⏑−⏑−¦−⏑⏑¦−⏑−⏑− Vaṁsaṭṭhaṁ
Visāradaṁ vādapathātivattinaṁ

⏑−⏑−¦−⏑⏑¦−⏑−⏑−
tilokapajjotam-asayhasāhinaṁ

⏑−⏑−¦−⏑⏑¦−⏑−⏑−
asesañeyyāvaraṇappahāyinaṁ

⏑−⏑−¦−⏑⏑¦−⏑−⏑−
namāmi satthāram-anantagocaraṁ. [1] [1-1]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tilokanāthappabhavaṁ bhayāpahaṁ

⏑−⏑−¦−⏑⏑¦−⏑−⏑−
visuddhavijjācaraṇehi sevitaṁ

⏑−⏑−¦−⏑⏑¦−⏑−⏑−
papañcasaññojanabandhanacchidaṁ

⏑−⏑−¦−⏑⏑¦−⏑−⏑−
namāmi dhammaṁ nipuṇaṁ sududdasaṁ. [2] [1-2]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Pasādam-attena pi yattha pāṇino

⏑−⏑−¦−⏑⏑¦−⏑−⏑−
phusanti dukkhakkhayam-accutaṁ padaṁ

⏑−⏑−¦−⏑⏑¦−⏑−⏑−
tam āhuṇeyyaṁ susamāhitindriyaṁ

⏑−⏑−¦−⏑⏑¦−⏑−⏑−
namāmi saṅghaṁ munirājasāvakaṁ. [3] [1-3]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Vibhūsayaṁ Kāḷakanāgaranvayaṁ

⏑−⏑−¦−⏑⏑¦−⏑−⏑−
parakkamo kāruṇiko camūpati

⏑−⏑−¦−⏑⏑¦−⏑−⏑−
gavesamāno jinasāsanassa yo

⏑−⏑−¦−⏑⏑¦−⏑−⏑−
virūḷhim-atthañ-ca janassa patthayaṁ. [4] [1-4]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Sudhāmayūkhāmalapaṇḍuvaṁsajaṁ

⏑−⏑−¦−⏑⏑¦−⏑−⏑−
virūḷhasaddhaṁ munirājasāsane

⏑−⏑−¦−⏑⏑¦−⏑−⏑−
piyaṁvadaṁ nītipathānuvattinaṁ

⏑−⏑−¦−⏑⏑¦−⏑−⏑−
sadā pajānaṁ janikaṁ va mātaraṁ. [5] [1-5]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Piyaṁ parakkantibhujassa rājino

⏑−⏑−¦−⏑⏑¦−⏑−⏑−
mahesim-accunnatabuddhisampadaṁ

⏑−⏑−¦−⏑⏑¦−⏑−⏑−
vidhāya Līlāvatim-icchitatthadaṁ

⏑−⏑−¦−⏑⏑¦−⏑−⏑−
asesalaṅkātalarajjalakkhiyaṁ. [6] [1-6]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Kumāram-ārādhitasādhumantinaṁ

⏑−⏑−¦−⏑⏑¦−⏑−⏑−
mahādayaṁ Paṇḍunarindavaṁsajaṁ

⏑−⏑−¦−⏑⏑¦−⏑−⏑−
vidhāya saddhaṁ Madhurindanāmakaṁ

⏑−⏑−¦−⏑⏑¦−⏑−⏑−
susikkhitaṁ pāvacane kalāsu ca. [7] [1-7]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Narindasuññaṁ suciraṁ-ti Sīhaḷaṁ

⏑−⏑−¦−⏑⏑¦−⏑−⏑−
itippatītaṁ ayasaṁ apānudi

⏑−⏑−¦−⏑⏑¦−⏑−⏑−
ciram-paṇītena ca cīvarādinā

⏑−⏑−¦−⏑⏑¦−⏑−⏑−
susaññate saṁyamino atappayi. [8] [1-8]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Ciraṭṭhitiṁ pāvacanassa icchatā

