−−−−,⏑⏑⏑⏑⏑−,−⏑−−⏑−−
Sabbe pete dharaṇipatayo maccum-accetum-ante

−−−−⏑⏑⏑⏑⏑−,−⏑−−⏑−−
no sakkhiṁsūpacitasubalā sādhusaṁpannabhogā,

−−−−⏑⏑⏑⏑⏑−,−⏑−−⏑−−
evaṁ sabbe nidhanavasagā honti sattā ti niccaṁ

−−−−,⏑⏑⏑⏑⏑−,−⏑−−⏑−−
rāgaṁ sammā vinayatu dhane jīvite cāpi dhīmā.

⏑−⏑−¦−⏑⏑¦−⏑−−
Dasāpi te rājavarā sabhogā

⏑−⏑−¦−⏑⏑¦−⏑−−
upāgamuṁ maccumukhaṁ abhogā,

⏑−⏑−¦−⏑⏑¦−⏑−−
aniccataṁ bhogavato dhane ca

−−⏑−¦−⏑⏑¦−⏑−−
disvā sapañño vibhavaṁ va icche?

−−−⏑⏑−⏑−,⏑⏑⏑−−−⏑−−⏑−
Evaṁ Kassapakopino atibalī puññakkhaye saṅkhate

−−−⏑⏑−⏑−⏑⏑⏑−−−⏑−−⏑−
jetuṁ no visahittha maccum-upagaṁ so yeva dāso viya:

−−−⏑⏑−⏑−⏑⏑⏑−−−⏑−−⏑−
tasmā maccubhayaṁ nihacca sukhino hessanti medhāvino

−−−⏑⏑−⏑−,⏑⏑⏑−−−⏑−−⏑−
nibbāṇaṁ param-accutaṁ sivapadaṁ pattabbam-attaññunā.

−−−−⏑−−,⏑⏑⏑⏑⏑⏑−,−⏑−−⏑−−
Aṭṭhete tuṭṭhacittāparimitavibhavā rājarājena rūpā

−−−−⏑−−,⏑⏑⏑⏑⏑⏑−,−⏑−−⏑−−
rājāno rājamānā narakarituragā sūrasenārathehi

−−−−⏑−−,⏑⏑⏑⏑⏑⏑−,−⏑−−⏑−−
ante hitvākhilaṁ taṁ vigataparijanāḷāhaṇaṁ saṁgatāsuṁ:

−−−−⏑−−,⏑⏑⏑⏑⏑⏑−,−⏑−−⏑−−
sappañño taṁ saranto bhavatu bhavasukhaṁ vantukāmo hitesī.

−−−⏑⏑−⏑−⏑⏑⏑−−−⏑−−⏑−
Evaṁ puññaratā narādhipatayo saṁpannabhogāgamuṁ

−−−⏑⏑−⏑−,⏑⏑⏑−−−⏑−−⏑−
maccusseva vasaṁ tato hi matimā sammā bhavassīdisaṁ

−−−⏑⏑−⏑−⏑⏑⏑−−−⏑−−⏑−
passanto niyamaṁ, vihāya vidhinā sabbaṁ bhave saṁgatiṁ

−−−⏑⏑−⏑−⏑⏑⏑−−−⏑−−⏑−
nibbāṇābhimukho careyya dhitimā pabbajjam-ajjhūpago.

−−⏑−¦−⏑⏑¦−⏑−−
Evaṁ aniccā vata sabbabhogā

⏑−⏑−¦−⏑⏑¦−⏑−−
sudullabhā ceva khaṇeva sobhā

−−⏑−¦−⏑⏑¦−⏑−−
tasmā hi etesu ratiṁ vihāya

⏑−⏑−¦−⏑⏑¦−⏑−−
bhaveyya dhammābhimukho hitesī.

−−⏑−¦−⏑⏑¦−⏑−−
Evaṁ pare māriya āhavamhi

−−⏑−¦−⏑⏑¦−⏑−−
kicchena laddhā va narena bhogā

−−⏑−¦−⏑⏑¦−⏑−−
āsuṁ khaṇe vijjulatopasobhā

−−⏑−¦−⏑⏑¦−⏑−−
ko buddhimā tesu ratiṁ kareyya?

