Itivuttakapāḷi

2. 1. 10. Somanassasuttaṁ (37)

[BJT Page 358]

vuttaṁ hetaṁ bhagavatā, vuttam-arahatā ti me sutaṁ:

“dvīhi bhikkhave dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṁ khayāya. katamehi dvīhi? saṁvejanīyesu ṭhānesu saṁvejanena, saṁviggassa ca BJT Note: saṁvegassa ca - Palm leaf book, Commentary, Printed book. yoniso padhānena. imehi kho bhikkhave dvīhi dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṁ khayāyā” ti.

etam-atthaṁ bhagavā avoca, tatthetaṁ iti vuccati:

−−⏑−¦−−−−¦¦−−⏑−¦⏑−⏑− mavipulā
“saṁvejanīyaṭṭhānesu saṁvijjate ca paṇḍito,

−−−⏑¦⏑−−−¦¦−−⏑⏑¦⏑−⏑−
ātāpī nipako bhikkhu paññāya samavekkhiya. [1]

−−⏑−¦−−−−¦¦−⏑−−¦⏑−⏑− mavipulā
evaṁvihārī ātāpī santavuttī anuddhato,

−−⏑⏑¦⏑⏑⏑−−¦¦⏑−−−¦⏑−⏑−
cetosamatham-anuyutto khayaṁ dukkhassa pāpuṇe” ti. [2]

ayam-pi attho vutto bhagavatā, iti me sutan-ti.

Vaggo paṭhamo

tassuddānaṁ:

Dve ca Bhikkhū Tapanīyā Tapanīyā apare duve BJT Note: paratthehi - Palm leaf book, Printed book.
Anātāpī dve Kuhanā ca BJT Note: dve Ātāpi na Kuhanā ca - Palm leaf book, Printed book; dve Pādāna Kuhanā ca - Palm leaf book. Somanassena te dasā ti.

 

last updated: August 2007