⏑−⏑−¦−⏑⏑¦−⏑−⏑−
kataññunā vikkama buddisālinā

⏑−⏑−¦−⏑⏑¦−⏑−⏑−
satīmatā candimabandhukittinā

⏑−⏑−¦−⏑⏑¦−⏑−⏑−
sagāravaṁ tenabhiyācito ahaṁ. [9] [1-9]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Sadesabhāsāya kavīhi Sīhaḷe

⏑−⏑−¦−⏑⏑¦−⏑−⏑−
katam-pi vaṁsaṁ jinadantadhātuyā

⏑−⏑−¦−⏑⏑¦−⏑−⏑−
niruttiyā Māgadhikāya vuddhiyā

⏑−⏑−¦−⏑⏑¦−⏑−⏑−
karomi dīpantaravāsinaṁ api. [10] [1-10]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Jino yam-iddhe Amaravhaye pure

⏑−⏑−¦−⏑⏑¦−⏑−⏑−
kadāci hutvāna Sumedhanāmako

⏑−⏑−¦−⏑⏑¦−⏑−⏑−
savedavedaṅgavibhāgakovido

⏑−⏑−¦−⏑⏑¦−⏑−⏑−
mahaddhane vippakulamhi māṇavo. [11] [1-11]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Ahaṁ hi jātivyasanena pīḷito

⏑−⏑−¦−⏑⏑¦−⏑−⏑−
jarābhibhūto maraṇena otthaṭo

⏑−⏑−¦−⏑⏑¦−⏑−⏑−
sivaṁ padaṁ jātijarādinissaṭaṁ

⏑−⏑−¦−⏑⏑¦−⏑−⏑−
gavessayissaṁ ti raho vicintiya. [12] [1-12]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Anekasaṅkhaṁ dhanadhaññasampadaṁ

⏑−⏑−¦−⏑⏑¦−⏑−⏑−
patiṭṭhapetvā kapaṇesu duccajaṁ

⏑−⏑−¦−⏑⏑¦−⏑−⏑−
anappake pemabharānubandhino

⏑−⏑−¦−⏑⏑¦−⏑−⏑−
vihāya mitte ca sute ca bandhave. [13] [1-13]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Pahāya kāme nikhile manorame

⏑−⏑−¦−⏑⏑¦−⏑−⏑−
gharābhinikkhamma Himācalantike

⏑−⏑−¦−⏑⏑¦−⏑−⏑−
mahīdharaṁ Dhammikanāmavissutaṁ

⏑−⏑−¦−⏑⏑¦−⏑−⏑−
upecca nānātarurājibhūsitaṁ. [14] [1-14]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Manonukūle surarājanimmite

⏑−⏑−¦−⏑⏑¦−⏑−⏑−
asammigānaṁ agatimhi assame

⏑−⏑−¦−⏑⏑¦−⏑−⏑−
nivattacīro ajinakkhipaṁ vahaṁ

⏑−⏑−¦−⏑⏑¦−⏑−⏑−
jaṭādharo tāpasavesam-aggahi. [15] [1-15]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Susaññatatto parimāritindriyo M. parivārita.

⏑−⏑−¦−⏑⏑¦−⏑−⏑−
phalāphalādīhi pavattayaṁ tanuṁ

⏑−⏑−¦−⏑⏑¦−⏑−⏑−
gato abhiññāsu ca pāramiṁ vasī

⏑−⏑−¦−⏑⏑¦−⏑−⏑−
tahiṁ samāpattisukhaṁ avindi so [16] [1-16]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Susajjite Rammapurādhivāsinā

⏑−⏑−¦−⏑⏑¦−⏑−⏑−
mahājanenattamanena añjase

⏑−⏑−¦−⏑⏑¦−⏑−⏑−
pathappadese abhiyantam-attano

⏑−⏑−¦−⏑⏑¦−⏑−⏑−
aniṭṭhite yeva Sumedhatāpaso. [17] [1-17]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Agādhañeyyodadhipāradassinaṁ

⏑−⏑−¦−⏑⏑¦−⏑−⏑−
bhavantaguṁ nibbanathaṁ B: nibbaṇathaṁ. vināyakaṁ

⏑−⏑−¦−⏑⏑¦−⏑−⏑−
anekakhīṇāsavalakkhasevitaṁ

⏑−⏑−¦−⏑⏑¦−⏑−⏑−
kadāci Dīpaṅkarabuddham-addasa. [18] [1-18]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tato sasaṅghassa tilokabhattuno

