Itivuttakapāḷi

2. 2. 9. Sikkhānisaṁsasuttaṁ (46)

vuttaṁ hetaṁ bhagavatā, vuttam-arahatā ti me sutaṁ:

“sikkhānisaṁsā bhikkhave viharatha paññuttarā vimuttisārā satādhipateyyānā, sikkhānisaṁsānaṁ bhikkhave viharataṁ paññuttarānaṁ vimuttisārānaṁ satādhipateyyānaṁ dvinnaṁ phalānaṁ aññataraṁ phalaṁ pāṭikaṅkhaṁ: diṭṭheva dhamme aññā, sati vā upādisese anāgāmitā” ti.

etam-atthaṁ bhagavā avoca, tatthetaṁ iti vuccati:

⏑⏑−⏑−¦−,⏑⏑¦−⏑−− Tuṭṭhubha x 3
“paripuṇṇasekhaṁ apahānadhammaṁ,

−−⏑−,¦−⏑⏑¦−⏑−−
paññuttaraṁ jātikhayantadassiṁ,

−−⏑−,¦−⏑⏑¦−⏑−−
taṁ ve muniṁ antimadehadhāriṁ,

−−⏑−,¦−⏑⏑¦−⏑−⏑− Jagatī
mānaṁ jahaṁ brūmi jarāya pāraguṁ. [1]

−−⏑−,¦−⏑⏑¦−⏑−⏑− Jagatī x 4
tasmā sadā jhānaratā samāhitā,

−−⏑−,¦−⏑⏑¦−⏑−⏑−
ātāpino jātikhayantadassino,

−−⏑−¦−,⏑⏑¦−⏑−⏑−
māraṁ sasenaṁ abhibhuyya bhikkhavo,

⏑−⏑,−¦⏑⏑⏑¦−⏑−⏑−
bhavātha BJT Note: bhavattha - Palm leaf book Printed book. jātimaraṇassa pāragā” ti. [2]

ayam-pi attho vutto bhagavatā, iti me sutan-ti.

 

last updated: August 2007