Itivuttakapāḷi

1. 1. 4. Avijjanīvaraṇasuttaṁ (14)

vuttaṁ hetaṁ bhagavatā, vuttam-arahatā ti me sutaṁ:

“nāhaṁ bhikkhave aññaṁ ekanīvaraṇam-pi samanupassāmi yena nīvaraṇena nivutā pajā dīgharattaṁ sandhāvanti saṁsaranti yatha-y-idaṁ bhikkhave avijjānīvaraṇaṁ. avijjānīvaraṇena hi bhikkhave nivutā pajā dīgharattaṁ sandhāvanti saṁsarantī” ti.

etam-atthaṁ bhagavā avoca, tatthetaṁ iti vuccati:

−−−−¦⏑−−−¦¦−−−⏑¦⏑−⏑− pathyā x 3
“natthañño ekadhammo pi BJT Note: ekadhammo ca - Palm leaf book, Printed book. yenevaṁ BJT Note: yeneva - Palm leaf book, Printed book. nivutā pajā,

−⏑−⏑¦⏑−−−¦¦⏑−−−¦⏑−⏑−
saṁsaranti ahorattaṁ yathā mohena āvutā. [1]

−⏑−−¦⏑−−−¦¦⏑−−−¦⏑−⏑−
ye ca mohaṁ pahatvāna BJT Note: pahanatvāna - Palm leaf book, Printed book; ChS. tamokkhandhaṁ padāḷayuṁ,

⏑−⏑⏑¦−⏑−−¦¦−⏑−−¦⏑−⏑− ravipulā
na te puna saṁsaranti hetu tesaṁ na vijjatī” ti. [2]

ayam-pi attho vutto bhagavatā, iti me sutan-ti.

 

last updated: August 2007