⏑−⏑−¦−⏑⏑¦−⏑−⏑−
pariccajitvāna tanum-pi jīvitaṁ

⏑−⏑−¦−⏑⏑¦−⏑−⏑−
pasārayitvāna jaṭājinādikaṁ

⏑−⏑−¦−⏑⏑¦−⏑−⏑−
vidhāya setuṁ tanum-eva pallale. [19] [1-19]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Anakkamitvā kalalaṁ mahādaye

⏑−⏑−¦−⏑⏑¦−⏑−⏑−
sabhikkhuko gacchatu piṭṭhiyā iti

⏑−⏑−¦−⏑⏑¦−⏑−⏑−
adhiṭṭhahitvāna nipannako tahiṁ

⏑−⏑−¦−⏑⏑¦−⏑−⏑−
anātham-etaṁ tibhavaṁ samekhiya. [20] [1-20]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Dayāya sañcoditamānaso jane

⏑−⏑−¦−⏑⏑¦−⏑−⏑−
bhavaṇṇavā uddharituṁ dukhaddite

⏑−⏑−¦−⏑⏑¦−⏑−⏑−
akāsi sambodhipadassa pattiyā

⏑−⏑−¦−⏑⏑¦−⏑−⏑−
mahābhinīhāram-udaggavikkamo. [21] [1-21]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Atho viditvā vasino tam-āsayaṁ

⏑−⏑−¦−⏑⏑¦−⏑−⏑−
adāsi so vyākaraṇaṁ mahāmunī

⏑−⏑−¦−⏑⏑¦−⏑−⏑−
tato puraṁ taṁhi Tathāgate gate

⏑−⏑−¦−⏑⏑¦−⏑−⏑−
sayaṁ vasī sammasi pāramīguṇe. [22] [1-22]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tato ca kappānam-alīnavikkamo

⏑−⏑−¦−⏑⏑¦−⏑−⏑−
asaṅkhiye so caturo salakkhake

⏑−⏑−¦−⏑⏑¦−⏑−⏑−
tahiṁ tahiṁ jātisu bodhipācane

⏑−⏑−¦−⏑⏑¦−⏑−⏑−
visuddhasambhāraguṇe apūrayi. [23] [1-23]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Athābhijāto Tusite mahāyaso

⏑−⏑−¦−⏑⏑¦−⏑−⏑−
visuddhasambodhipadopaladdhiyā

⏑−⏑−¦−⏑⏑¦−⏑−⏑−
udikkhamāno samayaṁ dayādhano

⏑−⏑−¦−⏑⏑¦−⏑−⏑−
ciraṁ vibhūtiṁ anubhosi sabbaso. [24] [1-24]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Sahassasaṅkhādasacakkavāḷato

⏑−⏑−¦−⏑⏑¦−⏑−⏑−
samāgatānekasurādhipādihi

⏑−⏑−¦−⏑⏑¦−⏑−⏑−
udaggudaggehi jinantapattiyā

⏑−⏑−¦−⏑⏑¦−⏑−⏑−
sagāravaṁ so abhigamma yācito. [25] [1-25]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tato cavitvā Kapilavhaye pure

⏑−⏑−¦−⏑⏑¦−⏑−⏑−
sadā sato Sakyakulekaketuno

⏑−⏑−¦−⏑⏑¦−⏑−⏑−
ahosi Suddhodanabhūmibhattuno

⏑−⏑−¦−⏑⏑¦−⏑−⏑−
Mahādimāyāya mahesiyā suto. [26] [1-26]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Vijātamatto va vasundharāya so

⏑−⏑−¦−⏑⏑¦−⏑−⏑−
patiṭṭhahitvāna disā vilokayi

⏑−⏑−¦−⏑⏑¦−⏑−⏑−
tadā ahesuṁ vivaṭaṅganā disā

⏑−⏑−¦−⏑⏑¦−⏑−⏑−
apūjayuṁ tattha ca devamānusā. [27] [1-27]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Adhārayuṁ ātapavāraṇādikaṁ