−−⏑−¦−⏑⏑¦−⏑−−
Evaṁ viditvā bahupaddavāni

⏑−⏑−¦−⏑⏑¦−⏑−−
dhanāni dhaññāni ca vāhanāni

⏑−⏑−¦−⏑⏑¦−⏑−−
vihāya rajjesu ratiṁ sapaññā

⏑−⏑−¦−⏑⏑¦−⏑−−
manuññapuññābhiratā bhaveyyuṁ.

−−⏑−¦−⏑⏑¦−⏑−−
Evaṁ anekehi nayehi laddhā

⏑−⏑−¦−⏑⏑¦−⏑−−
janassa dukkhehi virūpakehi

−−⏑−¦−⏑⏑¦−⏑−−
bhogā vinassanti khaṇena sabbe.

⏑−⏑−¦−⏑⏑¦−⏑−−
Aho tahiṁ yeva ramanti bālā!

−−⏑−¦−⏑⏑¦−⏑−−
Evaṁ aniccā vata sabbadehī

−−⏑−¦−⏑−¦−⏑−−
sabbaññuno pevam-upenti maccuṁ:

⏑−⏑−¦−⏑⏑¦−⏑−−
pahāya tasmā bhavarāgajātaṁ

−−⏑−¦−⏑⏑¦−⏑−−
buddho subuddhī vibhave bhaveyya.

−−⏑−¦−⏑⏑¦−⏑−−
Bhogā aniccā saha jīvitena,

⏑−⏑−¦−⏑⏑¦−⏑−−
pag-eva te bandhujanā sahāyā:

⏑−⏑−¦−⏑⏑¦−⏑−−
narādhipaṁ passatha ekam-eva

⏑−⏑−¦−⏑⏑¦−⏑−−
samāgataṁ maccumukhaṁ sughoraṁ.

⏑−⏑−¦−⏑⏑¦−⏑−−
Sudujjayaṁ Paṇḍunarādhirājaṁ

−−⏑−¦−⏑⏑¦−⏑−−
eko, paro Rohaṇam-uggaduggaṁ

−−⏑−¦−⏑⏑¦−⏑−−
katvā pi ete savasaṁ narindā

⏑−⏑−¦−⏑⏑¦−⏑−−
sayaṁ vasaṁ maccum-upāgamiṁsu.

−−−−⏑−−,⏑⏑⏑⏑⏑⏑−,−⏑−−⏑−−
Laṅkārajje pi ṭhatvā kathitatipiṭako sabbavijjāpadīpo

−−−−⏑−−,⏑⏑⏑⏑⏑⏑−,−⏑−−⏑−−
vattā vādī kavīso satidhitivisado desako bhāvako ca

−−−−⏑−−,⏑⏑⏑⏑⏑⏑−,−⏑−−⏑−−
paññāsaddhādayāvā parahitanirato lokavedī vadaññū

−−−−⏑−−,⏑⏑⏑⏑⏑⏑−,−⏑−−⏑−−
rājindo Kassapoyaṁ viya vimalaguṇo hotu loko pi sabbo.

−−−⏑⏑−⏑−,⏑⏑⏑−−−⏑−−⏑−
Pañcete vasudhādhipā vasumatiṁ ekātapattaṅkitaṁ

−−−⏑⏑−⏑−⏑⏑⏑−−−⏑−−⏑−
bhutvā niggahasaṁgahehi sakalaṁ lokaṁ vasevattiya

−−−⏑⏑−⏑−⏑⏑⏑−−−⏑−−⏑−
yātā maccuvasaṁ saputtavanitā sāmaccamittānugā:

−−−⏑⏑−⏑−⏑⏑⏑−−−⏑−−⏑−
iccevaṁ satataṁ sarantu sujanā hātuṁ pamādaṁ madaṁ.

⏑−⏑−¦−⏑⏑¦−⏑−−
Ito viditvā khalu pāpamitta-

⏑−⏑−¦−⏑⏑¦−⏑−−
vidheyyabhāvaṁ parihānihetuṁ

⏑−⏑−¦−⏑⏑¦−⏑−−
sukhattito ye idha vā huraṁ vā,

⏑−⏑−¦−⏑⏑¦−⏑−−
jahantu te ghoravisaṁ va vālaṁ.

⏑−⏑−¦−⏑⏑¦−⏑−−
Pamādadosānagatena evaṁ

−−⏑−¦−⏑⏑¦−⏑−−
laddhā pi bhogā na thirā bhavanti:

−−⏑−¦−⏑⏑¦−⏑−−
iccappamādaṁ hitam-āsasāno

−−⏑−¦−⏑⏑¦−⏑−−
niccaṁ suviññū susamācareyya.

