Itivuttakapāḷi

2. 1. 9. Dutiyajanakuhanasuttaṁ (36)

vuttaṁ hetaṁ bhagavatā, vuttam-arahatā ti me sutaṁ:

“na-y-idaṁ bhikkhave brahmacariyaṁ vussati janakuhanatthaṁ janalapanatthaṁ lābhasakkārasilokānisaṁsatthaṁ “iti maṁ jano jānātū” ti. atha kho idaṁ bhikkhave brahmacariyaṁ vussati abhiññatthañ-ceva pariññatthañ-cā” ti.

etam-atthaṁ bhagavā avoca, tatthetaṁ iti vuccati:

⏑−−−¦⏑−−−¦¦−⏑−−¦⏑−⏑−
“abhiññatthaṁ pariññatthaṁ brahmacariyaṁ anītihaṁ,

⏑−⏑−¦−⏑⏑−¦¦−−−⏑¦⏑−⏑− bhavipulā
adesayī so bhagavā nibbānogadhagāminaṁ. [1]

−⏑−−¦⏑−−−¦¦⏑⏑−−¦⏑−⏑−
esa maggo mahattehi BJT Note: mahantehi - Palm leaf book, Printed book. anuyāto mahesihi, BJT Note: mahesino - Palm leaf book, Printed book.
−−−⏑¦⏑−−−¦¦⏑−−−¦⏑−⏑−
ye ye taṁ paṭipajjanti yathā buddhena desitaṁ,

−−−−¦⏑−−−¦¦−⏑−⏑¦⏑−⏑−
dukkhassantaṁ karissanti satthusāsanakārino” ti. [2]

ayam-pi attho vutto bhagavātā iti me sutan-ti.

 

last updated: August 2007