(Suddhapācittiyā 83-92)

[BJT Vol II (I), Page 428]

Pāc 83: Rājantarapurasikkhāpadaṁ

yo pana bhikkhu Editor’s note: BJT, bhikkhū - printer’s error. rañño khattiyassa muddhāvasittassa anikkhantarājake anībhattaratanake pubbe appaṭisaṁvidito indakhīlaṁ atikkāmeyya, pācittiyaṁ.

[BJT Vol II (I), Page 434]

Pāc 84: Ratanasikkhāpadaṁ

yo pana bhikkhu ratanaṁ vā ratanasammataṁ vā, aññatra ajjhārāmā vā ajjhāvasathā vā uggaṇheyya vā uggaṇhāpeyya vā, pācittiyaṁ.

ratanaṁ vā pana bhikkhunā ratanasammataṁ vā ajjhārāme vā ajjhāvasathe vā uggahetvā vā uggahāpetvā vā nikkhipitabbaṁ: “yassa bhavissati, so harissatī” ti. ayaṁ tattha sāmīci.

[BJT Vol II (I), Page 440]

Pāc 85: Vikālagāmappavesanasikkhāpadaṁ Editor’s note: BJT, against its normal practice writes the title as two words: vikālegāmappavesana sikkhāpadaṁ.

yo pana bhikkhu santaṁ bhikkhuṁ anāpucchā vikāle gāmaṁ paviseyya, aññatra tathārūpā accāyikā karaṇīyā, pācittiyaṁ.

[BJT Vol II (I), Page 444]

Pāc 86: Sūcigharasikkhāpadaṁ

yo pana bhikkhu Editor’s note: BJT, bhikkhū - printer’s error. aṭṭhimayaṁ vā dantamayaṁ vā visāṇamayaṁ vā sūcigharaṁ kārāpeyya, bhedanakaṁ, pācittiyaṁ.

[BJT Vol II (I), Page 446]

Pāc 87: Mañcasikkhāpadaṁ

navaṁ pana bhikkhunā mañcaṁ vā pīṭhaṁ vā kārayamānena aṭṭhaṅgulapādakaṁ kāretabbaṁ sugataṅgulena, aññatra heṭṭhimāya aṭaniyā. taṁ atikkāmayato, chedanakaṁ, pācittiyaṁ.

[BJT Vol II (I), Page 450]

Pāc 88: Tūlonaddhasikkhāpadaṁ

yo pana bhikkhu mañcaṁ vā pīṭhaṁ vā tūlonaddhaṁ kārāpeyya, uddālanakaṁ, pācittiyaṁ.

[BJT Vol II (I), Page 452]

Pāc 89: Nisīdanasikkhāpadaṁ

nisīdanaṁ pana bhikkhunā kārayamānena pamāṇikaṁ kāretabbaṁ. tatridaṁ pamāṇaṁ: dīghaso dve vidatthiyo sugatavidatthiyā, tiriyaṁ diyaḍḍhaṁ, dasā vidatthi. taṁ atikkāmayato, chedanakaṁ, pācittiyaṁ.

[BJT Vol II (I), Page 456]

Pāc 90: Kaṇḍupaṭicchādisikkhāpadaṁ

kaṇḍupaṭicchādiṁ pana bhikkhunā kārayamānena pamāṇikā kāretabbā. tatridaṁ Editor’s note: BJT, tatrīdaṁ - BJT wavers between tatridaṁ & tatrīdaṁ, for the sake of consistency the former spelling has been preferred here. pamāṇaṁ: dīghaso catasso vidatthiyo sugatavidatthiyā, tiriyaṁ dve vidatthiyo. taṁ atikkāmayato, chedanakaṁ, pācittiyaṁ.

[BJT Vol II (I), Page 458]

Pāc 91: Vassikasāṭikasikkhāpadaṁ

vassikasāṭikaṁ pana bhikkhunā kārayamānena pamāṇikā kāretabbā. tatridaṁ Editor’s note: BJT, tatrīdaṁ - see note above. pamāṇaṁ: dīghaso cha vidatthiyo sugatavidatthiyā, tiriyaṁ aḍḍhateyyā. taṁ atikkāmayato, chedanakaṁ, pācittiyaṁ.

[BJT Vol II (I), Page 460]

Pāc 92: Nandattherasikkhāpadaṁ

yo pana bhikkhu sugatacīvarappamāṇaṁ cīvaraṁ kārāpeyya atirekaṁ vā, chedanakaṁ, pācittiyaṁ.

tatridaṁ Editor’s note: BJT, tatrīdaṁ - see note above. sugatassa sugatacīvarappamāṇaṁ: dīghaso nava vidatthiyo sugatavidatthiyā, tiriyaṁ cha vidatthiyo. idaṁ sugatassa sugatacīvarappamāṇaṁ.

Rājavaggo navamo

[BJT Vol II (I), Page 462]

uddiṭṭhā kho āyasmanto dvenavuti pācittiyā dhammā.

tatthāyasmante pucchāmi: kaccittha parisuddhā?
dutiyam-pi pucchāmi: kaccittha parisuddhā?
tatiyam-pi pucchāmi: kaccittha parisuddhā?
parisuddhetthāyasmanto, tasmā tuṇhī, evam-etaṁ dhārayāmi.

(Suddhapācittiyā niṭṭhitā)

last updated: March 2006