 147 [9.11] Tahna
~~Gāndhārī~~
~~Udānavarga~~

353. sabbābhibhū sabbavidūham-asmi,
sabbesu dhammesu anūpalitto,
sabbañjaho taṇhakkhaye vimutto,
sayaṁ abhiññāya kam-uddiseyyaṁ.

MN 26 Pāsarāsisuttaṁ PTS 1.171
MN 85 Bodhirājakumārasuttaṁ PTS 2.93
Vin Mv PTS 1.8
Kv PTS 289

~~Patna~~
~~Gāndhārī~~
Udānavarga 21.1 Tathāgata
Saṅghabhedavastu I 132
Mahāvastu iii. 118

354. sabbadānaṁ dhammadānaṁ jināti,
sabbaṁ rasaṁ dhammaraso jināti,
sabbaṁ ratiṁ dhammaratī jināti,
taṇhakkhayo sabbadukkhaṁ jināti.

no canonical parallel found

~~Patna~~
~~Gāndhārī~~
Udānavarga 26.31 Nirvāṇa

355. hananti bhogā dummedhaṁ, no ve pāragavesino,
bhogataṇhāya dummedho hanti aññe va attanaṁ.

no canonical parallel found

~~Patna~~
~~Gāndhārī~~
Udānavarga 2.16 Kāma

356. tiṇadosāni khettāni, rāgadosā ayaṁ pajā,
tasmā hi vītarāgesu, dinnaṁ hoti mahapphalaṁ.

no canonical parallel found

Patna 152 [9.16] Tahna
~~Gāndhārī~~
Udānavarga 16.16 Prakirṇaka

357. tiṇadosāni khettāni, dosadosā ayaṁ pajā,
tasmā hi vītadosesu, dinnaṁ hoti mahapphalaṁ.

no canonical parallel found

Patna 153 [9.17] Tahna
~~Gāndhārī~~
Udānavarga 16.17 Prakirṇaka

358. tiṇadosāni khettāni, mohadosā ayaṁ pajā,
tasmā hi vītamohesu, dinnaṁ hoti mahapphalaṁ.

no canonical parallel found

Patna 154 [9.18] Tahna
~~Gāndhārī~~
Udānavarga 16.18 Prakirṇaka

359. tiṇadosāni khettāni, icchādosā ayaṁ pajā,
tasmā hi vigaticchesu, dinnaṁ hoti mahapphalaṁ.

no canonical parallel found

Patna 154 [9.18] Tahna
~~Gāndhārī~~
Udānavarga 16.21 Prakirṇaka

Taṇhāvaggo catuvīsatimo.

25: Bhikkhuvaggo

360. cakkhunā saṁvaro sādhu, sādhu sotena saṁvaro,
ghāṇena saṁvaro sādhu, sādhu jivhāya saṁvaro.

no canonical parallel found

~~Patna~~
~~Gāndhārī~~
~~Udānavarga~~
Mahāvastu iii. pg 423 [Bhikṣu]
Prātimokṣasūtram (Mā) concl. vs 9

361. kāyena saṁvaro sādhu, sādhu vācāya saṁvaro,
manasā saṁvaro sādhu, sādhu sabbattha saṁvaro,
sabbattha saṁvuto bhikkhu sabbadukkhā pamuccati.

SN 3.116 Attarakkhitasuttaṁ PTS 1.73
(quoted:) Peṭak PTS 57
(quoted:) Mil Vatthaguyhanidassanapañho PTS 399
(partial quotation:) Mil Vatthaguyhanidassanapañho PTS 167

Patna 51 [4.2] Bhikṣu
Gāndhārī 52 [2.2] Bhikhu
Udānavarga 7.11 Sucarita
Mahāvastu iii. pg 423 [Bhikṣu]
Abhidharmakośabhāṣyam pg 208
Prātimokṣasūtram (Mā) concl. vs 9
Prātimokṣasūtram (Mā-L), concl. vs 11
Prātimokṣasūtram (Sū) concl. vs 8
Prātimokṣasūtram (Mūl) concl. vs 9

362. hatthasaṁyatŏ pādasaṁyato,
vācāya saṁyatŏ saṁyatuttamo,
ajjhattarato samāhito,
eko santusito tam-āhu bhikkhuṁ.

