Nandavaggo tatiyo

3-10: Lokavolokanasuttaṁ (30)

1. evaṁ me sutaṁ:
ekaṁ samayaṁ bhagavā uruvelāyaṁ viharati, najjā nerañjarāya tīre Editor’s note: BJT, tire - printer’s error. bodhirukkhamūle paṭhamābhisambuddho. tena kho pana samayena bhagavā sattāhaṁ ekapallaṅkena nisinno hoti vimuttisukhapaṭisaṁvedī.

2. atha kho bhagavā tassa sattāhassa accayena, tamhā samādhimhā vuṭṭhahitvā buddhacakkhunā lokaṁ volokesi. addasā kho bhagavā buddhacakkhunā lokaṁ volokento satte anekehi santāpehi santappamāne, anekehi ca pariḷāhehi pariḍayhamāne, rāgajehi pi dosajehi pi mohajehi pī BJT: pi - printer’s error. ti.

3. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi: BJT lays out the following udāna as though it were all in verse. However as it appears that most of it is prose, the material as presented here has been re-arranged accordingly (some of the material in this Udāna I owe to suggestions made to me by Prof. K. R. Norman, in private correspondence).

“ayaṁ loko santāpajāto phassapareto

−−⏑⏑¦⏑−⏑− Anuṭṭhubha
rogaṁ vadati attato, Metre: abc are in Anuṭṭhubha metre (or in Siloka with an Anuṭṭhubha variation). They appear to be the 2nd, 3rd, and 4th lines of a verse, which gives rise to a strong expectation that the opening line of the Udāna should be in the same metre, but as it stands it is not possible to make the line scan.

−⏑−⏑⏑−⏑−
yena yena hi maññati

⏑−−−¦⏑−⏑−
tato taṁ hoti aññathā.

aññathābhāvi bhavasatto loko bhavapareto,

⏑⏑−−¦⏑−⏑− Anuṭṭhubha Metre: Again we have what seem to be 3 lines in Anuṭṭhubha metre, though the lines that precede and follow cannot be made to scan as they stand. In the last of these lines we need to read dukhaṁ for the line to scan correctly.

⏑⏑⏑−⏑¦⏑−⏑−¦¦−⏑−⏑¦⏑−−−
yad-abhinandati taṁ bhayaṁ, ~ yassa bhāyati taṁ dukkhaṁ.

bhavavippahānāya kho panidaṁ brahmacariyaṁ vussati.

[BJT Page 194]

ye hi keci samaṇā vā brāhmaṇā vā bhavena bhavassa vippamokkham-āhaṁsu, sabbe te avippamuttā bhavasmā ti vadāmi. ye vā pana keci samaṇā vā brāhmaṇā vā vibhavena bhavassa nissaraṇam-āhaṁsu, sabbe te anissaṭā bhavasmā ti vadāmi.

upadhiṁ BJT note: upadhīhi - palm leaf book. paṭicca dukkham-idaṁ sambhoti, sabbūpādānakkhayā natthi dukkhassa sambhavo. lokam-imaṁ passa puthū avijjāya paretā bhūtā bhūtaratā bhavā aparimuttā. ye hi keci bhavā sabbadhi sabbattatāya, BJT note: sabbatthatāya - palm leaf book. sabbe te bhavā aniccā dukkhā vipariṇāmadhammā.

−⏑−−¦⏑−−−¦¦−−−−¦⏑−⏑−
evam-etaṁ yathābhūtaṁ ~ sammappaññāya passato,

⏑⏑−−¦⏑−⏑− Anuṭṭhubha
bhavataṇhā pahīyati

⏑⏑−−¦⏑−⏑−
vibhavaṁ nābhinandati.

sabbaso taṇhānaṁ khayā asesavirāganirodho nibbānaṁ. tassa nibbutassa bhikkhuno,

⏑⏑−−−¦⏑−⏑¦−⏑−− Tuṭṭhubha
anupādānā punabbhavo na hoti.

⏑⏑−−−¦−⏑⏑¦⏑−−−
abhibhūto māro vijitasaṅgāmo,

⏑−⏑−¦−⏑⏑¦−⏑−− 
upaccagā sabbabhavāni tādī” ti. Editor’s note: the end of this Udāna, from anupādānā... onwards seems to scan as Tuṭṭhubha, but the 2nd line is not correct. Prof. Norman suggests adopting the reading vijito saṅgāmo, which would improve the metre.

Nandavaggo tatiyo

tassuddānaṁ:

Kammaṁ Nando Yasojo ca ~ Sāriputto ca Kolito,
Pilindikassapo Piṇḍo ~ Sippaṁ Lokena te dasā ti.

 

last updated: March 2006