⏑−⏑−¦−⏑⏑¦−⏑−⏑−
adissamānā va nabhambhi devatā

⏑−⏑−¦−⏑⏑¦−⏑−⏑−
padāni so satta ca uttarāmukho

⏑−⏑−¦−⏑⏑¦−⏑−⏑−
upecca nicchārayi vācam-āsabhiṁ. [28] [1-28]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Yathattha-Siddhattakumāranāmako

⏑−⏑−¦−⏑⏑¦−⏑−⏑−
mahabbalo yobbanahāriviggaho

⏑−⏑−¦−⏑⏑¦−⏑−⏑−
ututtayānucchavikesu tīsu so

⏑−⏑−¦−⏑⏑¦−⏑−⏑−
'nubhosi pāsādavaresu sampadaṁ. [29] [1-29]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Kadāci uyyānapathe jarāhataṁ

⏑−⏑−¦−⏑⏑¦−⏑−⏑−
tathāturaṁ kālakataṁ ca saṁyamiṁ

⏑−⏑−¦−⏑⏑¦−⏑−⏑−
kamena disvāna virattamānaso

⏑−⏑−¦−⏑⏑¦−⏑−⏑−
bhavesu so pabbajituṁ akāmayi. [30] [1-30]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Sapupphadīpādikarehi rattiyaṁ

⏑−⏑−¦−⏑⏑¦−⏑−⏑−
purakkhato so tidivādhivāsihi

⏑−⏑−¦−⏑⏑¦−⏑−⏑−
sa-Channako Kanthakavājiyānato

⏑−⏑−¦−⏑⏑¦−⏑−⏑−
tato mahākāruṇiko Text: mahākaruṇiko. 'bhinikkhami. [31] [1-31]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Kamena patvāna Anomam-āpagaṁ

⏑−⏑−¦−⏑⏑¦−⏑−⏑−
sudhotamuttāphalahārisekate

⏑−⏑−¦−⏑⏑¦−⏑−⏑−
patiṭṭhahitvā varamoḷibandhanaṁ

⏑−⏑−¦−⏑⏑¦−⏑−⏑−
sitāsilūnaṁ gagane samukkhipi. [32] [1-32]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Paṭiggahetvā tidasānam-issaro

⏑−⏑−¦−⏑⏑¦−⏑−⏑−
suvaṇṇacaṅgotavarena taṁ tadā

⏑−⏑−¦−⏑⏑¦−⏑−⏑−
tiyojanaṁ nīlamaṇīhi cetiyaṁ

⏑−⏑−¦−⏑⏑¦−⏑−⏑−
akāsi cūḷāmaṇim-attano pure. [33] [1-33]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tato Ghaṭīkārasarojayoninā

⏑−⏑−¦−⏑⏑¦−⏑−⏑−
samāhaṭaṁ dhārayi cīvarādikaṁ

⏑−⏑−¦−⏑⏑¦−⏑−⏑−
atho sakaṁ vatthayugaṁ nabhatthale

⏑−⏑−¦−⏑⏑¦−⏑−⏑−
pasatthavesaggahaṇo samukkhipi. [34] [1-34]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Paṭiggahetvāna tam-ambujāsano

⏑−⏑−¦−⏑⏑¦−⏑−⏑−
mahiddhiko bhattibharena codito

⏑−⏑−¦−⏑⏑¦−⏑−⏑−
sake bhave dvādasayojanaṁ akā

⏑−⏑−¦−⏑⏑¦−⏑−⏑−
maṇīhi nīlādihi dussacetiyaṁ. [35] [1-35]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Susaññatatto satimā jitindriyo

⏑−⏑−¦−⏑⏑¦−⏑−⏑−
vinītaveso rasagedhavajjito

⏑−⏑−¦−⏑⏑¦−⏑−⏑−
cha hāyanāneva anomavikkamo

⏑−⏑−¦−⏑⏑¦−⏑−⏑−
mahāpadhānaṁ padahittha dukkaraṁ. [36] [1-36]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Visākhamāsassatha puṇṇamāsiyaṁ