⏑−⏑−¦−⏑⏑¦−⏑−−
Ime bhusaṁ lobhabalābhibhūtā

⏑−⏑−¦−⏑⏑¦−⏑−−
gatā asesā vivasā vināsaṁ:

−−⏑−¦−⏑⏑¦−⏑−−
iccevam-aññāya sadā sapañño

−−⏑−¦−⏑⏑¦−⏑−−
taṇhakkhaye yeva ratiṁ kareyya.

−−⏑−¦⏑⏑⏑ −⏑⏑¦−⏑−−
Āgamma sattarasavassavayaṁ kumāro

−−⏑−¦⏑⏑⏑−⏑⏑¦−⏑−−
sabbattha patthaṭamahāyasakittitejo

−−⏑−¦⏑⏑⏑−⏑⏑¦−⏑−−
sāmādinekavidhiyogavisesadakkho

−−⏑−¦⏑⏑⏑−⏑⏑¦−⏑−−
khīṇārikaṇṭakam-akākhilarohaṇaṁ taṁ.

−−⏑−¦⏑⏑⏑−⏑⏑¦−⏑−−
Vīro asesanihatuddhatacoḷaseṭṭho

−−⏑−¦⏑⏑⏑−⏑⏑¦−⏑−−
viññū susādhu ṭhapitākhilarājaraṭṭho

−−⏑−¦⏑⏑⏑−⏑⏑¦−⏑−−
iṭṭhaṁ 'nurādhapuraseṭṭham-atīva haṭṭho

−−⏑−¦⏑⏑⏑−,⏑⏑¦−⏑−−
vassamhi pañcadasame gami rājaseṭṭho.

⏑−⏑−¦−⏑⏑¦−⏑−−
Vidhāya evaṁ sajane janindo

−−⏑−¦−⏑⏑¦−⏑−−
nissesato bhogasamappito so

⏑−⏑−¦−⏑⏑¦−⏑−−
dayāparo ñātijanātam-atthaṁ

⏑−⏑−¦−⏑⏑¦−⏑−−
samācarī nītipathānurūpaṁ.

−−−−⏑−−,⏑⏑⏑⏑⏑⏑−,−⏑−−⏑−−
Evaṁ paññāsavassāni ha Vijayabhujo vattayitvāna sammā

−−−−⏑−−,⏑⏑⏑⏑⏑⏑−,−⏑−−⏑−−
āṇācakkaṁ janindo vyapagatakhalanaṁ esa pañcādhikāni

−−−−⏑−−,⏑⏑⏑⏑⏑⏑−−⏑−−⏑−−
vaḍḍhetvā sāsanaṁ taṁ khaladamiḷabhayopaddutaṁ cāpi lokaṁ

−−−−⏑−−⏑⏑⏑⏑⏑⏑−,−⏑−−⏑−−
saggaṁ lokaṁ sapuññappabhavam-uruphalaṁ passituṁ 'vāruroha.

−−−⏑⏑−⏑−,⏑⏑⏑−−−⏑−−⏑−
Evaṁ gāmakabhojakā viya bhusaṁ tejovihīnā sadā

−−−⏑⏑−⏑−⏑⏑⏑−−−⏑−−⏑−
accantaṁ byasanātisattahadayā rājābhimānujjhitā.

−−−⏑⏑−⏑−⏑⏑⏑−−−⏑−−⏑−
niccaṁ attaparatthasiddhividhurā saṅgā vihīnāsayā

−−−⏑⏑−⏑−⏑⏑⏑−−−⏑−−⏑−
sabbe te vihariṁsu bhūmipatayo cārittamaggātigā.

⏑−⏑−¦−⏑⏑¦−⏑−−
Saputtadārehi samaggavāsaṁ

⏑−⏑−¦−⏑⏑¦−⏑−−
narādinātho nivasaṁ tahiṁ so

−−⏑−¦−⏑⏑¦−⏑−−
tibbena phuṭṭho mahatā gadena

−−⏑−¦−⏑⏑¦−⏑−−
rajjena saddhiṁ vijahittha dehaṁ.

−−⏑−¦−⏑⏑¦−⏑−−
Laddhā tato kañcukisūdakāra-

−−⏑−¦−⏑⏑¦−⏑−−
vaggādineke paricārake so

−−⏑−¦−⏑⏑¦−⏑−−
nānāguṇārādhitamānasassa

⏑−⏑−¦−⏑⏑¦−⏑−−
vasī sakāse pituno sukhena.

