Itivuttakapāḷi

1. 2. 6. Paṭhamasekhasuttaṁ (16)

vuttaṁ hetaṁ bhagavatā, vuttam-arahatā ti me sutaṁ:

“sekhassa bhikkhave bhikkhuno appattamānassa Editor’s note: BJT prints appattamānasassa, by mistake. anuttaraṁ yogakkhemaṁ patthayamānassa viharato bāhiraṁ aṅgan-ti karitvā na aññaṁ ekaṅgam-pi samanupassāmi evaṁ bahūpakāraṁ yatha-y-idaṁ bhikkhave yoniso manasikāro. yoniso bhikkhave bhikkhu manasikaronto akusalaṁ pajahati kusalaṁ bhāvetī” ti.

etam-atthaṁ bhagavā avoca, tatthetaṁ iti vuccati:

−⏑−⏑¦⏑⏑−−¦¦−−−−¦⏑−⏑− savipulā
“yoniso manasikāro dhammo sekhassa bhikkhuno,

−−−−−¦⏑⏑−−¦¦−⏑−−¦⏑−⏑− savipulā
natthañño evaṁ bahukāro uttamatthassa pattiyā,

−⏑−⏑¦⏑−−−¦¦⏑−−−¦⏑−⏑−
yoniso padahaṁ bhikkhu khayaṁ dukkhassa pāpuṇe” ti. [1]

ayam-pi attho vutto bhagavatā, iti me sutan-ti.

 

last updated: August 2007