no canonical parallel found

Patna 52 [4.3] Bhikṣu
Gāndhārī 53 [2.3] Bhikhu
Udānavarga 32.7 Bhikṣu
(partial:) Mahāvastu iii. pg. 423 [Bhikṣu]

363. yo mukhasaṁyato bhikkhu, mantabhāṇī anuddhato,
atthaṁ dhammañ-ca dīpeti madhuraṁ tassa bhāsitaṁ.

no canonical parallel found
(partial:) Ja 269. Sujātajātakaṁ PTS 2.347

Patna 54 [4.5] Bhikṣu
Gāndhārī 54 [2.4] Bhikhu
Udānavarga 8.10 Vāca

364. dhammārāmo dhammarato, dhammaṁ anuvicintayaṁ,
dhammaṁ anussaraṁ bhikkhu, saddhammā na parihāyati.

Iti 86 Dhammānudhammapaṭipannasuttaṁ PTS 82
Thag Ānandattheragāthā PTS 92

Patna 226 [13.11] Śaraṇa
Gāndhārī 64 [2.14] Bhikhu
Udānavarga 32.8 Bhikṣu
Mahāvastu iii. pg 422 [Bhikṣu]

365. salābhaṁ nātimaññeyya, nāññesaṁ pihayaṁ care,
aññesaṁ pihayaṁ bhikkhu samādhiṁ nādhigacchati.

no canonical parallel found

Patna 55 [4.6] Bhikṣu
Gāndhārī 61 [2.11] Bhikhu
Udānavarga 13.8 Satkāra

366. appalābho pi ce bhikkhu salābhaṁ nātimaññati,
taṁ ve devā pasaṁsanti suddhājīviṁ atanditaṁ.

no canonical parallel found

Patna 56 [4.7] Bhikṣu
Gāndhārī 62 [2.12] Bhikhu
~~Udānavarga~~

367. sabbaso nāmarūpasmiṁ yassa natthi mamāyitaṁ,
asatā ca na socati, sa ve bhikkhū ti vuccati.

Sn 4.15 Attadaṇḍasuttaṁ PTS 184
(quoted:) MNidd PTS 2.435
(quoted:) CNidd comm. to 125

~~Patna~~
Gāndhārī 79 [2.29] Bhikhu
Udānavarga 32.17 Bhikṣu

368. mettāvihārī yo bhikkhu, pasanno buddhasāsane,
adhigacche padaṁ santaṁ, saṅkhārūpasamaṁ sukhaṁ.

Thag Cūḷavacchattheragāthā PTS 3

Patna 59 [4.10] Bhikṣu
Gāndhārī 70 [2.20] Bhikhu
Udānavarga 32.21 Bhikṣu
Mahāvastu iii. pg 421 [Bhikṣu]

369. siñca bhikkhu imaṁ nāvaṁ, sittā te lahum-essati,
chetvā rāgañ-ca dosañ-ca, tato nibbānam-ehisi.

no canonical parallel found

Patna 57 [4.8] Bhikṣu
Gāndhārī 76 [2.26] Bhikhu
Udānavarga 26.12 Nirvāṇa
Mahāvastu iii. pg 421 [Bhikṣu]

370. pañca chinde pañca jahe, pañca cuttaribhāvaye,
pañca saṅgātigo bhikkhu oghatiṇṇo ti vuccati.

SN 1.5 Katichindasuttaṁ PTS 1.3
Thag Kuṇḍadhānattheragāthā PTS 3
(quoted:) Netti PTS 170

~~Patna~~
Gāndhārī 78 [2.28] Bhikhu
~~Udānavarga~~

371. jhāya bhikkhu mā ca pāmado,
mā te kāmaguṇe bhamassu cittaṁ,
mā lohaguḷaṁ gilī pamatto,
mā kandi dukkham-idan-ti ḍayhamāno.

no canonical parallel found

Patna 33 [2.19] Apramāda
Gāndhārī 75 [2.25] Bhikhu
(partial:) Udānavarga 31.31 Citta

372. natthi jhānaṁ apaññassa, paññā natthi ajhāyato,
yamhi jhānañ-ca paññā ca sa ve nibbānasantike.

no canonical parallel found

Patna 62 [4.13] Bhikṣu
Gāndhārī 58 [2.8] Bhikhu
~~Udānavarga~~
Prātimokṣasūtram (Mā), concl. vs 7

