Itivuttakapāḷi

3. 2. 10. Dutiyarāgasuttaṁ (69)

vuttaṁ hetaṁ bhagavatā, vuttam-arahatā ti me sutaṁ:

“yassa kassaci bhikkhave bhikkhussa vā bhikkhuniyā vā rāgo appahīno, doso appahīno, moho appahīno, ayaṁ vuccati bhikkhave na atari samuddaṁ sa-ūmiṁ savīciṁ sāvaṭṭaṁ sagahaṁ sarakkhasaṁ. yassa kassaci bhikkhave bhikkhussa vā bhikkhuniyā vā rāgo pahīno, doso pahīno, moho pahīno, ayaṁ vuccati bhikkhave atari BJT prints atarī here, but atari above. samuddaṁ sa-ūmiṁ savīciṁ sāvaṭṭaṁ sagahaṁ sarakkhasaṁ, tiṇṇo pāragato, thale tiṭṭhati brāhmaṇo” ti.

etam-atthaṁ bhagavā avoca, tatthetaṁ iti vuccati:

−⏑−−¦⏑−−−¦¦⏑−−⏑¦⏑−⏑−
“yassa rāgo ca doso ca avijjā ca virājitā,

−−⏑−¦−⏑⏑¦−⏑−⏑− Jagatī
somaṁ samuddaṁ sagahaṁ sarakkhasaṁ,

⏑−⏑⏑¦−−⏑⏑¦−⏑−− Tuṭṭhubha
sa-ūmibhayaṁ duttaram-accatārī, [1]

−−⏑−¦−⏑⏑¦−⏑−⏑− Jagatī
saṅgātigo maccujaho nirūpadhi,

⏑−⏑−¦−⏑⏑¦−⏑−− Tuṭṭhubha x 3
pahāsi dukkhaṁ apunabbhavāya,

−−⏑−¦−⏑⏑¦−⏑−−
atthaṁ gato so na pamāṇame ti,

⏑−⏑−¦−⏑−¦−⏑−−
amohayī maccurājan-ti brūmī” ti. [2]

ayam-pi attho vutto bhagavatā, iti me sutan-ti.

Dutiyo vaggo

tassuddānaṁ:

Puññaṁ Cakkhu atha Indriyāni BJT Indrīyāni, printer’s error. Addhā Cariyaṁ duve Soci,
Muno atha Rāgaduve puna vaggam-āhu dutiyam-uttaman-ti.

 

last updated: August 2007