Pathamakabhanavaram-10 - Khandhaparittam

10. Khandhaparittaṁ

sabbāsivisajātīnaṁ ~ dibbamantāgadaṁ viya,
yaṁ nāsesi visaṁ ghoraṁ ~ sesaṁ cāpi parissayaṁ.

āṇakkhettamhi CBhp: āṇākhettamhi. sabbattha, ~ sabbadā sabbapāṇinaṁ,
sabbaso pi vināseti, ~ parittaṁ taṁ bhaṇāmahe.

evaṁ me sutaṁ:
ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme. tena kho pana samayena sāvatthiyaṁ aññataro bhikkhu ahinā daṭṭho kālakato hoti. atha kho sambahulā PPV2: sabbahulā ?? bhikkhū yena bhagavā tenupasaṅkamiṁsu, upasaṅkamitvā bhagavantaṁ abhivādetvā, ekam-antaṁ nisīdiṁsu. ekam-antaṁ nisinnā kho te bhikkhū bhagavantaṁ etad-avocuṁ: “idha bhante sāvatthiyaṁ, aññataro bhikkhu ahinā daṭṭho kālakato” ti.

“na ha nūna so bhikkhave bhikkhu cattāri ahirājakulāni mettena cittena phari. sace hi so bhikkhave bhikkhu cattāri ahirājakulāni mettena cittena phareyya na hi so bhikkhave bhikkhu ahinā daṭṭho kālaṁ kareyya. katamāni cattāri ahirājakulāni?

virūpakkhaṁ ahirājakulaṁ,
erāpathaṁ ahirājakulaṁ,
chabyāputtaṁ ahirājakulaṁ,
kaṇhāgotamakaṁ ahirājakulam.

na ha nūna so bhikkhave bhikkhu imāni cattāri ahirājakulāni mettena cittena phari. sace hi so bhikkhave bhikkhu imāni cattāri ahirājakulāni mettena cittena phareyya, na hi so bhikkhave bhikkhu ahinā daṭṭho kālaṁ kareyya. anujānāmi bhikkhave, imāni cattāri ahirājakulāni mettena cittena pharituṁ, attaguttiyā attarakkhāya attaparittāyā” ti.

idam-avoca bhagavā,
idaṁ vatvā sugato athāparaṁ etad-avoca satthā:

⏑−−−¦⏑−−−¦¦−−−−¦⏑−⏑− pathyā
“virūpakkhehi me mettaṁ, ~ mettaṁ erāpathehi me, Metre: all lines in this sutta are to be understood as the pathyā form of Siloka unless otherwise indicated.

⏑−−−¦⏑−−−¦¦−−−−−⏑¦⏑−⏑−
chabyāputtehi me mettaṁ, ~ mettaṁ kaṇhāgotamakehi ca. [1] Metre: the second half of this pādayuga is hypermetric by 2 syllables, it may be we should exclude mettaṁ m.c.

⏑−⏑−¦⏑−−−¦¦−−⏑−¦⏑−⏑−
apādakehi me mettaṁ, ~ mettaṁ dipādakehi me,

⏑−⏑−¦⏑−−−¦¦−−⏑−¦⏑−⏑−
catuppadehi CBhp: catuppādehi. me mettaṁ, ~ mettaṁ bahuppadehi me. [2]

−−⏑−¦⏑−−−¦¦−−−⏑¦⏑−⏑−
mā maṁ apādako hiṁsi, ~ mā maṁ hiṁsi dipādako,

−−⏑−¦⏑−−−¦¦−−−⏑¦⏑−⏑−
mā maṁ catuppado hiṁsi, ~ mā maṁ hiṁsi bahuppado. [3]

−−−−,¦−⏑−−¦¦−−−−¦⏑−⏑− ravipula
sabbe sattā, sabbĕ pāṇā, ~ sabbe bhūtā ca kevalā,

−−−−¦⏑−−−¦¦−−⏑−¦⏑−⏑−
sabbe bhadrāni passantu, ~ mā kañci pāpam-āgamā. [4]

appamāṇo buddho!
appamāṇo dhammo!
appamāṇo saṅgho!

pamāṇavantāni siriṁsapāni, ahivicchikā, satapadī, uṇṇānābhi, sarabū, mūsikā. katā me rakkhā, katā me parittā, paṭikkamantu bhūtāni! sohaṁ namo bhagavato, namo sattannaṁ sammāsambuddhānan”-ti.

last updated: March 2006