⏑−⏑−¦−⏑⏑¦−⏑−⏑−
upecca mūlaṁ sahajāya bodhiyā

⏑−⏑−¦−⏑⏑¦−⏑−⏑−
tiṇāsane cuddasahatthasammite

⏑−⏑−¦−⏑⏑¦−⏑−⏑−
adhiṭṭhahitvā viriyaṁ nisajji B: nisajja. so. [37] [1-37]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Avattharantiṁ vasudhaṁ ca ambaraṁ

⏑−⏑−¦−⏑⏑¦−⏑−⏑−
virūpavesaggahaṇena bhiṁsanaṁ

⏑−⏑−¦−⏑⏑¦−⏑−⏑−
pakampayanto sadharādharaṁ mahiṁ

⏑−⏑−¦−⏑⏑¦−⏑−⏑−
jino padose jini māravāhiṇiṁ. [38] [1-38]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Surāsurabrahmagaṇehi sajjite

⏑−⏑−¦−⏑⏑¦−⏑−⏑−
jagattaye pupphamayagghikādinā

⏑−⏑−¦−⏑⏑¦−⏑−⏑−
pavattamāne suradundubhissare

⏑−⏑−¦−⏑⏑¦−⏑−⏑−
abujjhi bodhiṁ rajanīparikkhaye. [39] [1-39]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tadā pakampiṁsu saselakānanā

⏑−⏑−¦−⏑⏑¦−⏑−⏑−
sahassasaṁkhādasalokadhātuyo

⏑−⏑−¦−⏑⏑¦−⏑−⏑−
agañchi so loṇapayodhi sādutaṁ B: sādhutaṁ.

⏑−⏑−¦−⏑⏑¦−⏑−⏑−
mahāvabhāso bhuvanesu patthari. [40] [1-40]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Labhiṁsu andhā vimale vilocane

⏑−⏑−¦−⏑⏑¦−⏑−⏑−
suṇiṁsu sadde badhirā pi jātiyā

⏑−⏑−¦−⏑⏑¦−⏑−⏑−
lapiṁsu mūgā vacanena vaggunā

⏑−⏑−¦−⏑⏑¦−⏑−⏑−
cariṁsu khelaṁ padasā va paṅgulā. [41] [1-41]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Bhaviṁsu khujjā ujusommaviggahā

⏑−⏑−¦−⏑⏑¦−⏑−⏑−
sikhī pi nibbāyi avīci-ādisu

⏑−⏑−¦−⏑⏑¦−⏑−⏑−
apāgamuṁ bandhanato pi jantavo

⏑−⏑−¦−⏑⏑¦−⏑−⏑−
khudādikaṁ petabhavā apakkami. [42] [1-42]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Samiṁsu rogavyasanāni pāṇinaṁ

⏑−⏑−¦−⏑⏑¦−⏑−⏑−
bhayaṁ tiracchānagate na pīḷayi

⏑−⏑−¦−⏑⏑¦−⏑−⏑−
janā ahesuṁ sakhilā piyaṁvadā

⏑−⏑−¦−⏑⏑¦−⏑−⏑−
pavattayuṁ koñcanadaṁ mataṅgajā. [43] [1-43]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Hayā ca hesiṁsu pahaṭṭhamānasā

⏑−⏑−¦−⏑⏑¦−⏑−⏑−
nadiṁsu sabbā sayam-eva dundubhī

⏑−⏑−¦−⏑⏑¦−⏑−⏑−
raviṁsu dehābharaṇāni pāṇinaṁ

⏑−⏑−¦−⏑⏑¦−⏑−⏑−
disā pasīdiṁsu samā samantato. [44] [1-44]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Pavāyi mando sukhasītamāruto

⏑−⏑−¦−⏑⏑¦−⏑−⏑−
pavassi megho pi akālasaṁbhavo

⏑−⏑−¦−⏑⏑¦−⏑−⏑−
jahiṁsu ākāsagatiṁ vihaṅgamā

⏑−⏑−¦−⏑⏑¦−⏑−⏑−
mahiṁ samubbhijja jalaṁ samuṭṭhahi. [45] [1-45]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Asandamānā va ṭhitā savantiyo