373. suññāgāraṁ paviṭṭhassa, santacittassa bhikkhuno,
amānusī ratī hoti sammā dhammaṁ vipassato.

no canonical parallel found

Patna 60 [4.11] Bhikṣu
Gāndhārī 55 [2.5] Bhikhu
Udānavarga 32.9 Bhikṣu

374. yato yato sammasati khandhānaṁ udayabbayaṁ
labhatī pītipāmojjaṁ, amataṁ taṁ vijānataṁ.

no canonical parallel found

Patna 61 [4.12] Bhikṣu
Gāndhārī 56 [2.6] Bhikhu
Udānavarga 32.10 Bhikṣu

375. tatrāyam-ādi bhavati idha paññassa bhikkhuno:
indriyagutti santuṭṭhī pātimokkhe ca saṁvaro.

no canonical parallel found

Patna 63 [4.14] Bhikṣu
Gāndhārī 59 [2.9] Bhikhu
Udānavarga 32.26-27 Bhikṣu
Prātimokṣasūtram (Mā-L), concl. vs 8

376. mitte bhajassu kalyāṇe suddhājīve atandite,
paṭisanthāravuttassa, ācārakusalo siyā,
tato pāmojjabahulo dukkhassantaṁ karissati.

SN 9.231 Akusalavitakkasuttaṁ PTS 1.203

Patna 64 [4.15] Bhikṣu
(partial:) Gāndhārī 60 [2.10] Bhikhu
Udānavarga 32.6 Bhikṣu

377. vassikā viya pupphāni maddavāni pamuñcati,
evaṁ rāgañ-ca dosañ-ca vippamuñcetha bhikkhavo.

no canonical parallel found

Patna 133 [8.13] Puṣpa
Gāndhārī 298 [18.9] [Puṣpa]
Udānavarga 18.11 Puṣpa

378. santakāyo santavāco santavā susamāhito
vantalokāmiso bhikkhu upasanto ti vuccati.

no canonical parallel found

Patna 53 [4.4] Bhikṣu
~~Gāndhārī~~
Udānavarga 32.24 Bhikṣu

379. attanā codayattānaṁ, paṭimāsettam-attanā,
so attagutto satimā sukhaṁ bhikkhu vihāhisi.

no canonical parallel found

Patna 324 [17.19] Ātta
~~Gāndhārī~~
~~Udānavarga~~

380. attā hi attano nātho, attā hi attano gati,
tasmā saṁyamayattānaṁ assaṁ bhadraṁ va vāṇijo.

no canonical parallel found

Patna 322 [17.17] Ātta
~~Gāndhārī~~
Udānavarga 19.14 Aśva

381. pāmojjabahulo bhikkhu, pasanno buddhasāsane,
adhigacche padaṁ santaṁ, saṅkhārūpasamaṁ sukhaṁ.

Thag Cūḷavacchattheragāthā PTS 3

~~Patna~~
~~Gāndhārī~~
~~Udānavarga~~

382. yo have daharo bhikkhu yuñjati buddhasāsane,
sŏ imaṁ lokaṁ pabhāseti abbhā mutto va candimā.

MN 86 Aṅgulimālasuttaṁ PTS 2.104
Thag Aṅgulimālattheragāthā PTS 81
(partial:) Thag Dhammapālattheragāthā PTS 26

~~Patna~~
~~Gāndhārī~~
Udānavarga 16.7 Prakirṇaka

Bhikkhuvaggo pañcavīsatimo.

26: Brāhmaṇavaggo

383. chinda sotaṁ parakkamma, kāme panuda brāhmaṇa,
saṅkhārānaṁ khayaṁ ñatvā, akataññūsi brāhmaṇa.

