Itivuttakapāḷi

3. 1. 4. Dutiyavedanāsuttaṁ (53)

vuttaṁ hetaṁ bhagavatā vuttavarahatā ti me sutaṁ:

“tisso imā bhikkhave vedanā. katamā tisso? sukhā vedanā, dukkhā vedanā, adukkhamasukhā vedanā.

sukhā bhikkhave vedanā dukkhato daṭṭhabbā; dukkhā vedanā sallato daṭṭhabbā; adukkhamasukhā vedanā aniccato daṭṭhabbā. yato kho bhikkhave bhikkhuno sukhā vedanā dukkhato diṭṭhā hoti, dukkhā vedanā sallato diṭṭhā hoti, adukkhamasukhā vedanā aniccato diṭṭhā hoti, ayaṁ vuccati bhikkhave bhikkhu ariyo sammaddaso acchecchi taṇhaṁ vāvattayi BJT Note: vivattayi - ChS. saṁyojanaṁ sammā mānābhisamayā antamakāsi dukkhassā” ti.

etam-atthaṁ bhagavā avoca, tatthetaṁ iti vuccati:

−⏑−−¦⏑−−−¦¦−⏑−−¦⏑−⏑−
“yo sukhaṁ dukkhatoddakkhi dukkham-addakkhi sallato,

⏑−⏑⏑¦⏑−−−¦¦−−⏑−¦⏑−⏑−
adukkhamasukhaṁ santaṁ addakkhi naṁ aniccato, [1]

⏑−−−¦⏑−−−¦¦⏑−−⏑¦⏑−⏑−
sa ve sammaddaso BJT Note: sammadaso - Palm leaf book, Printed book; saccaddaso - Seen somewhere. bhikkhu yato tattha vimuccati,

⏑−−−¦⏑−−−¦¦⏑−−−¦⏑−⏑−
abhiññāvosito santo sa ve yogātigo munī” ti. [2]

ayam-pi attho vutto bhagavatā, iti me sutan-ti.

 

last updated: August 2007