⏑−⏑−¦−⏑⏑¦−⏑−⏑−
nabhe virociṁsu asesajotiyo

⏑−⏑−¦−⏑⏑¦−⏑−⏑−
bhavā ahesuṁ vivaṭā samantato

⏑−⏑−¦−⏑⏑¦−⏑−⏑−
janassa nāsuṁ cavanūpapattiyo. Text: cavanupapattiyo. [46] [1-46]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Samekkhataṁ nāvaraṇā nagādayo

⏑−⏑−¦−⏑⏑¦−⏑−⏑−
pavāyi gandho api dibbasammato

⏑−⏑−¦−⏑⏑¦−⏑−⏑−
dumā ahesuṁ phalapupphadhārino

⏑−⏑−¦−⏑⏑¦−⏑−⏑−
ahosi channo kamalehi aṇṇavo. [47] [1-47]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Thalesu toyesu ca pupphamānakā

⏑−⏑−¦−⏑⏑¦−⏑−⏑−
vicittapupphā vikasiṁsu sabbathā

⏑−⏑−¦−⏑⏑¦−⏑−⏑−
nirantaraṁ pupphasugandhavuṭṭhiyā

⏑−⏑−¦−⏑⏑¦−⏑−⏑−
ahosi sabbaṁ vasudhambarantaraṁ. [48] [1-48]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Nisajja pallaṅkavare tahiṁ jino

⏑−⏑−¦−⏑⏑¦−⏑−⏑−
sukhaṁ samāpattivihārasambhavaṁ

⏑−⏑−¦−⏑⏑¦−⏑−⏑−
tatonubhonto sucirābhipatthitaṁ

⏑−⏑−¦−⏑⏑¦−⏑−⏑−
dināni satteva atikkamāpayi. [49] [1-49]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Samuppatitvā gagaṇaṅganaṁ tato

⏑−⏑−¦−⏑⏑¦−⏑−⏑−
padassayitvā yamakaṁ mahāmuni

⏑−⏑−¦−⏑⏑¦−⏑−⏑−
sa pāṭihīraṁ tidivādhivāsinaṁ

⏑−⏑−¦−⏑⏑¦−⏑−⏑−
jinattane saṁsayitaṁ nirākari. [50] [1-50]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Athotaritvāna jayāsanassa so

⏑−⏑−¦−⏑⏑¦−⏑−⏑−
ṭhito va pubbuttarakaṇṇanissito

⏑−⏑−¦−⏑⏑¦−⏑−⏑−
dināni sattānimisena cakkhunā

⏑−⏑−¦−⏑⏑¦−⏑−⏑−
tam-āsanaṁ bodhitaruṁ ca pūjayī. [51] [1-51]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Athantarāḷe maṇicaṅkame jino

⏑−⏑−¦−⏑⏑¦−⏑−⏑−
ṭhitappadesassa ca āsanassa ca

⏑−⏑−¦−⏑⏑¦−⏑−⏑−
mahārahe devavarābhinimmite

⏑−⏑−¦−⏑⏑¦−⏑−⏑−
dināni satteva akāsi caṅkamaṁ. [52] [1-52]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tato disāyaṁ aparāya bodhiyā

⏑−⏑−¦−⏑⏑¦−⏑−⏑−
upāvisitvā ratanālaye jino

⏑−⏑−¦−⏑⏑¦−⏑−⏑−
samantapaṭṭhānanayaṁ vicintayaṁ

⏑−⏑−¦−⏑⏑¦−⏑−⏑−
dināni satteva sa vītināmayi. [53] [1-53]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Viniggato satthu sarīrato tadā

⏑−⏑−¦−⏑⏑¦−⏑−⏑−
jutippabandho paṭibandhavajjito

⏑−⏑−¦−⏑⏑¦−⏑−⏑−
pamāṇasuññāsu ca lokadhātusu

⏑−⏑−¦−⏑⏑¦−⏑−⏑−
samantato uddham-adho ca patthari. [54] [1-54]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Vaṭassa mūle Ajapālasaññino

⏑−⏑−¦−⏑⏑¦−⏑−⏑−
sukhaṁ phusanto pavivekasambhavaṁ

⏑−⏑−¦−⏑⏑¦−⏑−⏑−
vināyako satta vihāsi vāsare

⏑−⏑−¦−⏑⏑¦−⏑−⏑−
anantadassī surarājapūjito. [55] [1-55]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Vihāsi mūle Mucalindasākhino

