Jaccandhavaggo chaṭṭho.

6-5: Dutiyanānātitthiyasuttaṁ (55)

1. evaṁ me sutaṁ: ekaṁ samayaṁ bhagavā sāvatthiyaṁ viharati, jetavane anāthapiṇḍikassa ārāme. tena kho pana samayena sambahulā nānātitthiyā samaṇabrāhmaṇaparibbājakā BJT note: samaṇabrāhmanā (paribbājakā) - palm leaf book; here and in similar places below. sāvatthiyaṁ paṭivasanti, nānādiṭṭhikā nānākhantikā nānārucikā nānādiṭṭhinissayanissitā.

santeke samaṇabrāhmaṇā evaṁvādino evaṁdiṭṭhino: “sassato attā ca loko ca - idam-eva saccaṁ mogham-aññan”-ti. (1)
santi paneke samaṇabrāhmaṇā evaṁvādino evaṁdiṭṭhino: “asassato attā ca loko ca - idam-eva saccaṁ mogham-aññan”-ti. (2)

santeke samaṇabrāhmaṇā evaṁvādino evaṁdiṭṭhino: “sassato asassato BJT note: sassato ca asasasato ca - ChS. attā ca loko ca - idam-eva saccaṁ mogham-aññan”-ti. (3)
santi paneke samaṇabrāhmaṇā evaṁvādino evaṁdiṭṭhino: “neva sassato nāsassato attā ca loko ca - idam-eva saccaṁ mogham-aññan”-ti. (4)

santeke samaṇabrāhmaṇā evaṁvādino evaṁdiṭṭhino: “sayaṁkato attā ca loko ca - idam-eva saccaṁ mogham-aññan”-ti. (5)
santi paneke samaṇabrāhmaṇā evaṁvādino evaṁdiṭṭhino: “paraṁkato attā ca loko ca - idam-eva saccaṁ mogham-aññan”-ti. (6)

santeke samaṇabrāhmaṇā evaṁvādino evaṁdiṭṭhino: “sayaṁkato paraṁkato BJT note: sayaṁkato ca paraṁkato ca - everywhere else; also in the repetitions below. attā ca loko ca - idam-eva saccaṁ mogham-aññan”-ti. (7)
santi paneke samaṇabrāhmaṇā evaṁvādino evaṁdiṭṭhino: “asayaṁkāro aparaṁkāro BJT note: asayaṁkāro ca aparaṁkāro ca - everywhere else; also in the repetitions below. adhiccasamuppanno attā ca loko ca - idam-eva saccaṁ mogham-aññan”-ti. (8)

santeke samaṇabrāhmaṇā evaṁvādino evaṁdiṭṭhino: “sassataṁ sukhadukkhaṁ attā ca loko ca - idam-eva saccaṁ mogham-aññan”-ti. (9)
santi paneke samaṇabrāhmaṇā evaṁvādino evaṁdiṭṭhino: “asassataṁ sukhadukkhaṁ attā ca loko ca - idam-eva saccaṁ mogham-aññan”-ti. (10)

santeke samaṇabrāhmaṇā evaṁvādino evaṁdiṭṭhino: “sassataṁ asassataṁ BJT note: sassatañ-ca asassatañ-ca - everywhere else; also in the repetitions below. sukhadukkhaṁ attā ca loko ca - idam-eva saccaṁ mogham-aññan”-ti. (11)
santi paneke samaṇabrāhmaṇā evaṁvādino evaṁdiṭṭhino: “neva sassataṁ nāsassataṁ sukhadukkhaṁ attā ca loko ca - idam-eva saccaṁ mogham-aññan”-ti. (12)

[BJT Page 266]

santeke samaṇabrāhmaṇā evaṁvādino evaṁdiṭṭhino: “sayaṁkataṁ sukhadukkhaṁ attā ca loko ca - idam-eva saccaṁ mogham-aññan”-ti. (13)
santi paneke samaṇabrāhmaṇā evaṁvādino evaṁdiṭṭhino: “paraṁkataṁ sukhadukkhaṁ attā ca loko ca - idam-eva saccaṁ mogham-aññan”-ti. (14)

santeke samaṇabrāhmaṇā evaṁvādino evaṁdiṭṭhino: “sayaṁkataṁ paraṁkataṁ BJT note: sayaṁkatañ-ca paraṁkatañ-ca - everywhere else; also in the repetitions below. sukhadukkhaṁ attā ca loko ca - idam-eva saccaṁ mogham-aññan”-ti. (15)
santi paneke samaṇabrāhmaṇā evaṁvādino evaṁdiṭṭhino: “asayaṁkāraṁ aparaṁkāraṁ adhiccasamuppannaṁ sukhadukkhaṁ attā ca loko ca - idam-eva saccaṁ mogham-aññan”-ti. (16)

te bhaṇḍanajātā kalahajātā vivādāpannā aññam-aññaṁ mukhasattīhi vitudantā viharanti: “ediso dhammo nediso dhammo; nediso dhammo ediso dhammo” ti.

