Mucalindavaggo dutiyo

2-6: Gabhinīsuttaṁ (16)

evaṁ me sutaṁ:
ekaṁ samayaṁ bhagavā sāvatthiyaṁ viharati, jetavane anāthapiṇḍikassa ārāme. tena kho pana samayena aññatarassa paribbājakassa daharā māṇavikā pajāpatī hoti gabbhinī upavijaññā.

atha kho sā paribbājikā taṁ paribbājakaṁ etad-avoca: “gaccha tvaṁ brāhmaṇa telaṁ āhāra, yaṁ me vijātāya bhavissatī” ti. evaṁ vutte, so paribbājako taṁ paribbājikaṁ etad-avoca: “kuto panāhaṁ bhoti telaṁ āharāmī?” ti. dutiyam-pi kho sā paribbājikā taṁ paribbājikaṁ etad-avoca: “gaccha tvaṁ brāhmaṇa telaṁ āhara, yaṁ me vijātāya bhavissatī” ti. dutiyam-pi kho so paribbājako taṁ paribbājikaṁ etad-avoca: “kuto panāhaṁ hoti telaṁ āharāmī?” ti. tatiyam-pi kho sā paribbājikā taṁ paribbājakaṁ etad-avoca: “gaccha tvaṁ brāhmaṇa telaṁ āhara, yaṁ me vijātāya bhavissatī” ti.

[BJT Page 156]

2. tena kho pana samayena rañño pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvad-atthaṁ pātuṁ diyyati no nīharituṁ. atha kho tassa paribbājakassa etad-ahosi: “rañño kho pana BJT note: rañño kho - ChS. pasenadissa kosalassa koṭṭhāgāre samaṇassa vā brāhmaṇassa vā sappissa vā telassa vā yāvad-atthaṁ pātuṁ diyyati no nīharituṁ. yannūnāhaṁ rañño pasenadissa kosalassa koṭṭhāgāraṁ gantvā, telassa yāvad-atthaṁ pivitvā, gharaṁ āgantvā, uggiritvāna BJT note: ucchāditvā - commentary. ucchaḍḍhitvāna - ChS. dadeyyaṁ, yaṁ imissā vijātāya bhavissatī” ti. atha kho so paribbājako rañño pasenadissa kosalassa koṭṭhāgāraṁ gantvā, telassa yāvad-atthaṁ pivitvā, gharaṁ āgantvā, neva sakkoti uddhaṁ kātuṁ na pana adho, so dukkhāhi tibbāhi kharāhi kaṭukāhi vedanāhi phuṭṭho āvaṭṭati parivaṭṭati.

atha kho bhagavā pubbanhasamayaṁ nivāsetvā, pattacīvaram-ādāya, sāvatthiṁ piṇḍāya pāvisi. addasā kho bhagavā taṁ paribbājakaṁ dukkhāhi tibbāhi kharāhi kaṭukāhi vedanāhi phuṭṭhaṁ, āvaṭṭamānaṁ parivaṭṭamānaṁ.

atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

last updated: March 2006