⏑−⏑−¦−⏑⏑¦−⏑−⏑−
nisajja bhogāvalimandirodare

⏑−⏑−¦−⏑⏑¦−⏑−⏑−
vikiṇṇapupphe Mucalindabhogino

⏑−⏑−¦−⏑⏑¦−⏑−⏑−
samādhinā vāsarasattakaṁ jino. [56] [1-56]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Dume pi Rājāyatane samādhinā

⏑−⏑−¦−⏑⏑¦−⏑−⏑−
vihāsi rattindivasattakaṁ muni

⏑−⏑−¦−⏑⏑¦−⏑−⏑−
sahassanetto atha dantapoṇakaṁ

⏑−⏑−¦−⏑⏑¦−⏑−⏑−
mukhodakañ-cāpi adāsi satthuno. [57] [1-57]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Tato mahārājavarehi ābhataṁ

⏑−⏑−¦−⏑⏑¦−⏑−⏑−
silāmayaṁ pattacatukkam-ekakaṁ

⏑−⏑−¦−⏑⏑¦−⏑−⏑−
vidhāya manthaṁ madhupiṇḍikaṁ tahiṁ

⏑−⏑−¦−⏑⏑¦−⏑−⏑−
paṭiggahetvāna sa vāṇijāhaṭaṁ. [58] [1-58]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Katannakicco saraṇesu te ubho

⏑−⏑−¦−⏑⏑¦−⏑−⏑−
patiṭṭhapetvāna Tapassu-Bhalluke

⏑−⏑−¦−⏑⏑¦−⏑−⏑−
adāsi tesaṁ abhipūjituṁ sakaṁ

⏑−⏑−¦−⏑⏑¦−⏑−⏑−
parāmasitvāna siraṁ siroruhe. [59] [1-59]

 

⏑−⏑−¦−⏑⏑¦−⏑−⏑−  Vaṁsaṭṭhaṁ
Vaṭassa mūle Ajapālasaññino

⏑−⏑−¦−⏑⏑¦−⏑−⏑−
sahampatibrahmavarena yācito

⏑−⏑−¦−⏑⏑¦−⏑−⏑−
janassa kātuṁ varadhammasaṅgahaṁ Text: -sangahaṁ.

⏑−⏑−¦−⏑⏑¦−⏑−⏑−
agañchi Bārāṇasim-ekako muni. [60] [1-60]

 

−−−−⏑−−,⏑⏑⏑⏑⏑⏑−,−⏑−−⏑−− Saddharā
Gantvā so dhammarājā vanam-Isipatanaṁ saññatānaṁ niketaṁ

−−−−⏑−−,⏑⏑⏑⏑⏑⏑−−⏑−−⏑−−
pallaṅkasmiṁ nisinno tahim-avicalitaṭṭhānasampāditamhi

−−−−⏑−−,⏑⏑⏑⏑⏑⏑−,−⏑−−⏑−−
āsāḷhe puṇṇamāyaṁ sitaruciruciyā jotite cakkavāḷe

−−−−⏑−−,⏑⏑⏑⏑⏑⏑−,−⏑−−⏑−−
devabrahmādikānaṁ duritamalaharaṁ vattayī dhammacakkaṁ. [61] [1-61]

 

−−−−⏑−−,⏑⏑⏑⏑⏑⏑−,−⏑−−⏑−− Saddharā
Sutvā saddhammam-aggaṁ tibhuvanakuharābhogavitthārikaṁ B: -vitthāritaṁ. taṁ

−−−−⏑−−,⏑⏑⏑⏑⏑⏑−−⏑−−⏑−−
Aññākoṇḍaññanāmadvijamunipamukhaṭṭhārasabrahmakoṭī

−−−−⏑−−,⏑⏑⏑⏑⏑⏑−,−⏑−−⏑−−
aññāsuṁ maggadhammaṁ parimitarahite cakkavāḷe uḷāro

−−−−⏑−−,⏑⏑⏑⏑⏑⏑−,−⏑−−⏑−−
obhāso pātubhūto sapadi bahuvidhaṁ āsi accherakaṁ ca. [62] [1-62]