Itivuttakapāḷi
1. 2. 3. Makkhapariññāsuttaṁ (13)
[BJT Page 330]
vuttaṁ hetaṁ bhagavatā, vuttam-arahatā ti me sutaṁ:
“makkhaṁ bhikkhave anabhijānaṁ aparijānaṁ tattha cittaṁ avirājayaṁ appajahaṁ abhabbo dukkhakkhayāya. makkhañ-ca kho bhikkhave abhijānaṁ parijānaṁ tattha cittaṁ virājayaṁ pajahaṁ bhabbo dukkhakkhayāyā” ti.
etam-atthaṁ bhagavā avoca, tatthetaṁ iti vuccati:
“yena makkhena makkhāse BJT Note:
taṁ makkhaṁ sammad-aññāya pajahanti vipassino,
pahāya na punāyanti imaṁ lokaṁ kudācanan”-ti. [1]
ayam-pi attho vutto bhagavatā, iti me sutan-ti.