−−⏑−¦⏑⏑⏑−⏑⏑¦−⏑−−
Laddhāna rattiyam-athekadinaṁ khaṇaññū

−−⏑−¦⏑⏑⏑−⏑⏑¦−⏑−−
so tādisaṁ khaṇam-akhīṇatarorupāyo

−−⏑−¦⏑⏑⏑−,⏑⏑¦−⏑−−
jānāti no sakapitā gamanaṁ yathā taṁ

−−⏑−¦⏑⏑⏑−,⏑⏑¦−⏑−−
gehābhinikkhami tathā caturo kumāro.

−−⏑−¦⏑⏑⏑−⏑⏑¦−⏑−−
Vīro yasovaradhano dhitimā kumāro

−−⏑−¦⏑⏑⏑−⏑⏑¦−⏑−−
vīropakāracaturo varakittisāro

−−⏑−¦⏑⏑⏑−⏑⏑¦−⏑−−
senindasaṁcitam-anappadhanaṁ bhaṭānaṁ

−−⏑−¦⏑⏑⏑−⏑⏑¦−⏑−−
sabbaṁ visajjayi yathā ruciyā gahetuṁ.

−−⏑−¦⏑⏑⏑−⏑⏑¦−⏑−−
Evaṁ purācitasamunnatapuññakamma-

−−⏑−¦⏑⏑⏑−,⏑⏑¦−⏑−−
saṁpannasattavihitā nikhilā payogā

−−⏑−¦⏑⏑⏑−⏑⏑¦−⏑−−
appatva kaṁci pi vibandhakahetum-enti

−−⏑−¦⏑⏑⏑−,⏑⏑¦−⏑−−
siddhiṁ ti ñatva nipuṇo kusalaṁ kareyya.

⏑⏑⏑⏑⏑⏑−−−⏑−−⏑−−
Varaguṇagaṇanītānekasāmantacitto

⏑⏑⏑⏑⏑⏑−−,−⏑−−⏑−−
suvidhunitasapatto tikkhatejobhipatto

⏑⏑⏑⏑⏑⏑−−,−⏑−−⏑−−
sakalabhuvanagabbhavyāpisakkittivitto

⏑⏑⏑⏑⏑⏑−−,−⏑−−⏑−−
samadhivasi puraṁ taṁ sundarānekavutto

−−⏑−¦−⏑⏑¦−⏑−−
Evaṁ samiddhiṁ gamitaṁ sakīyaṁ

−−⏑−¦−⏑⏑¦−⏑−−
khuddaṁ pi rajjaṁ nijadhīvisesā

−−⏑−¦−⏑⏑¦−⏑−−
aññaṁ mahantaṁ pi yathātiseti

−−⏑−¦−⏑⏑¦−⏑−−
rajjaṁ, tathākāsi vidhānadakkho.

−−⏑−¦−⏑⏑¦−⏑−−
Itthaṁ vidhiññū kavacāvudhāni

⏑−⏑−¦−⏑⏑¦−⏑−−
balāni sūrāni ca sādhayitvā

⏑−⏑−¦−⏑⏑¦−⏑−−
apīḷayitvā janataṁ sukhena

⏑−⏑−¦−⏑⏑¦−⏑−−
akāsi nānādhanasaṁcayaṁ ca

−−⏑−¦−⏑⏑¦−⏑−−
Evaṁ sudukkhena gahītarajjaṁ

−−⏑−¦−⏑⏑¦−⏑−−
saṁghassa rājā vacanaṁ nisamma

−−⏑−¦−⏑⏑¦−⏑−−
datvāna rañño sakaraṭṭham-eva

⏑−⏑−¦−⏑⏑¦−⏑−−
gato: aho tassa dayāparattaṁ.

−−⏑−¦⏑⏑⏑−,⏑⏑¦−⏑−−
Evaṁ disā ca vidisā ca vidhāya sabbā

−−⏑−¦⏑⏑⏑−⏑⏑¦−⏑−−
pūjāmayā viya sa majjhimalokapālo

−−⏑−¦⏑⏑⏑−,⏑⏑¦−⏑−−
rājā Parakkamabhujo varacakkavattī

−−⏑−¦⏑⏑⏑−,⏑⏑¦−⏑−−
vasse akāsi dutiye dutiyābhisekaṁ.