SN 2.89 Tāyanasuttaṁ PTS 1.49

Patna 34 [3.1] Brāhmaṇa
Gāndhārī 10 [1.10] Brammaṇa
Udānavarga 33.60a Brāhmaṇa

384. yadā dvayesu dhammesu pāragū hoti brāhmaṇo,
athassa sabbe saṁyogā atthaṁ gacchanti jānato.

no canonical parallel found

Patna 41 [3.8] Brāhmaṇa
Gāndhārī 14 [1.14] Brammaṇa
Udānavarga 33.72 Brāhmaṇa

385. yassa pāraṁ apāraṁ vā pārāpāraṁ na vijjati,
vītaddaraṁ visaṁyuttaṁ, tam-ahaṁ brūmi brāhmaṇaṁ.

no canonical parallel found

Patna 40 [3.7] Brāhmaṇa
Gāndhārī 35 [1.35] Brammaṇa
Udānavarga 33.24 Brāhmaṇa

386. jhāyiṁ virajam-āsīnaṁ katakiccaṁ anāsavaṁ
uttamatthaṁ anuppattaṁ, tam-ahaṁ brūmi brāhmaṇaṁ.

no canonical parallel found
(partial:) MN 98 Vāseṭṭhasuttaṁ (PTS MN refers to Sn for text)
(partial:) Sn 3.9 Vāseṭṭhasuttaṁ PTS 120
(partial:) Sn 513. Udayamāṇavapucchā PTS 214
(partial quotation:) CNidd comm. to 513

Patna 49 [3.16] Brāhmaṇa
Gāndhārī 48 [1.48] Brammaṇa
Gāndhārī 25 [1.25] Brammaṇa
Udānavarga 33.32 Brāhmaṇa

387. divā tapati ādicco, rattiṁ ābhāti candimā,
sannaddho khattiyo tapati, jhāyī tapati brāhmaṇo,
atha sabbam-ahorattiṁ buddho tapati tejasā.

SN 10.245 Mahākappinasuttaṁ PTS 2.284
(partial:) SN 1.26 Pajjotasuttaṁ PTS 1.15
(partial:) SN 2.85 Māgadhasuttaṁ PTS 1.47

Patna 39 [3.6] Brāhmaṇa
Gāndhārī 50 [1.50] Brammaṇa
Udānavarga 33.74 Brāhmaṇa

388. bāhitapāpo ti brāhmaṇo,
samacariyā samaṇo ti vuccati,
pabbājayam-attano malaṁ,
tasmā pabbajito ti vuccati.

no canonical parallel found

~~Patna~~
Gāndhārī 16 [1.16] Brammaṇa
Udānavarga 11.15 Śramaṇa

389. na brāhmaṇassa pahareyya, nāssa muñcetha brāhmaṇo,
dhī brāhmaṇassa hantāraṁ, tato dhī yassa muñcati.

no canonical parallel found

Patna 46 [3.13] Brāhmaṇa
Gāndhārī 11 [1.11] Brammaṇa
Udānavarga 33.63 Brāhmaṇa
Abhisamācārikadharma II pg 20

390. na brāhmaṇassetad-akiñci seyyo,
yadā nisedho manaso piyehi,
yato yato hiṁsamano nivattati,
tato tato sammati-m-eva dukkhaṁ.

no canonical parallel found

~~Patna~~
Gāndhārī 15 [1.15] Brammaṇa
Udānavarga 33.75 Brāhmaṇa

391. yassa kāyena vācāya, manasā natthi dukkataṁ,
saṁvutaṁ tīhi ṭhānehi, tam-ahaṁ brūmi brāhmaṇaṁ.

(partial:) Iti 97 Kalyāṇasīlasuttaṁ PTS 97
(partial:) Ja 348. Araññajātakaṁ PTS 3.147
(partial:) Ja 435. Haliddirāgajātakaṁ PTS 3.524
(quoted:) Netti PTS 183

Patna 45 [3.12] Brāhmaṇa
Gāndhārī 23 [1.23] Brammaṇa
Udānavarga 33.16 Brāhmaṇa

392. yamhā dhammaṁ vijāneyya sammāsambuddhadesitaṁ,
sakkaccaṁ taṁ namasseyya aggihuttaṁ va brāhmaṇo.

no canonical parallel found

Patna 35 [3.2] Brāhmaṇa
~~Gāndhārī~~
Udānavarga 33.66 Brāhmaṇa

393. na jaṭāhi na gottena, na jaccā hoti brāhmaṇo,
yamhi saccañ-ca dhammo ca so sucī so va brāhmaṇo.

no canonical parallel found
(partial:) Ud 1.9 Jaṭilasuttaṁ PTS 6
(partial quotation:) Netti PTS 151

(partial:) Patna 37 [3.4] Brāhmaṇa
(partial:) Gāndhārī 1 [1.1] Brammaṇa
Udānavarga 33.7 Brāhmaṇa

394. kiṁ te jaṭāhi dummedha kiṁ te ajinasāṭiyā,
abbhantaraṁ te gahanaṁ bāhiraṁ parimajjasi.

