Dhammatthavinicchayo

Abhidhammatthā

25. Sattānusayā

from Yamakapāḷi

Sattānusayā:

1. Kāmarāgānusayo,
2. paṭighānusayo,
3. mānānusayo,
4. diṭṭhānusayo,
5. vicikicchānusayo,
6. bhavarāgānusayo,
7. avijjānusayo.

1. Kattha kāmarāgānusayo anuseti?

Kāmadhātuyā dvīsu vedanāsu.

Ettha kāmarāgānusayo anuseti.

2. Kattha paṭighānusayo anuseti?

Dukkhāya vedanāya.

Ettha paṭighānusayo anuseti.

3. Kattha mānānusayo anuseti?

Kāmadhātuyā dvīsu vedanāsu rūpadhātuyā arūpadhātuyā.

Ettha mānānusayo anuseti.

4. Kattha diṭṭhānusayo anuseti?

Sabbasakkāyapariyāpannesu dhammesu.

Ettha diṭṭhānusayo anuseti.

5. Kattha vicikicchānusayo anuseti?

Sabbasakkāyapariyāpannesu dhammesu.

Ettha vicikicchānusayo anuseti.

6. Kattha bhavarāgānusayo anuseti?

Rūpadhātuyā arūpadhātuyā.

Ettha bhavarāgānusayo anuseti.

7. Kattha avijjānusayo anuseti?

Sabbasakkāyapariyāpannesu dhammesu.

Ettha avijjānusayo anuseti.

last updated: December 2016