2. atha kho sambahulā bhikkhū pubbanhasamayaṁ nivāsetvā, pattacīvaram-ādāya, sāvatthiṁ piṇḍāya pavisiṁsu. sāvatthiyaṁ piṇḍāya caritvā, pacchābhattaṁ piṇḍapātapaṭikkantā, yena bhagavā tenupasaṅkamiṁsu, upasaṅkamitvā bhagavantaṁ abhivādetvā, ekamantaṁ nisīdiṁsu. ekamantaṁ nisinnā kho te bhikkhū bhagavantaṁ etad-avocuṁ:

“idha bhante sambahulā nānātitthiyā samaṇabrāhmaṇaparibbājakā sāvatthiyaṁ paṭivasanti, nānādiṭṭhikā nānākhantikā nānārucikā nānādiṭṭhinissayanissitā:

santeke samaṇabrāhmaṇā evaṁvādino evaṁdiṭṭhino: ‘sassato attā ca loko ca - idam-eva saccaṁ mogham-aññan’-ti. (1)
santi paneke samaṇabrāhmaṇā evaṁvādino evaṁdiṭṭhino: ‘asassato attā ca loko ca - idam-eva saccaṁ mogham-aññan’-ti. (2)

santeke samaṇabrāhmaṇā evaṁvādino evaṁdiṭṭhino: ‘sassato asassato attā ca loko ca - idam-eva saccaṁ mogham-aññan’-ti. (3)
santi paneke samaṇabrāhmaṇā evaṁvādino evaṁdiṭṭhino: ‘neva sassato nāsassato attā ca loko ca - idam-eva saccaṁ mogham-aññan’-ti. (4)

santeke samaṇabrāhmaṇā evaṁvādino evaṁdiṭṭhino: ‘sayaṁkato attā ca loko ca - idam-eva saccaṁ mogham-aññan’-ti. (5)
santi paneke samaṇabrāhmaṇā evaṁvādino evaṁdiṭṭhino: ‘paraṁkato attā ca loko ca - idam-eva saccaṁ mogham-aññan’-ti. (6)

santeke samaṇabrāhmaṇā evaṁvādino evaṁdiṭṭhino: ‘sayaṁkato paraṁkato attā ca loko ca - idam-eva saccaṁ mogham-aññan’-ti. (7)
santi paneke samaṇabrāhmaṇā evaṁvādino evaṁdiṭṭhino: ‘asayaṁkāro aparaṁkāro adhiccasamuppanno attā ca loko ca - idam-eva saccaṁ mogham-aññan’-ti. (8)

santeke samaṇabrāhmaṇā evaṁvādino evaṁdiṭṭhino: ‘sassataṁ sukhadukkhaṁ attā ca loko ca - idam-eva saccaṁ mogham-aññan’-ti. (9)
santi paneke samaṇabrāhmaṇā evaṁvādino evaṁdiṭṭhino: ‘asassataṁ sukhadukkhaṁ attā ca loko ca - idam-eva saccaṁ mogham-aññan’-ti. (10)

santeke samaṇabrāhmaṇā evaṁvādino evaṁdiṭṭhino: ‘sassataṁ asassataṁ sukhadukkhaṁ attā ca loko ca - idam-eva saccaṁ mogham-aññan’-ti. (11)
santi paneke samaṇabrāhmaṇā evaṁvādino evaṁdiṭṭhino: ‘neva sassataṁ nāsassataṁ sukhadukkhaṁ attā ca loko ca - idam-eva saccaṁ mogham-aññan’-ti. (12)

santeke samaṇabrāhmaṇā evaṁvādino evaṁdiṭṭhino: ‘sayaṁkataṁ sukhadukkhaṁ attā ca loko ca - idam-eva saccaṁ mogham-aññan’-ti. (13)
santi paneke samaṇabrāhmaṇā evaṁvādino evaṁdiṭṭhino: ‘paraṁkataṁ sukhadukkhaṁ attā ca loko ca - idam-eva saccaṁ mogham-aññan’-ti. (14)

santeke samaṇabrāhmaṇā evaṁvādino evaṁdiṭṭhino: ‘sayaṁkataṁ paraṁkataṁ sukhadukkhaṁ attā ca loko ca - idam-eva saccaṁ mogham-aññan’-ti. (15)
santi paneke samaṇabrāhmaṇā evaṁvādino evaṁdiṭṭhino: ‘asayaṁkāraṁ aparaṁkāraṁ adhiccasamuppannaṁ sukhadukkhaṁ attā ca loko ca - idam-eva saccaṁ mogham-aññan’-ti. (16)

te bhaṇḍanajātā kalahajātā vivādāpannā aññam-aññaṁ mukhasattīhi vitudantā viharanti: ‘ediso dhammo nediso dhammo; nediso dhammo ediso dhammo’ ” ti.

3. “aññatitthiyā bhikkhave paribbājakā andhā acakkhukā atthaṁ na jānanti, BJT note: te atthaṁ na jānanti - ChS, also below. anatthaṁ na jānanti, dhammaṁ na jānanti, adhammaṁ na jānanti. te atthaṁ ajānantā, anatthaṁ ajānantā, dhammaṁ ajānantā, adhammaṁ ajānantā, bhaṇḍanajātā kalahajātā vivādāpannā aññam-aññaṁ mukhasattīhi vitudantā viharanti: ‘ediso dhammo nediso dhammo; nediso dhammo ediso dhammo’ ” ti.

4. atha kho bhagavā etam-atthaṁ viditvā, tāyaṁ velāyaṁ imaṁ udānaṁ udānesi:

⏑−⏑⏑¦⏑−−−¦¦−−⏑⏑¦⏑−⏑−
“imesu kira sajjanti, eke samaṇabrāhmaṇā,

−⏑−⏑¦⏑−−−¦¦−−−⏑¦⏑−⏑−
antarā va visīdanti, appatvā va tamogadhan”-ti. Editor’s note: BJT reads apatvāva tamoghadhaṁ” ti; which is corrected in the Śuddhi Patraya to read appatvā 'va matogadhaṁ; which must be a mistake. The correct reading can be found in the commentary, and is as given in the text here.

last updated: March 2006