Ja 138. Godhajātakaṁ PTS 1.480
Ja 325. Godharājajātakaṁ PTS 3.84

~~Patna~~
Gāndhārī 2 [1.2] Brammaṇa
Udānavarga 33.6 Brāhmaṇa

395. paṁsukūladharaṁ jantuṁ, kisaṁ dhamanisanthataṁ,
ekaṁ vanasmiṁ jhāyantaṁ, tam-ahaṁ brūmi brāhmaṇaṁ.

no canonical parallel found

~~Patna~~
Gāndhārī 38 [1.38] Brammaṇa
~~Udānavarga~~

396. na cāhaṁ brāhmaṇaṁ brūmi yonijaṁ mattisambhavaṁ,
bhovādī nāma so hoti sace hoti sakiñcano,
akiñcanaṁ anādānaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 119

~~Patna~~
Gāndhārī 17 [1.17] Brammaṇa
Udānavarga 33.15 Brāhmaṇa

397. sabbasaṁyojanaṁ chetvā yo ve na paritassati,
saṅgātigaṁ visaṁyuttaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 119

~~Patna~~
~~Gāndhārī~~
Udānavarga 33.49 Brāhmaṇa

398. chetvā naddhiṁ varattañ-ca, sandāmaṁ sahanukkamaṁ,
ukkhittapalighaṁ buddhaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 42 [1.42] Brammaṇa
Udānavarga 33.58a Brāhmaṇa

399. akkosaṁ vadhabandhañ-ca, aduṭṭho yo titikkhati,
khantībalaṁ balānīkaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 28 [1.28] Brammaṇa
Udānavarga 33.18 Brāhmaṇa

400. akkodhanaṁ vatavantaṁ, sīlavantaṁ anussutaṁ,
dantaṁ antimasārīraṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
~~Gāndhārī~~
Udānavarga 33.19 Brāhmaṇa

401. vāri pokkharapatte va, āragge-r-iva sāsapo,
yo na lippati kāmesu, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

Patna 38 [3.5] Brāhmaṇa
Gāndhārī 21 [1.21] Brammaṇa
Udānavarga 33.30 Brāhmaṇa
Bhikṣuṇī Vinaya pg 148

402. yo dukkhassa pajānāti idheva khayam-attano,
pannabhāraṁ visaṁyuttaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 30 [1.30] Brammaṇa
Udānavarga 33.27 Brāhmaṇa

403. gambhīrapaññaṁ medhāviṁ, maggāmaggassa kovidaṁ,
uttamatthaṁ anuppattaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

Patna 48 [3.15] Brāhmaṇa
Gāndhārī 49 [1.49] Brammaṇa
Gāndhārī 25 [1.25] Brammaṇaga
Udānavarga 33.33 Brāhmaṇa

404. asaṁsaṭṭhaṁ gahaṭṭhehi, anāgārehi cūbhayaṁ,
anokasāriṁ appicchaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120
(quoted:) Mil PTS 386

Patna 44 [3.11] Brāhmaṇa
Gāndhārī 32 [1.32] Brammaṇa
Udānavarga 33.20 Brāhmaṇa

405. nidhāya daṇḍaṁ bhūtesu tasesu thāvaresu ca,
yo na hanti na ghāteti, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 18 [1.18] Brammaṇa
Udānavarga 33.36 Brāhmaṇa

406. aviruddhaṁ viruddhesu, attadaṇḍesu nibbutaṁ,
sādānesu anādānaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 29 [1.29] Brammaṇa
~~Udānavarga~~

407. yassa rāgo ca doso ca māno makkho ca pātito,
sāsapo-r-iva āraggā, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 27 [1.27] Brammaṇa
Udānavarga 33.40 Brāhmaṇa

408. akakkasaṁ viññapaniṁ giraṁ saccaṁ udīraye,
yāya nābhisaje kañci, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

Patna 43 [3.10] Brāhmaṇa
Gāndhārī 22 [1.22] Brammaṇa
Udānavarga 33.17 Brāhmaṇa

409. yodha dīghaṁ va rassaṁ vā aṇuṁ-thūlaṁ subhāsubhaṁ
loke adinnaṁ nādiyati, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
Gāndhārī 19 [1.19] Brammaṇa
Udānavarga 33.25 Brāhmaṇa

