Itivuttakapāḷi

1. 3. 3. Ubho-atthasuttaṁ (23)

[BJT Page 342]

vuttaṁ hetaṁ bhagavatā, vuttam-arahatā ti me sutaṁ:

“ekadhammo bhikkhave bhāvito bahulīkato ubho atthe samadhigayha tiṭṭhati, diṭṭhadhammikañ-ceva atthaṁ samparāyikañ-ca. katamo ekadhammo? appamādo kusalesu dhammesu. ayaṁ kho bhikkhave ekadhammo bhāvito bahulīkato ubho atthe samadhigayha tiṭṭhati diṭṭhadhammikañ-ceva atthaṁ samparāyikañ-cā” ti.

etam-atthaṁ bhagavā avoca, tatthetaṁ iti vuccati:

−⏑−−¦⏑−−−¦¦−⏑−−¦⏑−⏑−
“appamādaṁ pasaṁsanti puññakiriyāsu paṇḍitā,

−⏑−−¦⏑−−−¦¦⏑⏑−−¦⏑−⏑−
appamatto ubho atthe adhiganhāti paṇḍito. [1]

−−⏑−¦−−−−¦¦−−−−¦⏑−⏑− mavipulā
diṭṭheva dhamme yo attho yo cattho samparāyiko,

−−⏑⏑¦⏑−−−¦¦−⏑−⏑¦⏑−⏑−
atthābhisamayā dhīro paṇḍito ti pavuccatī” ti. Editor’s note: BJT reads pavūccatī”-ti, a printer’s error. [2]

ayam-pi attho vutto bhagavatā, iti me sutan-ti.

 

last updated: August 2007