410. āsā yassa na vijjanti asmiṁ loke paramhi ca,
nirāsayaṁ visaṁyuttaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
~~Gāndhārī~~
Udānavarga 33.43 Brāhmaṇa

411. yassālayā na vijjanti, aññāya akathaṅkathī,
amatogadhaṁ anuppattaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
~~Gāndhārī~~
Udānavarga 33.54 Brāhmaṇa

412. yodha puññañ-ca pāpañ-ca ubho saṅgaṁ upaccagā,
asokaṁ virajaṁ suddhaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
Gāndhārī 46 [1.46] Brammaṇa
Udānavarga 33.29 Brāhmaṇa
Udānavarga 33.22 Brāhmaṇa

413. candaṁ va vimalaṁ suddhaṁ, vippasannam-anāvilaṁ
nandībhavaparikkhīṇaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
(partial:) Gāndhārī 36 [1.36] Brammaṇa
Udānavarga 33.31C Brāhmaṇa

414. yo imaṁ palipathaṁ duggaṁ saṁsāraṁ moham-accagā,
tiṇṇo pāragato jhāyī anejo akathaṅkathī,
anupādāya nibbuto, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
~~Gāndhārī~~
Udānavarga 33.41 Brāhmaṇa

415. yodha kāme pahatvāna anāgāro paribbaje
kāmabhavaparikkhīṇaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
Gāndhārī 20 [1.20] Brammaṇa
Udānavarga 33.35 Brāhmaṇa

416. yodha taṇhaṁ pahatvāna, anāgāro paribbaje,
taṇhābhavaparikkhīṇaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
~~Gāndhārī~~
(partial:) Udānavarga 33.42 Brāhmaṇa

417. hitvā mānusakaṁ yogaṁ, dibbaṁ yogaṁ upaccagā,
sabbayogavisaṁyuttaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
~~Gāndhārī~~
Udānavarga 33.45 Brāhmaṇa

418. hitvā ratiñ-ca aratiñ-ca, sītibhūtaṁ nirūpadhiṁ,
sabbalokābhibhuṁ vīraṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 121

~~Patna~~
~~Gāndhārī~~
Udānavarga 33.44 Brāhmaṇa

419. cutiṁ yo vedi sattānaṁ upapattiñ-ca sabbaso,
asattaṁ sugataṁ buddhaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 122

~~Patna~~
Gāndhārī 44 [1.44] Brammaṇa
Udānavarga 33.48 Brāhmaṇa

420. yassa gatiṁ na jānanti, devā gandhabbamānusā,
khīṇāsavaṁ arahantaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 43 [1.43] Brammaṇa
Gāndhārī 26 [1.26] Brammaṇa
Udānavarga 33.46 Brāhmaṇa

421. yassa pure ca pacchā ca majjhe ca natthi kiñcanaṁ,
akiñcanaṁ anādānaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 34 [1.34] Brammaṇa
Udānavarga 33.29A Brāhmaṇa

422. usabhaṁ pavaraṁ vīraṁ, mahesiṁ vijitāvinaṁ,
anejaṁ nhātakaṁ buddhaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120

~~Patna~~
Gāndhārī 41 [1.41] Brammaṇa
Udānavarga 33.50 Brāhmaṇa

423. pubbenivāsaṁ yo vedī, saggāpāyañ-ca passati,
atho jātikkhayaṁ patto, abhiññāvosito muni,
sabbavositavosānaṁ, tam-ahaṁ brūmi brāhmaṇaṁ.

MN 98 Vāseṭṭhasuttaṁ (PTS MN refers to Sn for text)
Sn 3.9 Vāseṭṭhasuttaṁ PTS 120
(partial) MN 91 Vāseṭṭhasuttaṁ PTS 2.144
(partial) AN 3.58 Tikaṇṇasuttaṁ PTS 1.165
(partial) Iti 99 Tevijjasuttaṃ PTS 100

~~Patna~~
(partial:) Gāndhārī 5 [1.5] Brammaṇa
Udānavarga 33.47 Brāhmaṇa

Brāhmaṇavaggo chabbīsatimo.